Jeremia 23:1 - O Debleskro Drom 2021 (Sinte)

¹ Bibacht ap tumende, tumer pralstune, kai hunte wans har bakrengre mire menshenge, un mukenn len nashedo te djal, un rikrenn len gar khetne.

O Debleskro Lab 2024 (Sinte-Manouche)

¹ Bibarht ap t'mende, t'mer pralstoune, kay hounte vans har bakrengre mire menshenge, oun moukenn len nashedo te djal, oun rikrenn len gar khetne.

Jeremia 23:1 ပူးပေါင်းရင်းမြစ်များ

Jeremia 10:21

Kol pralstune his dinele, un putchan gar pal o baro Debleste. Doleske his lauter tchitcheske, hoi jon kran. Un kolla, kai denn jon garda pre, hi buder gar khetne, un djan kate te kote.

Jeremia 12:10

Bud raja dran wawar themma wan, un kran miro drakengro them paash, un stakran miro kotar phub khetne. Dran miro shukar kotar them kran jon i mulo them.

Jeremia 13:17

Te kamenn tumer kowa gar te shunell, hunte rowap tchorchanes pral tumare pre-phurde djia. O Debleskre menshe wenna pandles krik anlo. Un mire swa herenn gar pre te nashell.

Jeremia 2:26

Har i tchorepaskro hunte ladjell peske, te well job tapedo, jaake hunte ladjenn penge kol menshe an o them Israel, ninna kol bare raja, un pralstune un rashaja un Debleskre rakepangre,

Jeremia 2:8

Tumare rashaja putchan gar: ‘Kai hi o baro Dewel?’ Har penan le i menshenge, hoi te krenn le, rikran le pen gar ap mire laba. Un kol pralstune pral mire menshende hadan pen pral mande, un shunan buder gar ap mande. Un mire rakepangre, kai hunte penans mire laba dureder, rakran an o lab ko chocheno deblestar Baal, un mangan figuren an, kai kek dewel hi.

Jeremia 22:22

Tire pralstune wenn krik anlo, har te wans le krik phurdedo i sorelo duchestar. Un tire mala hunte djan pandles an i wawar them. Jaake well ladj pral tute, un tu weh sapaske i wawarenge. Kowa well pral tute tiro tselo tchilatchepaske.

Jeremia 23:2

Doleske penell o baro Dewel, ko Dewel pral o Israel, ap i pralstunende, kai hunte dans garda ap leskre menshende: Tumer rikran mire menshen gar khetne. Jon hi har bakre, kai wan kate te kote tradedo. Tumer dan gar garda ap lende. Kanna dau me garda, te lenn tumer tumari phagi ko tchilatchepaske, hoi kran.

Jeremia 50:6

Mire menshe hi har nashede bakre. Lengre bakrengre anan len o tchatcho dromestar tele. Jaake nashran le pen ap i berge. Pral tikne un bare berge hunte nashan le, un bistran, kai le khere hi.

Ezekiel 13:3

Kawa penell o baro Dewel, maro rai: Bibacht well ap kol tchilatche rakepangre, kai penenn glan-wi, hoi dran lengro dji wella, un kolen kek dikepen dikan, hoi mandar was!

Ezekiel 34:1

O baro Dewel penas ap mande:

Ezekiel 34:21

Tumer sorele, tumer dan i spildini kolenge, kai len kek soor hi, un dan tumare shingentsa an lende dren, jaake rah bis te tradan len win tumendar.

Ezekiel 34:31

Awa, tumer mire menshe, han mire bakre, ap kolende jak dau. Un me hom tumaro Dewel. Kawa penell o baro Dewel, maro rai.

Ezekiel 36:38

An kol forja, kolendar kanna tchi har barra koi hi, djiwenn palle jaake bud menshe, har his bakre an o foro Jerusalem an kol bare diwessa, har kol bakre o baro Debleske maredo un chatchedo wan. Un jon dikenn un haiwenn palle, te hom me o baro Dewel.

Zakarie 10:3

O baro Dewel penell: Me hom chojedo pral i bakrengre, kai rikrenn mire bakren tele. Ninna ap i sorele mursh bakre djau me pre. Me, o baro Dewel, ko rai pral o bolepen un i phub, hom har i bakrengro. Un o kheer Juda hi mire bakre. Ap lende dau jak. Me krau, te wenn le har i sorelo kurepaskro grai, koleha an o kurepen djau.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Mateo 9:36

Un har job kol bud menshen dikas, khaitan le les. Jon his leske har bakre, kai hi len kek bakrengro, kai ap lende garda della. Jon his khino, un len his buder kek soor an lende.

Johanni 10:10

Ko tchorepaskro wella, te tchorell lo kol bakren, te marell lo len, un te chal lo len. Me wom, te dap len o djipen, budeder har doha.

Johanni 10:12

Jek, kai lell lowe, te dell lo garda ap i bakrende, hi kek bakrengro. Kol bakre hi gar leskre. Te dikell kowa, kai i diwjo djuklo wella, nashell lo peske, un mukell kol bakren kokres. Un o diwjo djuklo perell pral kol bakrende, un tradell len jaake, kai jon buder gar khetne hi.

Johanni 10:8

Lauter kolla, kai wan glan mande, hi tchorepangre un dre-phagepangre. Doleske shunan kol bakre gar ap lende.