Jeremia 22:10 - O Debleskro Drom 2021 (Sinte)

¹⁰ Ma rowenn pral koleste, kai meras, ko baro rai Josia. Ma denn gole i dukatar leske! Na-a, rowenn pral leskro tchaweste, kai was krik anlo, o baro rai Joahaz. Kowa well buder gar pale, te dikell lo kau them pale.

O Debleskro Lab 2024 (Sinte-Manouche)

¹⁰ Ma rovenn pral koleste, kay meras, ko baro ray Yosia. Ma denn gole i doukatar leske! Na-a, rovenn pral leskro čaveste, kay vas krik anlo, o baro ray Yoakaz. Kova vell bouder gar pale, te dikell lo kava them pale.

Jeremia 22:10 ပူးပေါင်းရင်းမြစ်များ

2. Rajengro liil 22:20

“Un anau kai bibacht gar pral kau foro jaake rah har tu djiweh. Tu dikeh lat gar tire jakentsa. Me mukau tut an o latchepen te merell. Un tu weh paskedo an o mulengro kheer tire phurendar.” Un kol mursha penan kal laba o baro rajeske.

2. Rajengro liil 23:29

An ko tsiro djas o Farao Necho, ko baro rai pral o them Egiptia, pral pash ko pani, hoi kharella Eufrat, te kurell lo pes o baro rajeha pral o them Assur. Un o baro rai Josia tchiwas pes leske an o drom. Un o Necho maras les pash o foro Megiddo, har lo les dikas.

2. Familjakro liil 36:4

Un o baro rai pral o them Egiptia kras, te well o Josijeskro tchawo, o Eljakim, baro rai pral Juda un Jerusalem. Un das les i wawar lab un kharas les Jojakim. Leskro phrales, o Joahas, las o Necho peha, un anas les an o them Egiptia.

Sikepaskro 4:2

Kote penom mange, bachteles hi kolla, kai meran un paskedo hi, kolenge hi feteder har kolenge, kai kanna djiwenna.

Jesaja 57:1

O baro Dewel penell: Kowa, kai an o tchatchepen tardo his, meras. Un kek lell kowa an peskro dji. Un kolla, kai rikran ap mande, nashran pengro djipen. Un halauter krenna, har te wals kowa gar lengro koowa. Tchatchepah, ko tchatcho mensho was win lino dran o tselo tchilatchepen un bibacht.

Jeremia 16:7

Koi hi kek buder, kai dell chapen kolen, kai pral atchan un rowenn. Ninna te meras lengro dad un lengri dai, hi kek koi, kai dell len tchomone te pijell, te wenn le pale soreles.

Jeremia 22:11

Har o baro rai Josia meras, was leskro tchawo, o Shallum, baro rai pral o them Juda. Un job was pandles krik anlo an o them Babilonia. Pral koleste penell o baro Dewel: Job well buder gar pale an Juda.

Jeremia 22:18

Doleske penell o baro Dewel pral o Jojakim, ko baro rajeste pral o them Juda, koleskro dad o Josia his: Te merell job, rowenn le gar pral leste. Kek penell: Mo phraal, mo pheen, hoske hunte meras lo? Witar gar penenn le: Maro rai, i pralstuno, hunte meras!

Jeremia 22:27

Tu weh gar pale an kau them, ninna te kameh o djijestar pale te well.

Jeremia 25:27

Un o baro Dewel penas mange: Pen lenge: Kowa hi, hoi penell o baro Dewel, ko rai pral o bolepen un i phub, kones i Israelitarja an-mangenn: Pijenn, te wenn mato un hunte tchadenn, bis te perenn tele un nai stenn gar buder pre! Perenn an o charo, hoi bitchrau mank tumende!

Jeremia 28:4

Ninna anau o baro rajes pral Juda pale an kau foro, o Jekonja, koleskro dad o Jojakim his, khetne kol tsele menshentsa, kai dran o them Juda an o them Babilonia pandles anlo wan. Awa, phagau i soor o baro rajestar dran Babilonia. Kowa penell o baro Dewel.”

Jeremia 42:18

Doleske penell o baro Dewel, ko rai pral o bolepen un i phub, kai o Israeleskro Dewel hi: Te djan tumer an o them Egiptia, well miri soreli choli jaake pral tumende har was li pral i menshende an o foro Jerusalem. An o them Egiptia han har praassede menshe. Pral kolende denn le i wasta khetne pral o shero. Jon san pral tumende. Un te kamenn le jekes te praassell, penenn le: Mu djal tuke har i Israelenge an o them Egiptia! Un kau them, kai kanna han, dikenn tumer buder gar.

Jeremia 44:14

Kek kolendar, kai pral atchan an o them Juda, un kate an o them Egiptia wan, te djiwenn le kate, nai nashell krik un atchell djido. Jon wenn buder gar pale an o them Juda, ninna te kamans le pale pale te djal, un kote te djiwell. Kokres i wast pherdo lendar nai nashell peske un nai well kote pale.

Ropaskre gilja 4:9

Kolenge, kai o chareha maredo wan, djas feteder har kolenge, kai meran i bokatar. Har kek djob buder bares was, phagan le khetne i bokatar, bis te meran le.

Ezekiel 24:16

Tu, mensho, djiness, ap jek kopo lau tuke ko menshes, kai tuke o kamleder hi. Tu kress kek gole un rowess gar! Kek swa wenn dran tire jaka.

Louka 23:28

Un o Jesus rissras pes trujel un penas ap lende: “Djuwjale dran o foro Jerusalem, rowenn gar pral mande! Rowenn pral tumende un pral tumare tchawende!