Jeremia 23:10 - O Debleskro Drom 2021 (Sinte)

¹⁰ O tselo them hi pherdo kolentsa, kai mukan o baro Debles. Doleske hi i praassepen ap o them tchiddo: Kek brishin dell, un o senlepen merell tele. Tchi har tchilatchepen hi an lengro shero, un an o chochepen hi le sorelo.

O Debleskro Lab 2024 (Sinte-Manouche)

¹⁰ O tselo them hi pherdo kolentsa, kay moukan o baro Debles. Doleske hi i praasepen ap o them čiddo: Kek brishin dell, oun o zenlepen merell tele. Či har čilačepen hi an lengro shero, oun an o rhorhepen hi le zorelo.

Jeremia 23:10 ပူးပေါင်းရင်းမြစ်များ

Esra 10:18

Kalla hi i mursha, kai lan penge romjen kol menshendar, kai kek Israelitarja his: an i familja o murshestar Jeshua, koleskro dad o Jozadak his, un pash leske phralende: o Maaseja, o Elijeser, o Jarib un o Gedalja.

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Jesaja 24:6

Doleske chal i bibacht i tseli phub pre. Un kolla, kai koi djiwenn, lenn pengri phagi. Bud un budeder merenn. Un gar bud atchenn djido.

Jesaja 5:18

Djungelo djal i tchilatchenge, kai kamenn o chochepen. Jaake har i grai o wurdin tserdell, jaake tserdenn jon lengri doosh pal pende,

Jeremia 12:11

Hi ropaske, har paash ko them glan mande tchiddo hi, kek djiwell buder koi. O tselo them hi paash, un kek khaitell les.

Jeremia 14:2

O them Juda hi bibachtelo koi tchiddo. I menshe an i forja merenna i bokatar. Lenge hi ropaske un jon beshenn pen ap i phub. Un an Jerusalem denn le i wasta pral o shero khetne.

Jeremia 6:13

Kol baren un kol tiknen hi bok ap brawlepen, hoi gar lengro hi. Un o Debleskre rakepangre un i rashaja chochenn i menshen,

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

Jeremia 9:10

O baro Dewel penell: Me kamau Jerusalem tele te phagell, jaake te atchenn kokres barra pral, un kai diwje djukle dren djiwenna. Un dran kol forja an Juda krau i mulo them, kai nai djiwell kek buder dren.

Jeremia 9:12

O baro Dewel penell koi pre: Me sikrom len miro drom, un jon mukan les, un shunan gar ap mire laba, un djiwan gar koi pal.

Jeremia 9:2

Lengri tchip hi har i tchuri. Lengro chochepah wan le soreles an o them. O tchatchepen rakrenn le gar. Jek tchilatcho koowa pal o wawar krenn le. Man prindjrenn jon gar, penell o baro Dewel.

Hosea 7:4

Jon halauter hi phukepangre. Lengri choli chatchell har i jag an i bob, hoi hi jaake tato, te hunte dell o pekepaskro buder gar jak koi pre, jaake rah har krell lo o maro, hoi kamell lo te pekell.

Joel 1:10

O hachetikri phub hi pherde barra, un tchi well buder baro koi pre. O djob hi paash, i molengre drake un i djetengre drake meran tele.

3. Mose 5:1

Te well jek glan i tchatchepangre anlo, te penell lo, hoi lo dikas un shunas, un job rikrell kowa peske, un penell tchi, ninna te dikas oder shunas lo, hoi koi his. Palle anas lo i doosh ap peste un hunte hidjrell lat.

Zefanja 3:4

Lengre dikepangre krenn, har te well tchi, un hi pherdo chochepen. Lengre rashaja krenn sawo koowa, hoi krell o Debleskro kheer pale-tchiddo, un penenn o Debleskro lab gar tchatches dureder.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

1. Timoteo 1:10

O Moseskre laba wan tchinlo kol murshenge, kai sowenn wawar djuwjentsa, un kol djuwjenge, kai sowenn wawar murshentsa. Kol laba wan ninna tchinlo kol murshenge, kai sowenn i murshentsa un tchawentsa. Kol laba wan tchinlo kolenge, kai tchorenn menshen un bikrenn len, un kolenge, kai penenn o chochepen, un kolenge, kai denn pen chochenes sowel. Un te dell wawar koowa, kai o Debleskro lab lestar penella, te kras mer kowa gar, palle wan o Moseskre laba kolenge tchinlo, kai kowa krenna.

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

Jakobo 4:4

Tumer chochran un mukan o Debles! Djinenn tumer gar, kai kolla, kai tchiwenn pengre djia ap i phubjakro koowa, kolla hi gar o Debleskre mala? Koon kamell ko drom te djal, hoi i menshe ap kai phub djana, kowa kamell o Debles gar.