Jeremia 25:19 - O Debleskro Drom 2021 (Sinte)

¹⁹ Pal lende hunte pijenn i wawar menshe dran kau khoro: o baro rai pral Egiptia; ninna kol wawar pralstunende; un i tsele Egiptarja;

O Debleskro Lab 2024 (Sinte-Manouche)

¹⁹ Pal lende hounte piyenn i vavar menshe dran kava khoro: o baro ray pral Egiptia; ninna kol vavar pralstunende; oun i tsele Egiptarya;

Jeremia 25:19 ပူးပေါင်းရင်းမြစ်များ

Jeremia 43:12

Un me mukau kol khera te chatchrell, hoi i Egiptarja pengre deblenge kran. Un lengre debla mukau pandles krik te anell. Un job krell o them Egiptia djudjo i chochene deblendar jaake har i bakrengro i djuwa win lell dran peskri plaashka. Un palle djal lo dureder un kek rikrell les pre.

Jeremia 43:13

Un job phagell i bare barra pash o foro Bet-Shemesh an kotja. Un i khera i deblentsa chatchrell lo tele an o them Egiptia.

Jeremia 46:2

An o starto bersh, har o Jojakim, koleskro dad o Josia his, ko baro rai pral o them Juda his, rakras o baro Dewel pral o them Egiptia. Koi his i lurde o Faraestar Necho, ko baro rai pral o them Egiptia, pash o pani Eufrat tardo pash o foro Karkemish. Un o Nebukadnezar, ko baro rai dran o them Babilonia, kuras pes lentsa un das len.