Jeremia 20:2 - O Debleskro Drom 2021 (Sinte)

² das lo les, un pandas leskre herja an i kotar kasht pash o wudar, hoi kharell Benjamineskro Wudar, un hi pash o baro Debleskro kheer.

O Debleskro Lab 2024 (Sinte-Manouche)

² das lo les, oun pandas leskre herya an i kotar kasht pash o voudar, hoy kharell Benyamineskro Voudar, oun hi pash o baro Debleskro kheer.

Jeremia 20:2 ပူးပေါင်းရင်းမြစ်များ

1. Rajengro liil 13:4

Un har shunas o baro rai i laba o Debleskro murshestar, kol laba, hoi ko Debleskro mursh win kharas pral koi chatchepaskri an Betel, koi sikras o Jerobeam peskro wasteha ap leste, un penas: “Taprenn les!” Koi nashras leskro wast peskri soor, un job nai tserdas les gar pale pash peste.

1. Rajengro liil 22:27

un pen lenge: ‘Kawa penell o baro rai: Tchiwenn koles an o stilepen, un denn les gar bud maro te chal, un gar bud pani te pijell, bis te wau me sasto dran o kurepen pale.’”

2. Familjakro liil 16:10

O Asa choiras pes pral o dikepaskro, un an peskri bari choli mukas lo les an o stilepen te anell. An ko tsiro rikras job ninna wawar menshen an o them i dawentsa tele.

2. Familjakro liil 18:23

Kote was o Zedekja pashel, koleskro dad o Kenaan his, un das o Micha i tchamedini, un penas: “Har djals kowa, te djas o ducho o baro Deblestar peske mandar, un rakrell kanna tuha?”

2. Familjakro liil 24:21

Koi rakran le pen mank pende tele, te marenn le les, un witsran les i barrentsa mulo ap i glanstuni platsa glan o baro Debleskro kheer. Jaake penas les lenge o baro rai, o Joash.

Hiob 13:27

Mire herja tchiwal an shelle, un deh jak ap hako drom mandar, un leh mire pire an o jak, kai le djan.

Hiob 33:11

Job tchiwell mire pire an shelle, un dell jak ap hako drom, kai me djau.”

Jeremia 1:19

Ninna te tchingrenn le tuha, nai krenn le tuke tchi. Me hom pash tute, te lap tut dran lengre wasta win. Kowa penau me, o baro Dewel.

Jeremia 26:10

Har shunan i pralstune pral Juda, hoi kate djas, wan le dran o baro rajeskro kheer, un djan pre an o baro Debleskro kheer un beshan pen tele pash o Newo Wudar, te rakrenn le o tchatchepen pral leste win.

Jeremia 29:26

O baro Dewel rodas tut win, te wess o rashai pal o rashajeste Jojada. Tu wess o pralstuno an o baro Debleskro kheer, te tchiwess kol tsele narwelen pandles, kai wenna un penenn, te hi le Debleskre rakepangre, un penenn tchomone glan-wi. Tu tchiwess lengre pire an kashta un sasterne shelle trul lengri meen.

Jeremia 36:26

Job penas ap peskro tchaweste, o Jerachmeel un ap o Seraja, koleskro dad o Asrijel his, un ap o Shelemja, koleskro dad o Abdeel his, te tapenn le o tchinepaskres, o Baruch, un o Debleskro rakepaskres, o Jeremia. Kolen khatras o baro Dewel. Doleske hatsan le len gar.

Jeremia 37:13

Har job pash o Benjamineskro Wudar was, his kote i lurdo, kai das garda, koon dren te win nashella. Kowa kharas Jirija, leskro dad his o Shelemja, koleskro dad his o Hananja; o Jirija das garda ap ko wudar, un rikras o Jeremijes peske wastentsa pre, un penas: Tu kameh pash i Babilonarja wergel te nashell.

Jeremia 37:21

Kote mukas o baro rai Zedekja te penell, te rikrenn le o Jeremia ap koi platsa stildo, kai rikran pen i lurde pre. Un job mukas leske hako diwes i maro te anell, kotar kai o maro peklo was, jaake rah bis te his buder kek maro an o foro. Jaake atchas o Jeremia ap koi platsa stildo.

Zakarie 14:10

O tselo them Juda well i buchlo telstuno them mank o foro Geba un o foro Rimmon, hoi tchatches o forestar Jerusalem tchiddo hi. O foro Jerusalem atchell pralstunes tchiddo, un djal o wudarestar Benjamin bis kote, kai o ersto wudar his, un kotar dureder bis pash o wudar, kai i rigja khetne wenna, un fun o turmo Hananel bis kote, kai i mool dran i drake o baro rajeske kerdo was.

Mateo 21:35

I hache tapran kol budepangren. Ko jekes dan le dawa, un ko wawares maran le. Un pale i wawares witsran le i barrentsa mulo.

Bičepangre 4:3

Doleske tapran le len un tchiwran len i rati an o stilepen.

Bičepangre 5:18

un tapran len, un witsran len an o stilepen.

Bičepangre 5:40

Palle dan jon o Jesuseskre bitchepangren gole, dan len dawa i tchupnijah, un dan len trad, te rakrenn le buder gar o Jesusestar. Un palle mukan le len te djal.

Bičepangre 7:52

Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.

Debleskro tsiro 17:6

Un me dikom, kai koi djuwel mato his o ratestar, hoi nashas, har o Debleskre menshe maredo wan, kolla, kai patsan ap o Jesuseste un dan pengro patsepen gar pre. Un me nashte patsom gar, hoi dikom.

Debleskro tsiro 2:10

Ma darenn kol duka, hoi ap tumende wenna! O beng mukell menshen tumendar an o stilepen te witsrell, te well diklo, har sorelo tumaro patsepen ap mande hi. Un tumer wenn deesh diwessa palla lino. Atchenn soreles an tumaro patsepen ap mande, ninna te marenn le tumen! Palle dau tumen o djipen, hoi atchella. Jaake baro hi tumaro plaissepen!