Jeremia 2:15 - O Debleskro Drom 2021 (Sinte)

¹⁵ O lewo dell gole pral leste, dell sorelo gole un krell leskro them paash. Un leskre forja wenn pre chatchedo jaake, kai nai djiwenn kek koi dren.

O Debleskro Lab 2024 (Sinte-Manouche)

¹⁵ O levo dell gole pral leste, dell zorelo gole oun krell leskro them paash. Oun leskre forya venn pre rhačedo yaake, kay nay djivenn kek koy dren.

Jeremia 2:15 ပူးပေါင်းရင်းမြစ်များ

Hiob 4:10

Jon nai denn bari gole har i lewe, o Dewel phagell lenge i danda win.

Debleskri gili 57:4

Dran o bolepen mu well lo mange ap i rig, un lell man win dran o praassepen kolestar, kai man palla lell. O Dewel mu sikrell man, te hi lo mange latcho, un te rikrell lo pash mande.

Jesaja 1:7

Tumaro them hi i mulo them, tumare forja wan tele chatchedo. Glan tumare jaka chan i wi-themarja kowa, hoi ap tumari phub bares was. Lauter hi mulo un paash, har te perans i diwje koi pral.

Jesaja 24:1

I diwes wella, kai lell o baro Dewel o djipen i phubjatar krik. Un i phub well i mulo them. Un kowa, hoi ap late tardo hi, witsrell lo trujel. Un i menshe wenn kate te kote tradedo:

Jesaja 5:29

Lengri gole hi har koja, hoi i lewo dell, awa, jaake har dell i terno lewo gole, hoi well dur dran leskri meen. Un palle stell lo pre un taprell ko vieches, hoi lo chapaske kamell, un hidjrell les kote, kai kek nai lell les leske krik.

Jesaja 5:9

O baro Dewel, ko rai pral o bolepen un i phub, das pes sowel un penas glan mire kanda: Kol bud khera wenn paash dino, un kek djiwell buder an kol bare shukar khera!

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jeremia 10:22

Shunenn, hoi gole dino well! Bari gole – har kurepangre wurdjendar – well dran ko them, hoi kote tchiddo hi, kai norden hi. Lurde wenna un krenn i forja an Juda jaake paash, te well o them i mulo them, kai djiwenn i diwje djukle dren.

Jeremia 25:30

Tu Jeremia, hunte peness lenge kal tsele laba, hoi penom. Pen lenge ninna: O baro Dewel dell gole dran o bolepen, un mukell peskri soreli gole te shunell dran peskro bolepaskro kheer. Job dell bares gole har i lewo, un well shunlo an peskro tselo them; Job dell gole har ko mursh, kai stakrell ap peskre drake, te well i mool win. Leskri gole well shunlo ap i tseli phub.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 26:9

Hoske peneh tu glan-wi an o baro Debleskro lab: Kau khereske djal har koleske an Shilo? Hoske peneh, kai kau foro well jaake paash dino, te djiwell buder kek koi dren?” Un i tsele menshe wan trul leste an o baro Debleskro kheer.

Jeremia 33:10

Kowa penell o baro Dewel: Tumer penan: ‘Kau them hi i mulo them, kek menshe un kek vieche djiwenn kote.’ Djinenn, kal forja an o them Juda un i dromma o forestar Jerusalem, kai kanna jaake paash dino hi, te hi kote buder kek mensho un kek viecho dren,

Jeremia 34:22

Awa, me kharau len pale kai, un anau len pale glan kau foro, penell o baro Dewel. Jon wenn trul kau foro tardo, un lenn kau fores penge dren, un chatchrenn les tele. Un kol forja an o them Juda mukau jaake khetne te dell, te wenn le har i mulo them, kai nai djiwell buder kek dren.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jeremia 44:22

un job nai dikas buder gar, har djan ap tumaro tchilatcho drom un kran sawo djungelo koowa! Doleske was tumaro them i mulo them. I menshe, kai shunenn kolestar, denn i wasta pral o shero khetne. Un te kamenn le jekes te praassell, penenn le: Mu djal tuke har o themeske Juda! Kek mensho djiwell buder koi. Jaake hi kowa kau diwes!

