Jeremia 21:6 - O Debleskro Drom 2021 (Sinte)

⁶ Un me kamau lauteren an kau foro te marell, menshen un viechen. Jon hunte merenn ap i pharo nasslepen.

O Debleskro Lab 2024 (Sinte-Manouche)

⁶ Oun me kamau lauteren an kava foro te marell, menshen oun firhen. Yon hounte merenn ap i pharo nasslepen.

Jeremia 21:6 ပူးပေါင်းရင်းမြစ်များ

1. Mose 6:7

Doleske penas o baro Dewel: “Me lau i tsele menshen, kai me krom, pale krik i phubjatar, ninna i viechen, i baren un i tiknen, un i tchirkle. Khaitell man, kai krom len.”

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jeremia 14:12

Jon nai rikrenn pen pale o chapastar, un rowenn ap mande jaake bud har kamenn le, me shunau len gar. Ninna te chatchrenn jon mange viechen un chapen, dikau gar latches ap lende. Me marau len an o kurepen, ninna i bok un o nasslepen marenn le.

Jeremia 16:4

Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

Jeremia 20:4

Kowa penell o baro Dewel: Tu aneh traash ap tute un ap tire malende. Jon wenn maredo o chareha kolendar, kai kurenn pen lentsa. Un tu dikess kowa tire jakentsa. Un me kamau i tsele menshen an o them Juda an o wast o baro rajestar dran o them Babilonia te dell. Kowa anell i kotar lendar pandles an Babilonia un dell i wawaren mulo o chareha.

Jeremia 32:24

I Babilonarja hi trul o foro tardo, un tchiwan phub pre, te krenn le i drom, te nai djan le an o foro dren. Kau drom djal bis pash o foreste. Sik hunte perell o foro an lengre wasta. Un i menshendar koi dren merenn bud i bokatar un ap o djungelo nasslepen. Un wawar wenn maredo o chareha. Jaake har tu kowa penal, jaake was ninna; tu nai dikeh kokres, har hi.

Jeremia 33:12

Kowa penell o baro Dewel, ko rai pral o bolepen un i phub: Ninna te dikell kau them kanna win har i mulo them, kai nai djiwenn kek menshe un kek vieche, well i tsiro, kai hi hako fores pale latcho them, kai i bakrengre pengre bakren anenna.

Jeremia 34:17

Doleske penell o baro Dewel: Tumer shunan gar ap mande un mukan tumare phralen un phenjen gar win te djal, kai ninna Israelitarja hi har tumer, doleske mukau me, o baro Dewel tumen te djal, te wenn maredo o chareha, merenn ap o djungelo nasslepen un i bokatar. Te dikenn i menshe an tsele themma ap i phub, hoi tumentsa djal, denn le i wasta pral o shero khetne.

Jeremia 36:29

Pral o Jojakim mukess te tchinell: Kawa penell o baro Dewel: Tu chatchral ko ersto liil un penal ap o Jeremia: Hoske mukal pre te tchinell, kai well i baro rai dran Babilonia, un krell kau them paash, un tradell i menshen un i viechen win?

Jeremia 42:22

Doleske shunenn un djinenn: Mank tumende hi sawe, kai wenn maredo o chareha, wawar merenn i bokatar un o djungelo nasslepah kote, kai djan koi, te djiwenn kote.

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Ezekiel 12:16

O charo, i bok un i pharo nasslepen marenn bud lendar. Gar bud lendar mukau djido. Kolla nai penenn kol menshenge, pash lende jon djiwenn, hawo djungelo koowa i Israelitarja kran. Jaake dikenn un haiwenn kolla ninna, te hom me o baro Dewel.

Ezekiel 14:13

Tu, mensho, djiness, te phagenn i menshe an jek them mantsa, un rikrenn buder gar ap mande, dau me len i phagi. Un krau, te hi len buder gar doha maro. Un bitchrau i bok an o them, te merenn i menshe un i vieche i bokatar.

Ezekiel 14:17

Te mukoms me i kurepen win te phagell an ko them, un mukoms menshen un viechen kote mulo te dell,

Ezekiel 14:19

Te bitchroms i pharo nasslepen an ko them, un mukoms an miri tati choli menshen un viechen te merell,

Ezekiel 14:21

Un kanna penell o baro Dewel, maro rai: Ap ko tsiro, kai bitchrau star phare dawa pral ko foro Jerusalem – kurepen, bok, diwje vieche un pharo nasslepen, – te merenn i menshe un vieche koi dren,

Ezekiel 33:27

Jaake peness tu lenge: Kawa penell o baro Dewel, maro rai: Pash miro djipen dau man sowel, halauter, kai an kol tele phagede forja djiwenn, wenn maredo o chareha. Un kolla, kai win ap o them djiwenn, wenn khetne dandedo i diwje viechendar. Un kolla, kai khatrenn pen an sorele barrengre khera un an i phub, kolla merenn ap i djungelo nasslepen.

Ezekiel 33:29

Tumer krenn, hoi glan mire jaka djungelo hi. Doleske krau ko them, te well lo i wi-meredo them. Palle dikenn un haiwenn tumer, te hom me o baro Dewel.

Ezekiel 7:15

Glan o foro hi kol lurde, kai kamenn i Israelitarjen te marell. An o foro hi i pharo nasslepen un bok. Koon win glan o foro hi, kowa well o chareha maredo. Un koon an o foro dren hi, merell ap o pharo nasslepen un i bokatar.

Hosea 4:3

Doleske trushell o them, un i menshe merenn; ninna i diwje vieche, i tchirkle un i matche hunte merenn.

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Zefanja 1:3

i menshen, i viechen, i tchirklen un i matche. Me lau i tchilatchen krik i phubjatar, un khetne lentsa lauter, hoi kras, te peran le mandar tele. Awa, kek mensho atchell djido ap kai phub. Kowa penell o baro Dewel.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”