Jeremia 2:30 - O Debleskro Drom 2021 (Sinte)

³⁰ Koi tseli phagi, hoi dom tumen, his tchitcheske. Tumer mukan tumen gar te tserdell. Mire rakepangren, kai pash tumende bitchrom, maran tumer. Tumaro charo chas len har i chojedo lewo.

O Debleskro Lab 2024 (Sinte-Manouche)

³⁰ Koy tseli phagi, hoy dom t'men, his čičeske. T'mer moukan t'men gar te tserdell. Mire rakepangren, kay pash t'mende bičrom, maran t'mer. T'maro rharo rhas len har i rhoyedo levo.

Jeremia 2:30 ပူးပေါင်းရင်းမြစ်များ

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

1. Rajengro liil 19:14

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

2. Familjakro liil 24:21

Koi rakran le pen mank pende tele, te marenn le les, un witsran les i barrentsa mulo ap i glanstuni platsa glan o baro Debleskro kheer. Jaake penas les lenge o baro rai, o Joash.

2. Familjakro liil 28:22

Ninna te his ko tsiro jaake pharo o baro rajeske Ahas, anas lo i budeder doosh ap peste glan o baro Debleste.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Jesaja 1:5

Han gomme gar doha dino? Hoske rikrenn tumare djia pandlo un djan dureder ap tumaro tchilatcho drom? Tumaro tselo shero hi pherdo dukepen, un tumaro tselo dji hi nasselo.

Jesaja 59:3

I wawarengro rat kras tumare wasta ratlo, un koi doosh, hoi ap tumende lan, kras tumare gushte tchiklo. Tumaro mui rakrell chochepen, un tumari tchip tchilatchepen.

Jesaja 9:13

Ap jek diwes las o baro Dewel lendar i pralstunen krik, ninna kol chochene rakepangren, kai penan, kai lengre laba o Deblestar wan. Kowa hi, har te tchinals jek i matchestar o shero un o pori tele, un i rukestar i patria un i telstuno kotar. I phurende un i an-dikle hi o shero. Kol chochene, kai penenn, lengre laba wans o Deblestar, hi o pori.

Jeremia 31:18

Shunom mishto, har o Efrajim rowas: “Baro Dewel, homs har i terno gurum, kai djinas gar, har te tserdell lo. Tu sikral man dawentsa, hoi te krap. An man pale, me kamau pash tute te well. Tu hal miro Dewel.

Jeremia 46:14

Denn win gole an o them Egiptia! Penenn i menshenge an i forja Migdol, Memfis un Tachpanes: Kurenn tumen kolentsa, kai ap tumende pre djan! O charo chal kolen, kai trul tumende hi.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Jeremia 7:28

Doleske pen ap lende: tumer han kal menshe, kai shunan gar ap lengro baro Debleste. Un tumer mukenn tumen tchi te penell. O tchatchepen hi mulo. Kek rakrell buder pral o tchatchepen.

Ropaskre gilja 4:13

Kowa was pral o foro koi doshake, hoi o Debleskre rakepangre un i rashaja ap pende anan. Jon mukan kote sawe menshen te marell, kai kek tchilatchepen kran.

Ezekiel 22:24

Tu, mensho, pen ap o them Israel: Tu hal jaake pale-tchiddo, te bitchrap buder kek brishin an ko tsiro, kai well miri choli ap tute.

Ezekiel 24:13

Jerusalem, kowa, hoi kras tut pale-tchiddo, hi tiro wi-ladjedo koowa. Har kamom me ko pale-tchiddo koowa tutar krik te lell, kamal te atchell har hals. Doleske atcheh pale-tchiddo, jaake rah me miri choli ap tute win mukom!

Daniel 9:13

Jaake har an o Moseskro liil tchinlo hi, jaake was ninna koi bari bibacht pral mende. Un mer mangam men gar tele glan tute, maro baro Debleste, un mukam gar maro tchilatcho drom, un dam gar jak ap tiro tchatchepen.

Zefanja 3:2

Te dell jek kol menshen kote trad, shunenn le gar, un mukenn penge tchi te penell. Ap o baro Debleste rikran le pen gar, pengro Deblestar kamenn le tchi te djinell.

Mateo 23:29

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen! Tumer krenn shukar mulengre khera kolenge, kai his o Debleskre rakepangre. Un i mulengre khera, kai latche menshe paskedo hi, krenn tumer shukar un railo.

Bičepangre 7:52

Penenn mange: Dell jek Debleskro rakepaskro, kai lan tumare phure gar palla? Jon maran kolen, kai glan-wi penan, te well ko jek, kai hako tsiro o tchatchepen krella. Job was, un tumer phukran ap leste un maran les.

1. Tessalonikarja 2:15

I bibolde maran o Jesus Kristes. Glan leste maran le o Debleskre rakepangren. Men lan le ninna palla. Jon choirenn o Debles. Un ap i tsele menshende hi jon tchilatcho.

Debleskro tsiro 16:9

Un i menshe wan soreles chatchedo. Un jon praassan o Debles, kai das len koi phagi. Un jon mukan gar pengro tchilatcho drom, un sharan o Debles gar.