Jeremia 25:22 - O Debleskro Drom 2021 (Sinte)

²² i bare raja an i forja Tirus un Sidon; i bare raja an i themma wergel o baro pani;

O Debleskro Lab 2024 (Sinte-Manouche)

²² i bare raya an i forya Tirus oun Sidon; i bare raya an i themma vergel o baro pani;

Jeremia 25:22 ပူးပေါင်းရင်းမြစ်များ

Jesaja 23:1

Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

Jesaja 23:15

An ko tsiro well o foro Tirus 70 (efta-deesh) bersha bistedo, jaake bud bersha har i baro rai djiwell. Pal kol 70 bersha djal o foreske Tirus jaake har koi lubjake an koi gili:

Jesaja 23:4

Kanna ladjenn tumen, tumer menshe an o foro Sidon! O Tirus, ko sorelo foro pash o baro pani, ap koleste tut rikral, penell: “Me hom har i djuwel, kai kek tchawen las. Wau buder gar dai, un tserdau kek terne murshen un kek terne tcha pre.”

Jeremia 27:3

Man hi i lab kol bare rajenge pral i themma Edom, Moab, Ammon, Tirus un Sidon. Lengre bitchepangre hi an Jerusalem pash o baro rajeste Zedekja. Muk lenge te penell,

Jeremia 31:10

Shunenn, tumer menshe dran wawar themma, hoi o baro Dewel penell! Djan pral o baro pani pash i panjeskre themma, un rakrenn kote leskre laba! Penenn: Kowa, kai tradas o Israel an bud themma, kowa lell len pale khetne un dell garda ap lende har i bakrengro ap peskre bakre garda dell.

Jeremia 47:4

Ko diwes was, kai nashrenn i tsele Filistarja pengro djipen. Kek atchell djido, kai nai wals kol forjenge Tirus un Sidon ap i rig. O baro Dewel marell kol Filistarjen, kolla kai atchan kolendar pral, kai wan dran ko panjeskro them Kreta.

Ezekiel 27:27

Tiro brawlepen un parepaskro koowa, halauter hoi tut his, perell an o baro pani. Kol mursha, kai ap o shiffo budrenn, un les ulerenn, un kolla, kai krenn, te djal kek pani dren, tire parepangre, tire lurde, tire budepangre, kai an tute hi, halauter tassenn an o baro pani. Ap ko diwes kai tu djal tele, djan le halauter khetne tuha tele.

Ezekiel 28:1

Un o baro Dewel penas ap mande:

Ezekiel 28:20

Un o baro Dewel penas ap mande:

Ezekiel 28:21

Tu, mensho, dik kote, kai o foro Sidon hi, un pen glan-wi, hoi pral o foro wella!

Ezekiel 29:18

Tu, mensho, shun! O Nebukadnezar, ko rai pral o them Babilonia, mukas peskre lurden i phari budi te krell, har lan le o foro Tirus dren: Ap lengre sherja his buder kek balla, un lengre phika his pre un jek dukepen. Fothe jon ninna budran, an o foro Tirus his leske un leskre lurdenge kek plaissepen.

Ezekiel 32:30

Kote hi i pralstune pral i tsele themma, kai hi kote tchiddo, kai norden hi. Kote hi ninna i tsele Sidonarja, kai pash kolende tele djan, kai wan maredo. Ninna te kran le wawarenge bari daar, hi kanna lengri bari soor paash dino. Jon hi gar tchinlo ap pengro mass un hi tchiddo pash kolende, kai o chareha maredo wan, un hidjrenn pengri ladj khetne kol wawarentsa an o mulengro them.

Ezekiel 39:6

Un me bitchrau jag ap i forja an o them Magog, un ap kolende, kai djiwenn pash o baro pani, un kolen kek daar hi wawarendar. Palle dikenn un haiwenn le, te hom me o baro Dewel.