Jeremia 23:19 - O Debleskro Drom 2021 (Sinte)

¹⁹ Shunenn: O baro Debleskri choli well jaake pral tumende, har i baro ducho pral i phub phurdell. I sorelo phurdepen djal tele ap i sherja i tchilatchendar.

O Debleskro Lab 2024 (Sinte-Manouche)

¹⁹ Shounenn: O baro Debleskri rholi vell yaake pral t'mende, har i baro dourho pral i phoub phourdell. I zorelo phourdepen djal tele ap i sherya i čilačendar.

Jeremia 23:19 ပူးပေါင်းရင်းမြစ်များ

Debleskri gili 58:9

Jaake har i momeli tele chatchrell, un buder gar koi hi, un jaake har i ternepen, hoi mulo boldo well un o kham gar dikas, jaake te atchenn jon witar gar.

Gosewe laba 1:27

un well pral tumende har i sorelo baro ducho; te well i bibacht pral tumende har i phurdepen, hoi lauter khetne phagell; te well i pharo tsiro un bari daar pral tumende.

Gosewe laba 10:25

Har i sorelo ducho pral i phub phurdas, his o tchilatcho buder gar koi. Kowa, kai an o tchatchepen tardo hi, atchell hako tsireske.

Jesaja 21:1

Kate sikrell o Dewel, hoi pral o diwjo them pash o baro pani wella. Har i sorelo ducho, hoi phurdell an o them Negev, wenn i lurde dran i mulo tato them, un dran i them, hoi traash pral i menshende anell.

Jesaja 40:24

Jon hi har djoba, hoi an i phub witsedo hi. Jaake sik har i drab lendar win djal, phurdell i ducho pral lende, te wenn le truk. Un i baro phurdepen phurdell len krik har phuss.

Jeremia 25:31

Ninna i menshe an dur themma shunenn les. O baro Dewel hi o tchatchepaskro rai pral i menshende an i tsele themma, un rakrell pral halauterende o tchatchepen win. I tchilatchen dell lo koi, te wenn le maredo o chareha. Kowa penas o baro Dewel.

Jeremia 25:32

O baro Dewel, ko rai pral o bolepen un i phub penell: Shunenn, Bibacht well pral jek them pal o wawar. Un miri choli hadell pes har i pharo phurdepen, hoi well fun dural.

Jeremia 30:23

Shunenn: O baro Debleskri choli well jaake, har i baro ducho pral i phub phurdell. I sorelo phurdepen djal tele ap i sherja i tchilatchendar.

Jeremia 30:24

O baro Debleskri choli mukell gar tele, bis te kras lo, hoi les glan hi. I tsiro well, kai haiwenn tumer kowa.

Jeremia 4:11

An ko tsiro well kol menshenge an Jerusalem penlo: I sorelo tatepen well dran kol berge dran o mulo tato them pash tumende. Kowa hi kek phurdepen, hoi phurdell o phuss un o tchik krik,

Jeremia 51:1

Kawa penell o baro Dewel: Dik, me bitchrau i ducho, hoi anell o merepen pral o them Babilonia un pral kolende, kai kote djiwenna – kolla, kai hadan pen pral mande.

Ezekiel 1:4

Un me dikom i baro sorelo phurdepen, hoi was fun kotar kai norden hi, un tradas i bari wolka glan peste. Un jag was win, hoi pre un tele djas. Un o bolepen koi trujel his shukar har o kham. Un mashkral dren his tchomone, hoi dikas win har sonakai, hoi an i jag thodo well.

Ezekiel 13:13

Kawa penell o baro Dewel, maro rai: An miri tati choli mukau me i sorelo ducho win te phagell, un i sorelo brishin te well, un brishineskre barra te perell, te well i massuri paash dino.

Amos 1:14

Me bitchrau i jag ap i foreskre massurja o forestar Rabba, hoi chatchrell leskre sorele khera tele, ap ko diwes, kai well o kurepaskri gole dino, un o kurepen win phagell har i baro phurdepen.

Zakarie 7:14

Doleske tradom len an wawar themma, hoi prindjran le gar. Un lengro them was muklo. Kek budras un djiwas buder gar koi. Jaake kran le dran kau latcho them i mulo them.

Zakarie 9:14

O baro Dewel mukell pes te dikell pral peskre menshende, [te rikrell lo peskre wasta pral lende]. Leskro failo djal sik har o bolepaskri jag. O baro Dewel, maro rai, mukell an i bari phurdepaskri te phurdell. Job djal an o sorelo ducho, hoi well kotar, kai o kham pralstunes tardo hi.