Jeremia 23:39 - O Debleskro Drom 2021 (Sinte)

³⁹ palle djinenn, me hadau tumen pre har i pharo koowa, un witsrau tumen krik mandar, tumen un tumaro foro, hoi dom tumende un tumare phurende.

O Debleskro Lab 2024 (Sinte-Manouche)

³⁹ palle djinenn, me hadau t'men pre har i pharo koova, oun vitsrau t'men krik mandar, t'men oun t'maro foro, hoy dom t'mende oun t'mare phourende.

Jeremia 23:39 ပူးပေါင်းရင်းမြစ်များ

1. Mose 4:16

Un o Kain djas peske o baro Deblestar. Un djas an ko them Nod wergel i baar Eden, ap koi rig, kai o kham pre djala.

1. Mose 6:17

Dik! Me mukau i baro pani te well pral i tseli phub, te tassenn lauter, kai djipen an lende hi. Halauter merella, hoi ap i phub djiwella.

2. Rajengro liil 23:27

Un o baro Dewel penas: “Me kamau ninna i menshen dran o them Juda mandar krik te tchiwell, jaake har me kolen dran o them Israel mandar krik tchiwom. Un kamau kau foro pale te tchiwell, kau foro Jerusalem, hoi me mange wi-rodom, un ko kheer, kolestar me penom: ‘Kamoms te mangenn le man kote an.’”

Debleskri gili 51:11

Ma dik ap miri doosh, un le o tchilatcho koowa, hoi krom, mandar krik!

Gosewe laba 13:13

Koleske, kai i latcho lab i herjentsa stakrell, djal djungeles. Koleske, kai rikrell pes ap ko lab, djal mishto.

Jesaja 48:15

Me penom kawa, awa, me dom kau murshes gole, un mukom les te well. Un kowa, hoi lo peske glan las, kowa djal ninna.

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Jeremia 12:7

Me mukom mire menshen, ko kheer Israel. Kolen, kai mange win rodom, tradom mandar krik. Kol menshen, kai o djijestar kamau, dom an i wasta kolendar, kai kamenn len te marell.

Jeremia 23:33

O baro Dewel penas ap o Jeremia: Te putchell tutar jek mire menshendar, i rakepaskro oder i rashai: Hoi penas o baro Dewel tuke, hoi phares ap tute tchiddo hi? Palle peness: Tumer han phares ap mande tchiddo. Kamau te witsrap tumen krik mandar, penell o baro Dewel.

Jeremia 23:38

Te shunenn tumer gar ap mande un kharenn sawo lab i pharo koowa, hoi o baro Dewel ap tumende tchiwas,

Jeremia 35:17

Doleske penell o baro Dewel, ko rai pral o bolepen un i phub, kai o Israeleskro Dewel hi: Me rakrom tumentsa, un tumer kaman gar ap mande te shunell. Me dom tumen gole, un tumer rakran gar mantsa. Doleske anau pral o them Juda un pral i tsele menshende an o foro Jerusalem koi tseli bibacht, doleske me len trad dom.

Jeremia 36:31

Me mukau i phagi te well pral tute, tire tchawende un pral i pralstunende pash tute tumaro tchilatchepaske. Pral tumende un kolende an Jerusalem un Juda anau me koi tseli bibacht, kolah tumen trad dom, doleske kai kek tumendar shunas ap mande.

Jeremia 52:3

Kowa halauter kras o baro Debles jaake chojedo pral i menshende an o foro Jerusalem un an o them Juda, te tradas lo len pestar krik. Un o Zedekja phagas o baro rajeha pral o them Babilonia, un kras buder gar, hoi kowa kamas.

Jeremia 7:14

Doleske krau me kau khereha, har me ko foreha Shilo krom, ninna te was kau kheer mange kerdo, un tumer patsenn, kote nai djal tumenge tchi. Me krau koi platsa paash, hoi dom tumen un tumare phuren.

Jeremia 7:15

Un me tradau tumen mandar krik, har me tumare phralen krik tradom, un kol tsele menshen dran Efrajim.

Ropaskre gilja 5:20

Hoske kameh tu men te bistrell, un maro tselo djipen tchi mendar te djinell?

Ezekiel 34:11

Kawa penell o baro Dewel, maro rai: Me hom kai, un me dikau kanna pal mire bakren un rodau len.

Ezekiel 34:20

Doleske penau me, o baro Dewel, tumaro rai ap tumende: Me hom kowa, kai krell o tchatchepen win mashkral kol thulle bakre un kol wi-bokede bakre.

Ezekiel 5:8

Doleske shunenn, tumer menshe an Jerusalem, hoi penau me, o baro Dewel, tumaro rai: Kanna sikrau les tumenge! Un dau tumen tumari phagi glan i jaka kol wawar menshendar.

Ezekiel 6:3

Pen lenge: Tumer berge Israel, shunenn hoi o baro Dewel tumenge penell! O baro Dewel, maro rai, penell ap i bare un tikne berge, ap i panja un ap i tale, kai kran pen i menshe platse, kai le pengre chochene deblen an-mangenn: Shunenn, me anau o kurepen pral tumende, un krau kol mulne platse paash.

Ezekiel 8:18

Doleske djau lentsa i choljah trujel. Jon khaitenn man buder gar. Un man well kek latchepen lenge. Ninna te denn le palle glan mire kanda pre gole, shunau me gar ap lende.

Ezekiel 9:6

Denn i phuren mulo, un i terne murshen un i terne tchen, ninna i tchawen un i djuwjen! Ma taprenn jekeske an, koles ko sikepen glan ap peskro shero hi! Djan glanstunes pash miro kheer, un fun kotar dureder. Jaake kran le, un maran glanstunes kol pralstunen, kai glan o baro Debleskro kheer tardo his.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

3. Mose 26:28

palle djau me an choli ap tumende, un dau tumen i phagi hoi hi efta kope phareder har kaja, hoi bis kanna ap tumende was.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

2. Tessalonikarja 1:9

Kolla lenn i phagi: Jon djan hako tsireske nashedo, un nai wenn buder gar pash o Debleste, un dikenna gar leskro baro railepen