Jeremia 20:8 - O Debleskro Drom 2021 (Sinte)

⁸ Hako kopo, te rakrau, hoi tu mange penal, hunte dap gole: Marepen un dukepen! Doleske san le pral mande hako diwes un taprenn pen ap o shero.

O Debleskro Lab 2024 (Sinte-Manouche)

⁸ Hako kopo, te rakrau, hoy tou mange penal, hounte dap gole: Marepen oun doukepen! Doleske san le pral mande hako dives oun taprenn pen ap o shero.

Jeremia 20:8 ပူးပေါင်းရင်းမြစ်များ

2. Rajengro liil 2:23

Un job djas pre an o pralstuno them pash Betel. Koi wan tikne mursh tchawe dran ko foro, san pral leste un dan ap leste gole: “Nango shero, am kai pral, nango shero am pral!”

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Jesaja 57:4

Tumer san pral mande, un krenn tumaro mui bares pre, un sikrenn mange i tchip. Tumer han phukepangre un chochene!

Jeremia 15:10

Me bibachtelo, hoske das miri dai mande o djipen? Hakeno dikell tchilatches ap mande. An o tselo them tchingrenn le ap mande. Ninna te patsom kekestar lowe, un kek patsas man lowe, praassell man hakeno.

Jeremia 15:15

Baro Dewel, tu djineh halauter! Ma biste man, un ab ap miri rig! De kolen lengro tchilatchepen pale, kai man palla lenna! Rike tiri choli ap lende gar jaake rah pale, te wap gar maredo! Tu djineh, me hom tuke koi. Doleske tchingrenn le ap mande.

Jeremia 17:27

Te shunenn tumer gar ap mande, un djiwenn ap o Debleskro diwes har ap hako wawar diwes, un hidjrenn tumaro koowa ap o Debleskro diwes dren an kol wudja o forestar Jerusalem, palle tchiwau me jag an kol wudja, te chatchrenn i sorele khera pre an Jerusalem. Un kek nai krell koi jag win.

Jeremia 20:7

Baro Dewel, tu rakral jaake rah ap mande dren bis te krom, hoi tu kamal. Tu hal sorleder har me. Kanna wom lenge sapaske, un hakeno sal man win.

Jeremia 28:8

O Debleskre rakepangre, kai his glan mande un glan tute, kolla rakran glan i rah tsiro pral kurepen, bok un nasslepen, hoi well pral sorele themma un bud menshende.

Jeremia 5:1

Djan kol dromma an Jerusalem pral un tele! Krenn tumare jaka pre un rodenn ap kol dromma o forestar! Te hatsenn jekes, kai djiwell an o tchatchepen, un rikrell pes ap o Debleste, palle bistrau i doosh o tselo forestar.

Jeremia 5:6

Doleske wenna lewe dran o weesh un marenn len; diwje djukle dran o diwjo un truk them dandrenn len an kotja, un bare diwje margodje lurenn glan lengre forja. Hakeno, koon win wella, wella an kotja dandedo. Lengri doosh hi bud un phari. Bud kope djan le mandar krik.

Jeremia 6:10

Koneha rakrap me? Koneske penap tutar? Koon shunella koi pre? Lengre kanda hi pandlo. Jon nai shunenn gar, hoi tu lenge kameh te penell, un san pral tire laba, un choirenn pen pral lende.

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

Habakuk 1:3

Hoske mukeh tu man sawo tchilatchepen te dikell? Hoske dikeh tu, har i menshe dukedo wenna, un kreh tchi? Kai dikau, dikau tchorepen un djungelo koowa, kurepen un tchingepen.

Louka 11:45

Koi penas i biboldengro tchatchepaskro: “Sikepaskro, te peneh tu kal laba, praasseh tu men ninna.”

Hebrearja 11:26

O Mose kamas feteder, te lell lo ko praassepen ap peste, hoi ninna o Jesus Kristo ap peste las, har te lell lo o tselo brawlepen an o them Egiptia. Leske his o brawlepen an o bolepen budeder moldo.

Hebrearja 13:13

Doleske djas pash leste win glan o foro, te las o praassepen ap mende jaake, har job o praassepen ap peste las!

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.