Jeremia 22:8 - O Debleskro Drom 2021 (Sinte)

⁸ Menshe dran bud themma djan glan o foro dureder un penenn jek ap o wawareste: Hoske kras o baro Dewel sawo koowa ap kau baro foreste?

O Debleskro Lab 2024 (Sinte-Manouche)

⁸ Menshe dran boud themma djan glan o foro doureder oun penenn yek ap o vavareste: Hoske kras o baro Devel savo koova ap kava baro foreste?

Jeremia 22:8 ပူးပေါင်းရင်းမြစ်များ

Jeremia 16:10

Te penal tu kowa lauter kol menshenge, putchenn jon tutar: Hoske dell men o baro Dewel trad, kai well sawo midjak koowa pral mende? Hawi doosh anam ap mende? Hawo tchilatchepen kram mer ap o baro Debleste, kai maro Dewel hi?

Jeremia 40:2

Glan te mukas o pralstuno i lurdendar o Jeremijes te djal, mukas lo les pash peste te anell, un penas ap leste: Tiro baro Dewel penas kai bibacht glan-wi, hoi was pral kau them.

Jeremia 40:3

Jaake har job les penas, was ninna. Tumer anan doosh pral tumende, un kran gar, hoi o baro Dewel kamas un tumenge penas. Doleske was kau tselo koowa pral tumende.

Ropaskre gilja 4:12

Kanna was, hoi i bare raja pral i themma gar patsans, witar gar i tsele menshe ap kai phub: Lurde dran wawar themma, kai kaman maro them dren te lell, djan an i wudja o forestar Jerusalem dren.

Ezekiel 12:16

O charo, i bok un i pharo nasslepen marenn bud lendar. Gar bud lendar mukau djido. Kolla nai penenn kol menshenge, pash lende jon djiwenn, hawo djungelo koowa i Israelitarja kran. Jaake dikenn un haiwenn kolla ninna, te hom me o baro Dewel.

Ezekiel 14:23

Te dikenn tumer, har le djiwenn, un hoi le krenn, haiwenn tumer, hoske me kowa jaake o foreha Jerusalem hunte krom. Un tumari duk koi pral well krik lino dran tumare djia. Kowa penau me, o baro Dewel, tumaro rai.

Ezekiel 39:23

Un i menshe an wawar themma dikenn un haiwenn palle, te wan i Israelitarja pengri doshake, hoi le ap pende anan, an o pandepen anlo. Jon rikran buder gar ap mande. Doleske mukom len. Un dom len an o wast kolendar, kai kuran pen lentsa. Jaake wan lengre tsele lurde o chareha maredo.

Ezekiel 5:15

Awa, jon san pral tute un praassenn tut. Lenge well traash, te dikenn le, har miri bari choli pral tute well, un har djungeles sawe menshenge djal, kai man mukan. An miri choli anau tiri doosh ap tute pale. Me, o baro Dewel, rakrom.

Daniel 9:7

Tu, rai, hal an o tchatchepen. Un mer hunte ladjas men, mer, kai wah dran o them Juda un dran o foro Jerusalem, ninna dran o tselo them Israel. Mer kram tchilatcho koowa ap tute. Doleske tradal men an wawar themma, kai dur hi un kai gar jaake dur hi, te djiwas buder gar khetne.