Jeremia 2:21 - O Debleskro Drom 2021 (Sinte)

²¹ Me tchiwom tut dren har i wi-rodedo drakengro ruk, i latcho shukar ruk. Un hoi was kanna dran tute? I diwjo djungelo ruk!

O Debleskro Lab 2024 (Sinte-Manouche)

²¹ Me čivom tout dren har i vi-rodedo drakengro rouk, i lačo shoukar rouk. Oun hoy vas kanna dran toute? I divyo djoungelo rouk!

Jeremia 2:21 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

1. Mose 32:28

Koi putchas lestar ko mursh: “Har khareh tu?” “Jakob”, penas job.

Debleskri gili 44:2

Maro Dewel, mare kandentsa shunam mer, har mare phure menge penan, hoi tu kral an lengre diwessa glan i rah tsiro.

Debleskri gili 80:8

Tu, Dewel un rai pral o bolepen un i phub, hade men pale pre! Dik latches ap mende, jaake djal menge pale mishto.

Debleskri gili 80:9

Dran o them Egiptia anal tu i drakengro ruk; tradal wawar menshen dran lengre themma, un tchiwal les an i phub.

2. Mose 15:17

Tu aneh len ap i berga, hoi tu tuke win rodal, kote, kai tu khere hal, te djiwenn le pash tute. Koja berga hi tiro kheer, baro Dewel, hoi tu tuke tire wastentsa kral, te wess kote sharedo.

Jesaja 1:21

Har nai was kowa? Kau foro, hoi rikras pes ap mande peskro tselo djijeha, was har i lubni! O foro his pherdo tchatchepen, un i menshe djiwan pal o Debleskre tchatchepaskre laba. Un kanna djiwenn kate lauter marepangre, kai wawaren mulo denn!

Jesaja 27:2

Ap ko diwes penell o baro Dewel tumenge: Man hi i shukar drakengro them; giwenn leske i gili!

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Jesaja 5:4

Hoi hunte kroms budeder an miro drakengro them, hoi gar krom? Hoske anas lo diwje shutle drake win? Un me patsom, te hi le latcho un gudlo.

Jesaja 60:21

Tire menshe hi halauter an o tchatchepen tardo. Un kau them hi lenge hako tsireske. Jon hi har i tikne ruka, hoi tchiwom an i phub, un hoi bares wan. Mire wastentsa krom len, te sikrap miro railepen.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Jeremia 11:16

His i tsiro, kai penas o baro Dewel tumendar: Jon hi har i shukar senelo djeteskro ruk, kai bud djeteskre drake baro wenna. Kanna tchiwas job ap leste i jag, hoi bari goljah leskre patria chatchrell un leskre kashta phagell.

Jeremia 11:17

Me, o baro Dewel, ko rai pral o bolepen un i phub, krom dran o kheer Israel un dran o kheer Juda i natsjona. Un jon kran tchilatcho koowa un choiran man, har chatchran le viechen o debleske Baal. Doleske dau len trad, te well bari bibacht pral lende.

Jeremia 5:10

Nashenn pre, kai lengre drakengre ruka tardo hi, un krenn len paash! Ma tserdenn i tsele burra win! Mukenn tchomone tardo! Tserdenn i kashta i drakentsa win, kolla hi gar mange.

Ropaskre gilja 4:1

Har was o sonakai jaake kalo, un o latcho sonakai jaake djungelo! Har nai wan i kutch barra trujel tchiddo ap i dromma!

Ezekiel 15:2

Tu, mensho, pen mange: Hi o kasht i drakengro rukestar feteder har o wawar kasht dran o weesh?

Mateo 21:33

Un o Jesus penas lenge laba, kai i khatedo tchatchepen dren hi: “Shunenn, hoi me tumenge kanna penau. His i rai. Koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas o rai ko kotar them ap i hachende, te budrenn le kote leske. Un job djas peske an i wawar them.

Markus 12:1

Un o Jesus penas lenge laba, kai i khatedo tchatchepen dren hi. Un job penas: His i mursh, koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas lo ko kotar phub ap i hachende, te budrenn le kote leske. Un job djas peske an i wawar them.

Louka 20:9

Un o Jesus penas i menshenge laba, kai i khatedo tchatchepen dren hi, un penas: “His i mursh. Koles his i kotar them. Kote tchiwas lo drakengre ruka an i phub, un patsas kau them ap i hachende, te budrenn le kote leske. Un job djas peske an i wawar them i rah tsireske.

Johanni 15:1

“Me hom ko tchatcho drakengro ruk. Un miro dad hi ko hacho, kai budrell an koi baar, kai i drakengre ruka tardo hi.

5. Mose 32:32

Jon molenn gar budeder har i menshe dran Sodom un Gomorra, un hi har drakengre ruka, hoi hidjrenn djungele drake, kolendar jek nasselo well.

5. Mose 4:37

Job kamas tumare phuren o tselo djijestar, un rodas lengre tchawen win un kolengre tchawen, un halauter kai lendar wenna. Un job djas tumentsa, har anas lo tumen win dran o them Egiptia peskri bari sorjah,

Josua 24:31

Un i Israelitarja mangan o baro Debles an, jaake rah har o Josua djiwas, un jaake rah, har pal leste kol phureder djiwan, kai ko tselo koowa dikan, hoi o baro Dewel i Israelenge kras.