Jeremia 22:12 - O Debleskro Drom 2021 (Sinte)

¹² Job merell an i dur them un dikell buder gar peskro them pale.

O Debleskro Lab 2024 (Sinte-Manouche)

¹² Yob merell an i dour them oun dikell bouder gar peskro them pale.

Jeremia 22:12 ပူးပေါင်းရင်းမြစ်များ

2. Rajengro liil 23:29

An ko tsiro djas o Farao Necho, ko baro rai pral o them Egiptia, pral pash ko pani, hoi kharella Eufrat, te kurell lo pes o baro rajeha pral o them Assur. Un o baro rai Josia tchiwas pes leske an o drom. Un o Necho maras les pash o foro Megiddo, har lo les dikas.

2. Rajengro liil 23:34

Un o Farao Necho kras, te well o Josijeskro tchawo, o Eljakim, baro rai pal leskro dadeste Josia. Un das les i wawar lab un kharas les Jojakim. Leskro phrales, o Joahas, las lo peha un anas les an o them Egiptia; kote meras lo.

Jeremia 22:18

Doleske penell o baro Dewel pral o Jojakim, ko baro rajeste pral o them Juda, koleskro dad o Josia his: Te merell job, rowenn le gar pral leste. Kek penell: Mo phraal, mo pheen, hoske hunte meras lo? Witar gar penenn le: Maro rai, i pralstuno, hunte meras!

Jeremia 22:27

Tu weh gar pale an kau them, ninna te kameh o djijestar pale te well.

Jeremia 42:18

Doleske penell o baro Dewel, ko rai pral o bolepen un i phub, kai o Israeleskro Dewel hi: Te djan tumer an o them Egiptia, well miri soreli choli jaake pral tumende har was li pral i menshende an o foro Jerusalem. An o them Egiptia han har praassede menshe. Pral kolende denn le i wasta khetne pral o shero. Jon san pral tumende. Un te kamenn le jekes te praassell, penenn le: Mu djal tuke har i Israelenge an o them Egiptia! Un kau them, kai kanna han, dikenn tumer buder gar.

3. Mose 26:38

An kol themma kol wawar menshendar merenn tumer. Ko them, kai wenn pandles anlo, chal tumen pre.