Jeremia 2:34 - O Debleskro Drom 2021 (Sinte)

³⁴ Ninna hatsan le ap tire koola o rat i tchorwelendar, kai kran kek tchilatchepen, un kai tu gar koi pashel tapral, kai phagan le an tiro kheer dren. Ninna te kral tu kowa lauter,

O Debleskro Lab 2024 (Sinte-Manouche)

³⁴ Ninna hatsan le ap tire koola o rat i čorvelendar, kay kran kek čilačepen, oun kay tou gar koy pashel tapral, kay phagan le an tiro kheer dren. Ninna te kral tou kova lauter,

Jeremia 2:34 ပူးပေါင်းရင်းမြစ်များ

2. Rajengro liil 21:16

Ninna mukas o Manasse bud menshen te marell, ap kolende kek doosh his. An o foro Jerusalem nashas lengro rat har pani. Koi pashel was koi doosh, hoi lo ap o them Juda anas, har anas lo i menshen ap i tchilatcho drom, kai kran le, hoi gar mishto hi an o baro Debleskre jaka.

2. Rajengro liil 24:4

un maras bud sawen, kai kek tchilatchepen kran, un anas lengro rat pral peste. Un o tselo foro Jerusalem his pherdo rat. Kau koowa kamas o baro Dewel gar te bistrell.

2. Mose 22:1

Te well i tchorepaskro tapedo, har job rati an i kheer dren phagell, un well jaake dino, te merell lo, hi koles, hoi les das, kek doosh ap leskro rat.

2. Mose 22:2

Djas o kham pre, har phagas lo dren, hi koles, hoi les mules das, i doosh ap leskro rat. I tchorepaskro hunte dell lauter pale, hoi job tchoras. Te nai krell job kowa gar, palle well lo bikedo un well i pandlo budepaskro.

Jesaja 57:5

Tel hako baro ruk lubrenn tumer trujel, te sharenn i chochene deblen! Un an i tala mank i bare barra marenn tumer lenge tumare tchawen, har te wans le vieche.

Jesaja 59:3

I wawarengro rat kras tumare wasta ratlo, un koi doosh, hoi ap tumende lan, kras tumare gushte tchiklo. Tumaro mui rakrell chochepen, un tumari tchip tchilatchepen.

Jesaja 59:7

Tumare herja nashenna pal o tchilatchepen, un hi sik, te mukenn le kolen te ratell, kai kek tchilatchepen kran. Kowa, hoi mukenn tumenge an o shero te djal, hi har nai chochenn un dukrenn i wawaren. Ap tumare dromma atchell phagedo djipen pale.

Jeremia 19:4

Mire menshe mukan man un kran kau kotar them pale-tchiddo, har chatchran le sungepaskro koowa wawar deblenge, kolen prindjrenn jon gar un witar gar lengre phure. Ninna kol bare raja pral o them Juda prindjran len gar. An kau foro maran le menshen, kai kek tchilatchepen kran.

Jeremia 2:33

Har sik hatseh tu i drom, te less tuke i wawar pirnes! Un jaake djas tu pale te pale ap tchilatche dromma.

Jeremia 6:15

Jon hunte ladjans pen ko djungelo koweha, hoi jon kran. Kowa krenn le gar. Jon ladjenn gar. Jon djinenn gar, hoi ladj hi. Doleske wenn jon maredo khetne kol wawarentsa. Te wau me, un dau len i phagi, atchell kek lendar djido, penell o baro Dewel.

Jeremia 7:31

Un kran an koi tala Ben Hinnom i chatchepaskri, hoi kharell Tofet, te chatchrenn jon pengre tchawen un tchen. Sawo koowa penom me lenge gar. Un kowa was mange gar an o shero.

Jeremia 7:6

Ma rikrenn kolen tele, kai hi dran i wawar them, witar gar kol tchawen, kai len kek dad buder hi, un kol romjen, kai len kek rom buder hi! Ma denn kol menshen ratles, kai kek tchilatchepen kran! Ma nashenn wawar deblenge palla. Jon anenn tumen an i bibacht.

Jeremia 8:12

Jon hunte ladjans koleske hoi jon kran, koweha man choiran. Kowa krenn le gar. Jon ladjenn gar. Hoi ladj hi, djinenn le gar. Doleske wenn jon maredo khetne kol wawarentsa. Te wau me, un dau len i phagi, hunte perenn le, penell o baro Dewel.

Ropaskre gilja 1:9

Lakro ripen hi pherdo tchik. Un joi patsas gar kai lake jaake djala. Dur tele peras li, un kek hi lake koi, kai penell lake i kamlo lab. “Dik, baro Dewel, har djungeles mange djala, un kolla, kai man khetne dan, krenn pen bares.”

Ropaskre gilja 4:14

Jon nashran pen an i dromma har korele, un rat his ap lengre koola, te kamas kek len an te taprell.

Ezekiel 20:31

Bis ap kau diwes chatchrenn tumer viechen kol chochene deblenge, un krenn tumen jaake pale-tchiddo. Ninna chatchrenn lenge tumare tchawe. Un me mukap man tumendar dran o kheer Israel, te putchell? Pash miro djipen, penell o baro Dewel, maro rai, dau man sowel, te mukau man gar tumendar te putchell!

Ezekiel 22:25

Tire raja hi mank tute har lewe, kai denn gole, har dandrenn le viechen khetne. Jon marenn menshen, tchorenn penge brawlepen khetne, un krenn, te nashrenn bud romja an o them pengre romen.

Ezekiel 23:45

Doleske krenn tchatchepangre mursha pral lende o tchatchepen win, un denn len i phagi jaake har kol romjenge i phagi dino well, kai chochran pengre romen un maran menshen. Kal dui chochran pengro romes un ap lengre wasta hi rat.

Ezekiel 24:7

Ko rat kolendar, kolen i menshe an o foro maran, hi gomme mashkral lende. Ap i baro bar nashas ko rat, un gar ap i phub, te nai tchakrals jek les tchikeha tele.

Ezekiel 9:9

Un job penas ap mande: I doosh, hoi i menshe dran o kheer Israel un dran o kheer Juda ap pende anan, hi jaake bud. Bud marepen hi an o them. Un an o foro rikrenn i sorele i wawaren sorjah tele. Un jon penenn: “O baro Dewel djas peske dran kau them. Job dikell men gar!”