Jeremia 22:6 - O Debleskro Drom 2021 (Sinte)

⁶ Un kowa hi, hoi o baro Dewel penell pral o kheer o baro rajestar pral o them Juda: Ninna te kamau kau kheer jaake har i wesha an o them Gilead un i berge Libanon, krau kau foro har i mulo foro, kai kek buder djiwell.

O Debleskro Lab 2024 (Sinte-Manouche)

⁶ Oun kova hi, hoy o baro Devel penell pral o kheer o baro rayestar pral o them Youda: Ninna te kamau kava kheer yaake har i vesha an o them Gilead oun i berge Libanon, krau kava foro har i moulo foro, kay kek bouder djivell.

Jeremia 22:6 ပူးပေါင်းရင်းမြစ်များ

1. Mose 37:25

Palle beshan pen le tele un chan. Dur glan lende dikan le Ismaelarja. Kolla wan dran ko them Gilead un djan an o them Egiptia. Len his khamele. Kolla hidjran kutch rukengro djet, hoi sungella mishto.

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Kamlepaskri gili 4:1

Har shukar hal tu, hejo! har shukar hal! Tire jakentsa dikeh latches win har i tauba pal tiro diklo! Tire balla hi har kale busja, kai stenn tele i berga Gilead.

Kamlepaskri gili 5:15

Leske herja hi har dran parno marmor, soreles tardo ap pire dran sonakai. Baro hi lo har o Libanon, sorelo har i zedertikre ruka.

Jesaja 27:10

I sorelo foro hi muklo. Kek djiwell buder an i shukar khera. O foro hi har i diwjo muklo them, kai i grumja chan un pen tele tchiwenn, un o senlepen ap i burra chan.

Jesaja 37:24

Tire budepangren bitchral, te praassenn le man, un penal: “Pral ap i berge mire wurdjentsa djom, un dur dren an o Libanon wom. I bare un shukar ruka trujel dom, un an o diwjo weesh bis ap o pralstunepen djom.

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jeremia 21:11

Un ap o baro rajeste pral Juda pen: Shunenn ko lab, hoi mukell o baro Dewel tumenge te penell:

Jeremia 21:14

Me hom kowa, kai wau pash tumende, un dau tumen i tchatchi phagi koleske, hoi kran, penell o baro Dewel. Me tchiwau i jag an tumaro weesh, te chatchrell lauter tele.

Jeremia 22:24

Me dau man sowel pash miro djipen, penell o baro Dewel: Konja, tu tchawo o Jojakimestar un rai pral o them Juda, me penau tuke: Ninna te wals tu i gustri ap miro gushto, hoi sikrell kai me o baro rai hom, tserdoms me ko gustri tele.

Jeremia 26:18

“Har o Hiskija o baro rai pral Juda his, penas o Debleskro rakepaskro, o Micha dran o foro Moreshet, ap i tsele menshende an Juda: Kowa penell o baro Dewel, ko rai pral o bolepen un i phub: I diwes well, kai well o foro Zion jaake trujel witsedo har i hachetikri phub, te well o pralstuni phub tele un i telstuni phub pral. O forestar Jerusalem atchell tchi pral har barra. Un ap koi berga, kai kanna o Debleskro kheer tardo hi, well i diwje burra bares.

Jeremia 4:20

Jek foro pal i wawar well dino. O tselo them denn le paash. Ap jek kopo hi mire un plachtene khera khetne dino.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jeremia 50:12

o tsiro well, kai hi tumaro themes, kai boldo wan, buder tchi sapaske. Menshe dran wawar themma san pral leste. Mank i tsele natsjone well o them Babilonia o tchorwleder, i mulo tato them, kek panjeha, kai tchi bares well.

Jeremia 7:34

Un o them Juda well i mulo them. An lengre forja un ap kol dromma an Jerusalem giwell un sal kek buder i bachtjatar. Un koi bachteli gole o pirnestar un i pirnjatar shunah mer buder gar.”

Jeremia 8:22

Hi an o them Gilead kek dukepaskro djet? Hi kek dramaskro koi? Hoske dell kek sastepen mire menshenge?

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Zakarie 11:1

Tu Libanon, kre tire wudja pre, te chatchrell i jag tire zedertikre ruka.

4. Mose 32:1

I menshen dran o kheer Ruben un dran o kheer Gad his bud vieche. Un jon dikan, te hi latcho senlepen i viechenge an ko them Jaser un Gilead.

5. Mose 3:25

Mangau tut, muk man pral o pani Jordan wergel te djal un ko latcho them te dikell, hoi kote hi, kol shukar berge un o Libanon.”