Jeremia 2:36 - O Debleskro Drom 2021 (Sinte)

³⁶ Har sik djal tu kai te koi, te rodess tuke menshen, kai krenn pen tuha khetne? O them Egiptia nai well tut gar feteder ap i rig har o them Assur.

O Debleskro Lab 2024 (Sinte-Manouche)

³⁶ Har sik djal tou kay te koy, te rodess touke menshen, kay krenn pen touha khetne? O them Egiptia nay vell tout gar feteder ap i rig har o them Assour.

Jeremia 2:36 ပူးပေါင်းရင်းမြစ်များ

2. Familjakro liil 28:16

An ko tsiro peran i Edomarja pale an o them Juda dren, kuran pen i menshentsa koi un lan bud lendar pandles pentsa krik. Jaake bitchras o baro rai Ahas murshen pash o baro rajeste an o them Assur, te well job leske ap i rig.

Jesaja 20:5

Palle lenn kolla bari daar un traash, kai patsan, te wenn i lurde dran Etiopia lenge ap i rig, un kai sharan pen, te denn i Egiptarja jak ap lende.

Jeremia 2:18

Hoi hi tut kolestar, te djah an o them Egiptia, un kameh koi dran o pani Nil te pijell? Un hoi hi tut kolestar, te djah tu an o them Assur un kameh dran o pani Eufrat te pijell?

Jeremia 2:23

Har nai peneh tu: Me krom man gar pale-tchiddo? Me nashom gar kol deblenge palla, hoi kharenn Baal. Dik ap tute, hoi tu kreh an i tala! Ma biste, har djiwal! Har i khamela, kai hi bipandlo, nasheh tu trujel,

Jeremia 2:33

Har sik hatseh tu i drom, te less tuke i wawar pirnes! Un jaake djas tu pale te pale ap tchilatche dromma.

Jeremia 22:20

Tumer menshe dran Jerusalem, djan pre ap i berga Libanon, un denn gole! Rowenn ap i berge Bashan! Un denn soreles gole ap i berge Abarim! Tumare tsele mala, kai kote djiwan, wan dino, un hi buder gar koi.

Jeremia 22:22

Tire pralstune wenn krik anlo, har te wans le krik phurdedo i sorelo duchestar. Un tire mala hunte djan pandles an i wawar them. Jaake well ladj pral tute, un tu weh sapaske i wawarenge. Kowa well pral tute tiro tselo tchilatchepaske.

Jeremia 31:22

Har rah kameh te nashess trujel, tu, miri tchai, kai mukal miro drom? O baro Dewel krell tchomone newes ap i phub: I romni hi pash peskro romeste.

Jeremia 37:7

Kowa penell o baro Dewel, kai o Israeleskro Dewel hi: Pen o baro rajeske dran o them Juda, kowa kai bitchras tumen pash mande, te putchenn man: Kol lurde o Faraestar, kai djan win dran pengro them, te wenn le ap tumari rig, kolla djan pale khere an o them Egiptia.

Jeremia 46:12

Tiri ladj was an i wawar themma win gole dino. Halauter shunan tiro ropen. Tire sorele kurepangre peran jek pral o wawar, un atchan jek pash o wawareste tchiddo.

Ropaskre gilja 4:17

Pale te pale dikan mare jaka pen trujel pal jekeste, kai menge ap i rig well. Un kek was. Ko them, ap koleste dikam, nai las men gar dran i bibacht win.

Ropaskre gilja 5:6

Mer hunte rikras mare wasta i themma Egiptia un Assur koi, te well men i kotar maro, te bokas gar.

Ezekiel 16:28

Tu lal gar doha, un lubral kolentsa dran o them Assur trujel. Un ninna kowa his tuke gar doha.

Ezekiel 29:7

Te tapran le pengre wastentsa ap tute, phagal un dal lenge an i rig tchurje. Un te rikran le pen ap tute, phagal, un jon dukran pengro dumo.

Hosea 10:6

Awa, ko terno gurum well an o them Assur anlo, un kote well lo o baro rajeste, o Jareb, dino. Hawi ladj o Efrajimeske! Hawi ladj well ap i Israelitarja, kai patsan, te hi le jaake gosewo!

Hosea 12:1

O baro Dewel penell: O chocheno rakepen i menshendar an o them Efrajim hi trul mande. O kheer Israel chochell man wawar deblentsa. Ninna i menshe an o them Juda rikrenn pen gar ap mande, ko tchatcho Debleste, kai rikrell peskro lab.

Hosea 14:3

Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Hosea 7:11

O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.