Jeremia 23:36 - O Debleskro Drom 2021 (Sinte)

³⁶ Ma penenn buder: ‘Man hi i lab o baro Deblestar, hoi phares ap mande tchiddo hi.’ Kowa, hoi hi phares tchiddo ap i mensheste, well i menshendar un gar o baro Deblestar. Ma krenn sawo koowa i labentsa o djido Deblestar! Job hi o rai pral o bolepen un i phub, un maro Dewel.

O Debleskro Lab 2024 (Sinte-Manouche)

³⁶ Ma penenn bouder: Man hi i lab o baro Deblestar, hoy phares ap mande čiddo hi. Kova, hoy hi phares čiddo ap i mensheste, vell i menshendar oun gar o baro Deblestar. Ma krenn savo koova i labentsa o djido Deblestar! Yob hi o ray pral o bolepen oun i phoub, oun maro Devel.

Jeremia 23:36 ပူးပေါင်းရင်းမြစ်များ

2. Rajengro liil 19:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!’”

Debleskri gili 12:3

Hakeno chochell o wawares. Jon rakrenn dui tchipjentsa un dran dui djia.

Debleskri gili 120:3

Hoi te krell lo tumentsa, tumer chochene? Hawi phagi anell lo ap tumende?

Debleskri gili 149:9

un anenn o tchatchepen pral lende, har kowa tchinlo hi an o Debleskro lab. Jaake well o railepen o Debleskre menshendar diklo. Sharedo well o baro Dewel!

Debleskri gili 64:8

O Dewel dell ap lende karje. Sik hi le ap i phub tchiddo.

Gosewe laba 17:20

Jek dui djijentsa hatsell kek latchepen. Un jek dui tchipjentsa perell an i bibacht.

Jesaja 28:22

Kanna, ma san buder pral mire laba, te wenn i shelle trul tumende gar gomme sorleder khetne pandlo. O baro Dewel, ko rai pral o bolepen un i phub, mukas man te djinell, te las lo pes glan, te well o merepen pral o tselo them.

Jesaja 3:8

O foro Jerusalem peras, un o them Juda hi koi tchiddo. Hoske? Jon dukran o baro Debles pengre labentsa, un ninna koleha, hoi le kran. Kowa, hoi o sorelo Dewel lenge penas, kaman le gar te krell.

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Jeremia 23:37

Putchenn kolestar, kai penell, te hi lo i Debleskro rakepaskro: Hoi penas o baro Dewel tuke, har rakral leha? Hawo lab hi les menge?

Ropaskre gilja 2:14

Kolla, kai hunte penans tuke o Debleskre laba, penan tuke chocheno koowa glan-wi, hoi tchi moldo hi. Un sikran tuke gar tiri doosh. Kowa te krans le, perals gar jaake har kanna peral. Na-a, jon mukan tut chochene laba te shunell, un anan tut o tchatcho dromestar tele.

Mateo 12:36

Me penau tumenge: Well ko diwes, kai rakrell o Dewel o tchatchepen pral i tsele menshende ap i phub win. Kote putchell lo lendar pal hako tchilatcho lab, hoi jon penan.

Louka 19:22

Ap koleste penas o rai: Tu moleh tchi. Tu hal i tchilatcho budepaskro. Tu djinal, kai hi man i dji dran bar, un kai lau, kai dom tchi, un hoi me gar an i phub tchiwom, te well kowa baro.

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.

Galatarja 6:5

Hakenes hi doha an peskro djipen, hoi hunte hidjrell lo.

5. Mose 5:26

An kek tsiro nai shunas i mensho o rakepen o djido Deblestar dran i jag win, jaake har mer, un atchas djides?

1. Tessalonikarja 1:9

Jon hi kolla, kai penenn i wawarenge, har lan tumer men pash tumende pre, har mukan tumaro phuro drom, te djan ap o Debleskro drom, un mangenn buder gar wawar koowa an har o djido un tchatcho Debles kokres.

2. Petro 3:16

Pral ko koowa tchinell lo an peskre tsele lila. Koi hi ninna laba dren tchinlo, hoi hi pharo te haiwell. Un kol menshe, kai haiwenn kowa gar, kolengro patsepen gar sorelo hi, kolla rissrenn kol laba trujel, jaake har jon ninna krenna kol wawar Debleskre labentsa, hoi tchinlo hi. Un jaake djan le nashedo.

1. Samuel 17:26

Kote penas o David ap kol murshende, kai koi tardo his: “Hoi lell kowa, kai ko murshes kote marella un i ladj i Israelendar pale krik lella? Hoi patsell ko Filistari, koon job hi? Job hi gar tchinlo ap peskro mass, un patsell, te nai praassell lo i lurden ko djido Deblestar!”

1. Samuel 17:36

Lewe un bere dom mulo. Un jaake djal les ninna kau Filistareske, kai gar tchinlo hi ap peskro mass. Job praassas i lurden o djido Deblestar. Doleske hunte merell lo!”