Jeremia 5:6

Doleske wenna lewe dran o weesh un marenn len; diwje djukle dran o diwjo un truk them dandrenn len an kotja, un bare diwje margodje lurenn glan lengre forja. Hakeno, koon win wella, wella an kotja dandedo. Lengri doosh hi bud un phari. Bud kope djan le mandar krik.

Jeremia 50:17

O Israel his har i nashedo bakro, hoi lan i lewe palla. Ko ersto his o baro rai dran o them Assur, kowa chas les. Pal leste was o baro rai pral o them Babilonia, o Nebukadnezar. Kowa dandras ko mass tele, hoi ap leskre kokale atchas.

Jeremia 51:38

Kanna denn le khetne gole har i lewe, un sikrenn i danda har i terne lewe.

Jeremia 6:8

Jerusalem, muk tut trad te dell! Te shuneh tu gar, krau me miro dji tuke pandlo. Un dran tute krau i nango them, kai kek nai djiwell buder.

Jeremia 9:10

O baro Dewel penell: Me kamau Jerusalem tele te phagell, jaake te atchenn kokres barra pral, un kai diwje djukle dren djiwenna. Un dran kol forja an Juda krau i mulo them, kai nai djiwell kek buder dren.

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

Ezekiel 36:3

Doleske pen ap i berge, hoi wella! Pen: Kawa penell o baro Dewel, maro rai: Hi tchatcho, jon kran, te wan tumer i mulo them. Haki rigjatar wan le un stakran o them khetne. Un menshe dran i themma trul tumende wan un lan tumaro them penge. Un i menshe rakrenn djungeles pral tumende.

Ezekiel 5:14

Tutar, Jerusalem, krau i mulo foro. Tchi har barra atchenn tutar pral. I menshe an i wawar themma trul tute trujel, san pral tute – hakeno kai djal koi un dikell tut.

Hosea 11:10

Palle djan le o baro Debleske palla, un job dell gole har i lewo, awa, job dell gole har i lewo, un leskre tchawe wenn trisslepah pash leste fun kotar, kai o kham tele djal.

Hosea 5:14

Me hom o themeske Efrajim har i lewo, un o khereske Juda har i terno lewo. Me dandrau len an kotja, un djau mange. Me hidjrau len krik, un kek nai lell len dran miro wast win.

Amos 3:12

Kowa penell o baro Dewel: I bakro, kai an o leweskro mui hi, kolestar nai tserdell o bakrengro gar budeder win har dui herja oder i kotar kand. Jaake djal i Israelenge, kai hi kanna beshdo an Samaria ap shukar beshepangre un ap pernitse dran phar. Lendar atchell gar bud pral.

Amos 3:4

Dell i lewo gole an o weesh, te hatsas lo kek chapen? Na-a! Dell i terno lewo gole an leskro khatepen, te tapras lo tchi? Na-a!

Amos 3:8

O lewo dell gole – kones hi kek daar? O baro Dewel, maro rai, rakrell, koon nai rikrell man pale, te penap leskre laba dureder?

Nahum 2:11

Khetne stakedo un wi-tchoredo well o foro. Halauteren hi darene djia, lengre herja trissenn i darjatar. Jon djan bango i dukatar, lenge muja hi parno.

Zefanja 1:18

Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

Zefanja 2:5

Djungeles djal kolenge, kai pash o baro pani djiwenn, kol menshenge, kai kharenna Kretarja! O baro Dewel mukell tumenge te penell: Tu them Kanaan, them, kai djiwenn i Filistarja, me kamau tut te marell. Kek tumendar, kai kote djiwell, atchell djido.

Zefanja 3:6

O baro Dewel penell: Me krom, te hi tsele natsjone buder gar koi. Lengre forja hi paash. Lengre sorele khera hi tele phagedo, Kek menshe djiwenn buder koi. Ap i dromma djal buder kek mensho. Halauter hi krik.

Zakarie 11:3

I pralstune pral i themma denn gole i dukatar, lengro railepen hi buder gar. Shunenn i gole i lewendar! O weesh, kai le khere his, pash o pani Jordan, hi khetne stakedo.

Čačepangre 14:5

Un o Simson djas peskro dadeha un peskri dai tele an o foro Timna. Un har wan le pash i drakengre ruka glan o foro Timna, stas i terno lewo bari goljah ap leste.