Jeremia 22:18 - O Debleskro Drom 2021 (Sinte)

¹⁸ Doleske penell o baro Dewel pral o Jojakim, ko baro rajeste pral o them Juda, koleskro dad o Josia his: Te merell job, rowenn le gar pral leste. Kek penell: Mo phraal, mo pheen, hoske hunte meras lo? Witar gar penenn le: Maro rai, i pralstuno, hunte meras!

O Debleskro Lab 2024 (Sinte-Manouche)

¹⁸ Doleske penell o baro Devel pral o Yoyakim, ko baro rayeste pral o them Youda, koleskro dad o Yosia his: Te merell yob, rovenn le gar pral leste. Kek penell: Mo phraal, mo pheen, hoske hounte meras lo? Vitar gar penenn le: Maro ray, i pralstouno, hounte meras!

Jeremia 22:18 ပူးပေါင်းရင်းမြစ်များ

2. Samuel 1:26

Miro phraal Jonatan, miro kamlo maal, me rowau pral tute. Man his bari bacht pral tute. Tiro malengro kamlepen his mange feteder har i djuwjengro kamlepen.

1. Rajengro liil 13:30

Un job tchiwas ko mulo murshes an peskro mulengro kheer, kote kai job kamell paskedo te well. Un jon rowan pral leste un penan: “Maro phraal meras!”

2. Rajengro liil 23:36

Biish-te-pantch bersh phuro his o Jojakim, har lo baro rai was; un job his deesh-te-jek bersh baro rai an o foro Jerusalem. Leskri dai kharas Sebuda. Lakro dad his o Pedaja dran Ruma.

2. Rajengro liil 23:6

Un o Josia mukas koi kashteni debletsa Ashera dran o baro Debleskro kheer te anell glan o foro Jerusalem pash ko tikno pani, kai kharell Kidron. Un kote mukas lo lat te chatchrell. Un hoi latar pral atchas, mukas lo tiknes te krell har phubjakri tchik, un tchiwas kowa khetne koi jagakri tchik ap o handako, kai i tchorwele paskedo wan.

2. Rajengro liil 24:6

Un o Jojakim meras un was paskedo pash peskre phurende. Un leskro tchawo, o Jojachin, was baro rai pal leste.

1. Familjakro liil 3:15

Un i tchawe o murshestar Josia his: o phureder his o Johanan, o duito his o Jojakim, o triinto his o Zedekja, o starto his o Shallum.

2. Familjakro liil 35:25

Un o Jeremia giwas i ropaskri gili pral o Josia. Un i tsele gipangre, mursha har djuwja, giwan ropangre gilja pral o Josia bis ap kau diwes. Jaake well kowa gomme kau diwes kerdo an Israel. Kal tsele gilja hi tele tchinlo an o liil, hoi kharell: Ropangre gilja.

2. Familjakro liil 36:5

Har was o Jojakim baro rai, his lo 25 (biish-te-pantch) bersh phuro. Un job his 11 (deesh-te-jek) bersh baro rai an o foro Jerusalem. Un job kras, hoi tchilatcho his glan i jaka o baro Deblestar, kai leskro Dewel his.

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 16:6

Kol bare un kol tikne hunte merenn an kau them, un wenn gar paskedo. Un kek rowell pral lende. Un kek tchinell pes ratles lenge oder tchinell peskre tsele balla lenge tele.

Jeremia 21:11

Un ap o baro rajeste pral Juda pen: Shunenn ko lab, hoi mukell o baro Dewel tumenge te penell:

Jeremia 22:10

Ma rowenn pral koleste, kai meras, ko baro rai Josia. Ma denn gole i dukatar leske! Na-a, rowenn pral leskro tchaweste, kai was krik anlo, o baro rai Joahaz. Kowa well buder gar pale, te dikell lo kau them pale.

Jeremia 22:12

Job merell an i dur them un dikell buder gar peskro them pale.

Jeremia 34:5

na-a, tu mereh an o latchepen. Un jaake har kran i menshe tire phurenge, kai glan tute bare raja his, jaake krenn le ninna tuke: Jon krenn i jag un chatchrenn sungepaskro koowa, te sharenn le tut. Un denn gole o ropah: “Maro rai meras!” Me, o baro Dewel, penau kowa.

Jeremia 36:30

Doleske penau pral tute, Jojakim, rai pral Juda: Kek tire tchawendar well pal tute o rai pral o Davideskro them. Tu mereh un weh win witsedo un atcheh tchiddo an o kham ap o diwes un an o shilapen an i rati.