Jeremia 23:15 - O Debleskro Drom 2021 (Sinte)

¹⁵ Doleske penell o baro Dewel, ko rai pral o bolepen un i phub, pral lende: Kol rakepangre an Jerusalem kran, te kamenn i menshe an o tselo them tchi buder mandar te djinell. Doleske dau me kal rakepangren chapen te chal un pani te pijell, hoi krell len nasselo.

O Debleskro Lab 2024 (Sinte-Manouche)

¹⁵ Doleske penell o baro Devel, ko ray pral o bolepen oun i phoub, pral lende: Kol rakepangre an Yerusalem kran, te kamenn i menshe an o tselo them či bouder mandar te djinell. Doleske dau me kal rakepangren rhapen te rhal oun pani te piyell, hoy krell len nasselo.

Jeremia 23:15 ပူးပေါင်းရင်းမြစ်များ

Debleskri gili 69:21

Kai ladj phagell miro dji, un krell man nasselo. Patsom, te khaitoms me jekes, te wals jek kai, kai mange mire swa tele khossals. Na-a, kote his kek, gar jek, kai kowa krals.

Jeremia 14:15

Kowa hi, hoi me, o baro Dewel, krau ap kol rakepangre, kai penenn, te rakrenn le an miro lab, ninna te bitchrom len gar. Jon penenn ninna, te well kek kurepen un kek bok an kau them. Sawe rakepangre hunte merenn an o kurepen un i bokatar.

Jeremia 8:14

Hoske ham mer kai trujel beshdo? [putchenn i menshe dran Juda.] Mer was khetne, te djas mer an kol sorele forja, te was koi maredo! Mer mukam o baro Debles, maro rajes. Doleske kamell lo maro merepen, un dell men sawo pani te pijell, hoi marell men.

Jeremia 9:14

Doleske penell o baro Dewel, ko rai pral o bolepen un i phub, kai o Israeleskro Dewel hi: Me dau kal menshen shutlo senlepen chapaske, un pani, kolestar merenn le.

Jeremia 9:15

Me tradau len krik pash menshende, kai prindjrenn jon gar, witar gar lengre phure, un kamau o charo pal lende bitchrell, bis te jon lauter mulo hi.

Ropaskre gilja 3:15

Shutlo senlepen das lo man chapaske, un shutlo pipen te pijell.

Ropaskre gilja 3:19

Te dikau, har djungeles mange djal, un har muklo hom, hi kowa mange har i shutlo pipen, hoi nasselo krell.

Ropaskre gilja 3:5

Haki rigjatar pandas lo man dren, duka un daar hi trul mande.

Zakarie 13:2

O baro Dewel, ko rai pral o bolepen un i phub, penell: An ko tsiro krau, te mangenn i menshe an o them Juda buder kek chochene deblen an. Un kolengre laba wenn bistedo. Ninna kol rakepangre, kai penenn, te hi le Debleskre rakepangre un hi kowa gar, un jon rakrenn, hoi i wawar ducho lenge penell, kolen tradau win dran o them.

Mateo 27:34

– dan le les mool te pijell, kai tchomone dren hi, hoi kharella Galle. Har job kowa haiwas, kamas lo gar te pijell.

5. Mose 29:18

Kek te well mank tumende kau diwes, kai shunell har kau praassepen win rakedo well, un penell koi pashel an peskro dji: “Kowa hi gar mange. Mange djal mishto, ninna te djau pal miro shero.” Kowa wals djungeles tumenge halauterenge, i latchenge har i tchilatchenge.

Debleskro tsiro 8:11

Un ko bolepaskri momeli kharella shut. Un o triinto kotar kol panjestar was shutlo. Un bud kol menshendar, kai pijan ko pani, meran lestar.