Jeremia 23:6 - O Debleskro Drom 2021 (Sinte)

⁶ An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

O Debleskro Lab 2024 (Sinte-Manouche)

⁶ An leskro tsiro vell o Youda vin lino dran i čilače vasta, oun o Israel nay djivell kek daryah. Oun i menshe denn les o lab o baro Devel krell men čačo.

Jeremia 23:6 ပူးပေါင်းရင်းမြစ်များ

Debleskri gili 45:5

Besh tut ap tiro grai! Dja trujel an o them un kre o tchatchepen soreles! Le i tchorwelengro koowa an tiro wast un kre, te lenn le pengro tchatchepen! Jaake krell tiri tchatchi mussi baro sorelo koowa.

2. Mose 9:26

Kokres an o them Gosen, kai i Israelitarja djiwan, kote peras kek barrengro brishin tele.

Jesaja 2:4

Un job well o tchatchepaskro rai, kai krell o tchatchepen win mashkral i menshende dran i wawar themma, un penell lenge, te mukenn le pengro tchingepen. Un kolla lenn palle pengre chare un witsepaskre tchurja, un krenn lendar hachetikre koola, kolentsa budrenn le nai an i phub un tchinenn i drakengre kashta tele. Un palle kurenn pen i menshe dran jek them buder gar i menshentsa dran i wawar them. Un kek sikrell i wawaren buder, har te marenn le pen.

Jesaja 32:1

Sik well i baro rai, kai krell halauter an o tchatchepen, un i pralstune pral o them denn hakenes peskro tchatchepen.

Jesaja 32:18

Palle djiwenn mire menshe an i them, kai kek kurepen hi, an khera, kai hunte well len kek daar, te krell jek lenge tchomone, un ap platse, kai nai atchenn le, un kek tradell len krik.

Jesaja 33:5

Sharedo pral halauter hi o baro Dewel. Pral an o bolepen djiwell lo. Un ap i berga Zion krell job o tchatchepen win, te lell hakeno peskro tchatchepen.

Jesaja 35:9

Kek lewo hi kote; witar kek wawar viecho, hoi wawar viechen chal, djal ap ko drom; sawe vieche wenn gar kote hatslo. Ap kau drom djan kokres sawe menshe, kolen o baro Dewel win las dran o pandepen.

Jesaja 42:6

Me, o baro Dewel, dom tut gole, te aness o tchatchepen pash i menshende. Me taprom tut pash tiro wast. Un me dau jak ap tute. Tu wess o rakepaskro, kai krell i menshentsa win, te wap lengro Dewel; un wess i menshenge an i tsele themma i momeli, hoi sikrell len o drom pash mande.

Jesaja 45:17

O Israel well win lino o baro Deblestar dran o tchilatchepen hako tsireske. Kek ladj un kek praassepen well ap leste – an kek tsiro.

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Jeremia 31:23

Kowa penell o baro Dewel, ko rai pral o bolepen un i phub, kai o Israeleskro Dewel hi: “An ko tsiro, kai anau len pale dran kol themma, kai jon pandle his, penenn i menshe dran i forja an o them Juda: O baro Dewel mu tchiwell peskri bacht ap tute, tu them, kai o tchatchepen khere hi, un o Dewel ap peskri berga djiwell.

Jeremia 32:37

Tchatchepah, me anau mire menshen pale kate an kau foro, dran kol tsele themma, kai me len tradau an miri bari choli, hoi chatchell har i jag an mande. Me anau len pale an kau foro, te djiwenn le kate kek darjah.

Jeremia 33:15

An kol diwessa mukau i baro rai dran o Davideskri familja pre te stell, kai hi an o tchatchepen tardo. Kowa krell hoi mishto un tchatcho hi an o tselo them.

Jeremia 33:16

An ko tsiro wenn i menshe an Juda win lino dran i tchilatche wasta, un kolla an Jerusalem nai djiwenn kek darjah. Un o foro well kharedo ‘o baro Dewel krell men tchatcho’.

Ezekiel 21:27

Ko sikepen sikrell ap i tchatchi rig un penell leske, te djal lo peskre lurdentsa an o foro Jerusalem. Kote denn le bari gole – i bari kurepaskri gole. Jon tchiwenn bare pesse rukengre kotja pash i wudja an o foreskri massuri, te denn le kolentsa i wudja dren. Ninna tchiwenn le tchik pre win trul i massuri, te nai djan le pral ap i massuri. Un jon krenn turme, te denn le karje an o foro.

Ezekiel 28:26

Un jon djiwenn an ko them, un len hunte well kek daar i wawar themendar. Jon krenn penge khera un tchiwenn drakengre ruka an i phub. Un kek nai krell lenge tchilatchepen. An ko tsiro kai dau kol themma trul lende pengri phagi, kai tele dikan ap i Israelitarja, dikenn un haiwenn i Israelitarja, te hom me o baro Dewel lengro Dewel.

Ezekiel 38:14

Tu, mensho, pen ap o Gog laba, hoi mandar wenna! Pen: Kawa penell o baro Dewel, maro rai: An ko tsiro, kai mire menshe Israel an o latchepen djiwenn kek darjah, kreh tu tut ap o drom.

Ezekiel 48:35

Kal star rigja o forestar hi khetne enja (9) kilometarja lengsto. Fun ko tsiro well o foro kharedo: O baro Dewel hi kai!

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Daniel 9:7

Tu, rai, hal an o tchatchepen. Un mer hunte ladjas men, mer, kai wah dran o them Juda un dran o foro Jerusalem, ninna dran o tselo them Israel. Mer kram tchilatcho koowa ap tute. Doleske tradal men an wawar themma, kai dur hi un kai gar jaake dur hi, te djiwas buder gar khetne.

Hosea 1:7

I menshenge dran o kheer Juda krau miro dji pre. Me, o baro Dewel, hom lengro Dewel, un wau lenge ap i rig. Kowa krau gar o bogeha, o chareha, un o kurepaskro koowa, witar gar i grajentsa un i kurepangre wurdjentsa.

Hosea 2:18

Palle, penell o baro Dewel, kharell li man pale ‘miro rom’, un gar buder ‘miro Baal’.

Obadja 1:17

Ap i berga Zion djiwenn kolla, kai win lino wan dran o merepen. Un i berga hi pale o baro Debleske kokres. O Jakobeskre tchawe lenn o them pale penge, hoi lenge randedo was.

Obadja 1:21

Un kolla ap i berga Zion, kai win lino wan dran o pandepen, len hi penepaske pral i Edomarja ap pengre berge. Un o baro Dewel hi o baro rai.

Zefanja 3:13

Un kol pral-mukle menshe an o them Israel krenn kek tchilatchepen, un chochenn gar, un rakrenn gar dui tchipjentsa. Lenge djal mishto, un jon djiwenn kote kek darjah.

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.

Zakarie 3:10

An ko emligo tsiro, mukell jek o wawares te penell: Am pash mande, te was mer bachtelo tel i drakengre ruka un tel i faigetikre ruka. Kowa penell o baro Dewel, ko rai pral o bolepen un i phub.

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

Filiparja 3:9

Leske kamau te djiwell. Har djiwom pal o Moseskre lila kras man kowa gar tchatcho glan o Debleste. Na-a, miro patsepen ap o Jesus Kristeste kras man tchatcho glan o Debleste. Koon patsell ap o Jesus Kristeste, koles tchiwell o Dewel an o tchatchepen.