Jeremia 25:17 - O Debleskro Drom 2021 (Sinte)

¹⁷ Un me lom ko khoro dran o wast o baro Deblestar, un dom les i tsele natsjonenge te pijell, pash kolende o baro Dewel man bitchras.

O Debleskro Lab 2024 (Sinte-Manouche)

¹⁷ Oun me lom ko khoro dran o vast o baro Deblestar, oun dom les i tsele natsyonenge te piyell, pash kolende o baro Devel man bičras.

Jeremia 25:17 ပူးပေါင်းရင်းမြစ်များ

Jeremia 1:10

Dik kai! Me dau tut kai diwes penepaske pral bud menshende un themma, te tradess len win, phagess len khetne, dess len tele un kress len paash, un mukess len pale bares te well, un kress len soreles.

Jeremia 25:28

Te hi jek lendar pashel, koleste o khoro deh, un kowa kamell gar te pijell dran leste, pen leske: O baro Dewel, ko rai pral o bolepen un i phub, penell: Tumer hunte pijenn koi dran!

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 27:3

Man hi i lab kol bare rajenge pral i themma Edom, Moab, Ammon, Tirus un Sidon. Lengre bitchepangre hi an Jerusalem pash o baro rajeste Zedekja. Muk lenge te penell,

Ezekiel 29:2

Tu, mensho, dik kote, kai o them Egiptia hi, un pen glan-wi, hoi well ap leskro baro rajeste, o Faraeste, un ap o tselo them Egiptia.

Ezekiel 3:2

Un me krom miro mui pre. Un job das man ko liil chapaske,

Ezekiel 43:3

Un kowa, hoi me dikom an kai visiona his har kowa, hoi dikom, har homs pash o lengsto pani Kebar, un ninna har kowa, hoi dikom, har was o Dewel an o foro Jerusalem, te dell lo o foro paash. Un me mukom man ap i phub te perell glan leste.

Habakuk 2:16

Tu anal ladj ap tute un kek sharepen. O baro Dewel dell tut dran leskro khoro pherdi peskri choli te pijell. Kanna pi, bis te nai rikreh tut buder gar ap tire pire! Palle well i ladj pral tute, un tiro railepen hi gar buder.