Jeremia 22:2 - O Debleskro Drom 2021 (Sinte)

² Un pen: Tu baro rai pral Juda, kai hal ap o Davideskri beshepaskri beshdo, shun, hoi penell o baro Dewel tuke un tire pralstunenge un kol menshenge, kai wenn pash tute an tiro railo kheer!

O Debleskro Lab 2024 (Sinte-Manouche)

² Oun pen: Tou baro ray pral Youda, kay hal ap o Davideskri beshepaskri beshdo, shoun, hoy penell o baro Devel touke oun tire pralstunenge oun kol menshenge, kay venn pash toute an tiro raylo kheer!

Jeremia 22:2 ပူးပေါင်းရင်းမြစ်များ

1. Rajengro liil 22:19

O Micha penas: “Shun, hoi o baro Dewel penell! Me dikom o baro Debles, har job beshdo his ap peskri beshepaskri. Un i tsele bolepangre his pash leste tardo ap leskri tchatchi rig un ap leskri serwi rig.

Jesaja 1:10

Tumer raja dran Sodom, shunenn o lab o baro Deblestar! Tumer menshe dran Gomorra, shunenn, hoi kamell maro Dewel tumenge te penell!

Jesaja 28:14

Tumer pre-phurde, kai penenn i menshenge an o foro Jerusalem, hoi le hunte krenn, kanna shunenn o lab o baro Deblestar:

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 13:18

Pen o baro rajeske un leskri dake: Awenn tele tumari beshepaskri! I raili rajeskri stadi peras tumaro sherestar tele.

Jeremia 19:3

Un pen: Shunenn o baro Debleskro lab, tumer bare raja pral o them Juda un menshe an Jerusalem. Jaake penell o baro Dewel, ko rai pral o bolepen un i phub, kai o Israeleskro Dewel hi: Shunenn, me kamau bari bibacht pral kau foro te anell, kai hakeno, kai shunell kowa, leskre kanda dukenna.

Jeremia 22:1

Kowa penell o baro Dewel: Dja tele an ko kheer ko baro rajestar pral o them Juda, un rake koi kau lab.

Jeremia 22:4

Te rikrenn tumen ap kowa, palle djan bare raja dran o Davideskri familja ap graja un wurdja dren an kol bare wudja, an ko railo kheer, jon un lengre pralstune. Un ninna i menshe dran o them nai djan an ko railo kheer dren.

Jeremia 29:20

Kanna shunenn, tumer lauter dran o foro Jerusalem, kai pandles krik anlo han an o them Babilonia! Shunenn, hoi mukell o baro Dewel tumenge te penell:

Jeremia 34:2

Koi penas o baro Dewel, kai o Israeleskro Dewel hi, ap o Jeremia: Dja pash o Zedekja, ko rajeste pral o them Juda, un pen leske: Kowa penell o baro Dewel: Me dau kau foro an o wast o baro rajestar dran o them Babilonia, un job chatchrell les tele.

Jeremia 36:30

Doleske penau pral tute, Jojakim, rai pral Juda: Kek tire tchawendar well pal tute o rai pral o Davideskro them. Tu mereh un weh win witsedo un atcheh tchiddo an o kham ap o diwes un an o shilapen an i rati.

Jeremia 7:2

Dja un tchip tut an ko wudar o baro Debleskro kherestar, un pen i menshenge kal laba: Tumer lauter dran o them Juda, kai djan kate dren, te mangenn o baro Debles an, shunenn o baro Debleskro lab!

Ezekiel 34:7

Doleske shunenn, tumer bakrengre, hoi o baro Dewel tumenge penell!

Amos 7:16

Kanna shun tu o Debleskro lab! Tu kamal gar, te penap me i Israelenge kol laba, hoi o baro Dewel pral lende penas. Tu kamal gar te rakrap pral o kheer Isaak.

Louka 1:32

Kowa well i baro rai. Job well kharedo Debleskro tchawo. Un o Dewel krell lestar i baro rai pral Israel, jaake har jek leskre phurendar, o David, o baro rai his.