Jeremia 22:1 - O Debleskro Drom 2021 (Sinte)

¹ Kowa penell o baro Dewel: Dja tele an ko kheer ko baro rajestar pral o them Juda, un rake koi kau lab.

O Debleskro Lab 2024 (Sinte-Manouche)

¹ Kova penell o baro Devel: Dja tele an ko kheer ko baro rayestar pral o them Youda, oun rake koy kava lab.

Jeremia 22:1 ပူးပေါင်းရင်းမြစ်များ

2. Samuel 12:1

Un o baro Dewel bitchras peskro rakepaskres, o Natanes, pash o David. Job was pash leste un penas ap leste: “His dui mursha an i foro. Ko jek his brawelo, ko wawar tchorwelo.

2. Familjakro liil 33:10

Ninna te das o baro Dewel o Manasse trad un i menshen an leskro them, dan jon gar garda koi pre.

Jeremia 21:11

Un ap o baro rajeste pral Juda pen: Shunenn ko lab, hoi mukell o baro Dewel tumenge te penell:

Jeremia 21:14

Me hom kowa, kai wau pash tumende, un dau tumen i tchatchi phagi koleske, hoi kran, penell o baro Dewel. Me tchiwau i jag an tumaro weesh, te chatchrell lauter tele.

Jeremia 22:2

Un pen: Tu baro rai pral Juda, kai hal ap o Davideskri beshepaskri beshdo, shun, hoi penell o baro Dewel tuke un tire pralstunenge un kol menshenge, kai wenn pash tute an tiro railo kheer!

Jeremia 34:2

Koi penas o baro Dewel, kai o Israeleskro Dewel hi, ap o Jeremia: Dja pash o Zedekja, ko rajeste pral o them Juda, un pen leske: Kowa penell o baro Dewel: Me dau kau foro an o wast o baro rajestar dran o them Babilonia, un job chatchrell les tele.

Hosea 5:1

Tumer rashaja, shunenn kowa! Un denn garda, tumer dran o kheer Israel! Ninna tumer dran o baro rajeskro kheer, shunenn kal laba! Tumer hunte dans jak, te well o tchatchepen kerdo. Un tumer anan i menshen jaake dur, te mangenn le chochene deblen an. Lenge wan tumer har pandle dorja, hoi jek win tchiwas an o foro Mizpa, un har i netsa, koleha jek tchirklen taprell ap i berga Tabor.

Amos 7:13

Kate an Betel mangell o baro rai o Debles an, kate hi leskro kheer. Doleske nai rakreh tu gar pale kate an o Debleskro lab.”