Jeremia 23:35 - O Debleskro Drom 2021 (Sinte)

³⁵ Kowa hi, hoi hunte putchenn tumer jek o wawarestar: Hoi penas o baro Dewel, har rakral leha? Hawo lab hi les menge?

O Debleskro Lab 2024 (Sinte-Manouche)

³⁵ Kova hi, hoy hounte poučenn t'mer yek o vavarestar: Hoy penas o baro Devel, har rakral leha? Havo lab hi les menge?

Jeremia 23:35 ပူးပေါင်းရင်းမြစ်များ

Debleskri gili 85:9

Kamoms te shunap, har o baro Dewel penell, te well an leskro them un leskre menshenge kek kurepen, jaake te djas mer gar ap dinele dromma.

Jeremia 31:34

Kek hunte penell ap o wawareste: Tu prindjress o baro Debles. Halauter djinenn, koon me hom, i tikne un i bare. Kowa penau me, o baro Dewel. Me bistrau koi doosh, hoi le ap pende anan, un lengro tchilatchepen well buder gar an miro shero.

Jeremia 33:3

Khare man, palle kamau tuha te rakrell, un kamau tuke baro koowa te sikrell, hoi tu gar haiweh, un kolestar tchi djinal.

Jeremia 42:4

Un o Jeremia, penas ap lende: Mishto, me shunau ap tumende, un mangau tumaro baro Deblestar, har tumer penan. Un lauter, hoi o baro Dewel penell, penau tumenge dureder. Un me rikrau tumenge tchi pale, hoi job mange penell.

Hebrearja 8:11

Kek hunte penell ap peskro phraleste, witar gar ap koleste, kai djiwell pash leste: Tu hunte hatsess o Debles! Hakeno djinella, koon me hom. I tikne un i bare prindjrenn man.