Jeremia 23:5 - O Debleskro Drom 2021 (Sinte)

⁵ Ko diwes wella, penell o baro Dewel, kai mukau dran o Davideskri familja i mursh bares te well. Kowa hi an o tchatchepen tardo. Job well i latcho baro rai, un rikrell pes ap o Debleskro tchatchepen, un krell hoi mishto un tchatcho hi an o them.

O Debleskro Lab 2024 (Sinte-Manouche)

⁵ Ko dives vella, penell o baro Devel, kay moukau dran o Davideskri familya i morsh bares te vell. Kova hi an o čačepen tardo. Yob vell i lačo baro ray, oun rikrell pes ap o Debleskro čačepen, oun krell hoy mishto oun čačo hi an o them.

Jeremia 23:5 ပူးပေါင်းရင်းမြစ်များ

2. Samuel 23:3

Mantsa rakras o Israeleskro Dewel, un kowa, kai rikras peskre wasta pral o Israel, penas mange: “Koon rai pral i menshende hi, un djal pal o tchatchepen, un rikrell peske o Debles glan peskre jaka pash kowa, hoi lo krell,

Debleskri gili 45:4

Tchip tiro charo ap tiri rig, tu tchatcho mursh, un sike tiro railepen un soor!

Debleskri gili 80:15

Ab pale pash mende, tu, o Dewel pral o bolepen un i phub! Dik dran o bolepen ap mende, un de pale jak ap tiro drakengro ruk!

Debleskri gili 99:4

Tuke hi bari soor. Tu hal o baro rai, kai kamell o tchatchepen o djijestar. Tu penal, hoi tchatcho hi, un tchiwal o tchatchepen pre an o them Israel, te djan i tchatchepangre mursha pal o tchatchepen.

Jesaja 33:5

Sharedo pral halauter hi o baro Dewel. Pral an o bolepen djiwell lo. Un ap i berga Zion krell job o tchatchepen win, te lell hakeno peskro tchatchepen.

Jesaja 4:2

I tsiro wella, kai krell o baro Dewel peskro them Israel railo un shukar. Un kolla, kai pral atchan un an o them djiwenn, hi bachtelo pral ko bud latcho koowa, hoi i phub win anell. Un wawar menshe sharenn len koleske.

Jesaja 42:6

Me, o baro Dewel, dom tut gole, te aness o tchatchepen pash i menshende. Me taprom tut pash tiro wast. Un me dau jak ap tute. Tu wess o rakepaskro, kai krell i menshentsa win, te wap lengro Dewel; un wess i menshenge an i tsele themma i momeli, hoi sikrell len o drom pash mande.

Jesaja 45:24

un penell mandar: “Kokres an o baro Debleste hi tchatchepen un soor.” Kolla, kai tchingran ap mande, wenna wi-ladjedo glan mande tardo.

Jesaja 52:13

Dik, kowa, hoi miro budepaskro krell, djal leske mishto. Job well sharedo un bares kerdo, un well dur pral tardo.

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

Jesaja 53:2

Job was baro glan o baro Debleste har i sano terno ruk, har i drab hoi dran i truk phub well. Les his kek shukapen un kek barepen. Un har mer les dikam, hatsam tchi, hoi an mare jaka shukar wals.

Jesaja 9:5

I ternepen was menge boldo, i mursh tchawo was men dino. Kowa well i baro rai, un kharell: latcho rakepaskro, sorelo Dewel, dad-hako-tsireske, rai-kai-lell-o-kurepen-krik.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 22:15

Jojakim, patseh tu, kau zedertikro kasht krell dran tute i baro rai? Tiro dad, o Josia, chas un pijas ninna latcho koowa! Un job rikras pes ap o Debleskro tchatchepen, un kras, hoi mishto un tchatcho his. Un doleske mukas leske o baro Dewel mishto te djal.

