Jeremia 22:14 - O Debleskro Drom 2021 (Sinte)

¹⁴ Bibacht ap koleste, kai penell peske: ‘Kamau man i baro kheer te krell, kai hi bare iseme un bud wochja dren.’ Ap i massurja mukell lo zedertikro kasht te tchiwell un lolo djet te makell.

O Debleskro Lab 2024 (Sinte-Manouche)

¹⁴ Bibarht ap koleste, kay penell peske: Kamau man i baro kheer te krell, kay hi bare iseme oun boud vorhya dren. Ap i massurya moukell lo cedertikro kasht te čivell oun lolo djet te makell.

Jeremia 22:14 ပူးပေါင်းရင်းမြစ်များ

2. Samuel 7:2

penas job ap ko Debleskro rakepaskro, o Natan: “Me djiwau an i kheer dran zedertikro kasht, un o Debleskro mochton hi an i plachteno kheer. Hi kowa mishto?”

2. Familjakro liil 3:5

An o baro kheer mukas lo i massurja o kashteha te tchakrell, hoi well kol rukendar, kai kharenn zipresse. Un pral ko kasht was latcho sonakai maklo un figure dren tchinlo, hoi win dikan har palme un pandle shelle.

Gosewe laba 17:19

Kowa, kai tchingepen kamell, kowa kamell ninna o tchilatchepen. Kowa kai hadell pes kokres pral, nai perell sik.

Gosewe laba 24:27

Dja win ap tiri phub un kre tiri budi! Pal kowa le i romni, te well tut i familja!

Kamlepaskri gili 1:17

Shukar sorele ruka hi maro kheer, un ruka bud senele patjentsa krenn pen buchles pral mende.

Jesaja 9:9

“Kol barra dran chatchedi tchik peran, – kowa krell tchi. Mer tchiwah mare khera sorele barrentsa pale pre. I faigetikre ruka wan tele dino. Kote tchiwah zedertikre ruka an i phub.”

Ezekiel 23:14

Un kowa his lake gar doha. Joi dikas lole bilte ap i massuri, hoi sikran murshen dran Babilonia.

Daniel 4:30

Un gomme an ko tsiro, har lo koi pral tardo his, was kau lab tchatcho. Un job was pale-tchiddo un djiwas buder gar mank i menshende. Un job chas khass har i grumja. Un job tchiwas pes win tele. Un o brishin peras ap leste tele un kras les sapeno. Leskre balla wan jaake lengsto har i phora bare tchirklendar, un leskre naja bango har i tchirklengre tsebe.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Haggai 1:4

Hi ko tsiro kai, te beshenn tumer an shukar kerde khera, un miro kheer hi paash dino un tchiddo an kotja?

Maleachi 1:4

Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.