Jeremia 20:12 - O Debleskro Drom 2021 (Sinte)

¹² Baro Dewel, tu rai pral o bolepen un i phub, tu prindjreh lauteren, kai ap tute rikrenn. Tu dikeh, hoi an lende hi, prindjreh lengre djia. Muk man te dikell, har tu kolen i phagi deh, kai man palla lan. Me dom miro koowa an tire wasta.

O Debleskro Lab 2024 (Sinte-Manouche)

¹² Baro Devel, tou ray pral o bolepen oun i phoub, tou prindjreh lauteren, kay ap toute rikrenn. Tou dikeh, hoy an lende hi, prindjreh lengre djia. Mouk man te dikell, har tou kolen i phagi deh, kay man palla lan. Me dom miro koova an tire vasta.

Jeremia 20:12 ပူးပေါင်းရင်းမြစ်များ

2. Familjakro liil 24:22

Un o Joash bistras har bud latchepen o Jojada ap leste kras, koleskro tchawo o Secharja his, koles job mukas te marell. Har o Secharja meras, penas lo: “O baro Dewel dikell kowa, un job dell pale pale, hoi le ap mande kran.”

Debleskri gili 11:5

Job rodell an i djia i latchendar un i tchilatchendar. Koon o tchilatchepen kamell, ap koleste hi lo peskro tselo djijeha chojedo.

Debleskri gili 139:23

Dik an miro dji, miro Dewel, un dik, hoi lauter koi dren hi! Un le man an o jak, un dik, hoi mange an o shero trujel djala!

Debleskri gili 17:3

Tu djineh, hoi mange an o shero djal. Ninna an i rati dikal palla, har an miro dji wi-dikella, un hatsal tchi an mande, hoi gar mishto hi. Ninna kek tchilatcho lab was dran miro mui win.

Debleskri gili 54:7

Tu deh kolen ko tchilatchepen pale, hoi jon kaman ap mande te anell. Sike mande, te hal mantsa, un le len krik kai phubjatar!

Debleskri gili 58:10

Lenge djal har i subjengre burra: I baro ducho tserdell len dran i phub win. Jaake phurdell o Dewel len krik an peskri bari choli.

Debleskri gili 59:10

Tu hal miri soor. Ap tute kamau me man te rikrell. Miro Dewel, tu hal mange i sorelo kheer.

Debleskri gili 62:8

Miro Deblestar well, te wap win lino dran o tchilatchepen, un te wap an-diklo. Lestar well miri soor, pash miro Debleste khatrau man.

Debleskri gili 7:9

Baro Dewel, tu hal o baro tchatchepaskro rai pral i menshende dran i tsele themma. De man miro tchatchepen! Tu djineh, me hom tardo an o tchatchepen un kek doosh hi ap mande.

Debleskri gili 86:4

Miro dji djal pal tute, baro Dewel. Kre man pale bachtelo. Me hom tiro budepaskro.

Jesaja 37:14

I bitchepangre dan ko liil o Hiskija. Har job les draweras, djas lo pral an o baro Debleskro kheer un tchiwas ko liil glan o baro Debleste ap i phub,

Jesaja 38:14

An miri gole hi kek soor. Har i tchirklengri gole shunell pes miri gole an, un har te rowals i tauba. Mire jaka hi khino, jaake rah dikom ap tute pre. Miro rai, hom an o merepen! Ab tu ap miri rig!

Jeremia 11:20

Koi penom: Baro Dewel, tu rai pral o bolepen un i phub, djineh, hoi an o mensheskro dji un shero glan djala. Tu hal i tchatchepaskro, kai djal pal o tchatchepen. An tire wasta dau miro koowa. Muk man dikell, har tu len ko tchilatchepen pale deh, hoi jon kamenn mange te krell.

Jeremia 12:8

Mire menshe wan mange har i lewo an o weesh, kai kras o mui pre, un das man tchilatches an-gole. Doleske kamau len buder gar.

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Jeremia 17:18

Muk ladj pral kolende te well, kai man palla lenn, un gar pral mande! Jon hunte trashenn pen, un gar me! Muk ko diwes te well, kai well koi bibacht ap lende! Un phage len an kotja!

1. Petro 2:23

Te tchingran le ap leste, tchingras job gar pale. Te dan le les, das lo len gar trad. Na-a, job tchiwas pes an o Debleskre wasta. Un o Dewel hi o tchatchepaskro rai, kai djal pal o tchatchepen.

1. Petro 4:19

Doleske penau tumenge: Te mukell o Dewel ap tumende i pharo tsiro te well, palle denn tumen tseles an o Debleskro wast, kai das tumen o djipen! Un mukenn gar tele, te krenn o latchepen!

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.

Debleskro tsiro 6:10

Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”

1. Samuel 1:15

I Hanna penas: “Ma rikrenn man mateske, miro rai! Mool pijom me gar un tchi wawar, hoi jekes mato krell. Me hom tchi wawar har i djuwel, kai lat i pharo dji hi. Un kowa tchorom win glan o baro Debleste.