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Jeremia 22:30

Kowa penell o baro Dewel: An ko liil, kai o bare rajengre laba dren tchinlo wenna, tchinenn kau mursheskro lab jaake, har te wals job kek tchawentsa, un koleske tchi mishto djas an peskro tselo djipen. Kek leskre tchawendar well baro rai pral o them Juda un beshdo ap o Davideskri beshepaskri.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.

Jeremia 30:3

Dik, o tsiro wella, kai lau o pandepen krik mire menshendar, o kherestar Israel un o kherestar Juda, penell o baro Dewel; Un me anau len pale an ko them, hoi lengre phurende dom, te well kowa lengro them.

Jeremia 30:9

kokres pengro baro Debleske, un pengro baro rajeske. Kowa hi i tchawo o Davidestar, koles me i baro rajes krau.

Jeremia 31:27

Dik, ko tsiro well, penell o baro Dewel, kai dau o khereske Israel un o khereske Juda pale bud menshen un viechen.

Ezekiel 21:27

Ko sikepen sikrell ap i tchatchi rig un penell leske, te djal lo peskre lurdentsa an o foro Jerusalem. Kote denn le bari gole – i bari kurepaskri gole. Jon tchiwenn bare pesse rukengre kotja pash i wudja an o foreskri massuri, te denn le kolentsa i wudja dren. Ninna tchiwenn le tchik pre win trul i massuri, te nai djan le pral ap i massuri. Un jon krenn turme, te denn le karje an o foro.

Ezekiel 34:16

Kolla, kai nashedo hi, rodau me. Un kolla, kai nashran pen, anau me pale. Un kolla, kai pen dukran, pandau i diklo trujel. Un kolla, kai nasselo hi, krau soreles. Un i thullen un sorelen lau an i jak. Me dau jak ap lende har mishto hi.

Ezekiel 34:29

Me krau lengro them, te well lo i shukar baar, hoi hi prindjedo ko latchepaske, hoi kote baro well. Kek lendar hunte bokell buder gar. Un i menshenge an wawar themma hi le buder gar sapaske.

Ezekiel 45:8

Kau kotar them well o rajeske. Les well gar budeder them an Israel. Kamau gar, te tchorenn mire raja o them mire menshendar. Na-a, jon hunte mukenn o them i Israelenge jaake har kowa o Jakobeskre tchawenge dino was.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Micha 5:3

Un job, ko newo rai, dell garda ap lende, har i bakrengro garda dell ap peskre bakren. Leskro Dewel bitchras les, un leskri soor well lestar, o baro Deblestar. An ko tsiro djal leskro railepen un leskri soor jaake dur har i phub hi. Un i menshe an leskro them nai djiwenn kek darjah.

Zakarie 3:8

Shun kanna, Jeshua, tu baro rashai: Tu un tire phrala, kai glan tute beshdo hi, tumer han i sikepen, hoi o baro Dewel kamell te krell an o tsiro, hoi wella: Me bitchrau miro budepaskres, kai kharell ‘newo ruk’.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Mateo 2:2

“Kai hi o ternepen, kai well o baro rai pral i biboldende? Mer dikam ko bolepaskri momeli ap o bolepen pre te djal, hoi mende sikras, kai job boldo was. Kanna wam kate, te mangas les an.”

Johanni 1:45

O Filipo hatsas o Natanael un penas ap leste: “Mer hatsam koles, pral koleste o Mose an peskre lila tchinas. Ninna o Debleskre rakepangre tchinan pral leste. Job kharella Jesus un hi dran o foro Nazaret. Leskro dad hi o Josef.”

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

1. Korintarja 1:30

O Dewel kras, te wan tumer ap o Jesus Kristeskro drom. Kanna djinah, hoi tchatchepah goswepen hi. O Jesus Kristo kras men tchatcho glan o Debleste. Job rodas men win, te was leske koi, un las mari doosh mendar krik.

Hebrearja 8:8

Job dikas, kai kol menshe, kolengre phure o Israel un o Juda his, gar jaake djiwan, har job lenge penas. Koi penas lo: Ko tsiro wella, kai sikrau len i newo drom, te wenn le mantsa khetne.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.