Jeremia 2:10 - O Debleskro Drom 2021 (Sinte)

¹⁰ Djan pral o baro pani pash i panjeskre themma, kai kol Kitarja djiwenn, un dikenn tumen trujel! Bitchrenn murshen an o them Kedar un lenn i menshen kote ninna an o jak! Krenn jon sawo koowa har tumer kran?

O Debleskro Lab 2024 (Sinte-Manouche)

¹⁰ Djan pral o baro pani pash i panyeskre themma, kay kol Kitarya djivenn, oun dikenn t'men trouyel! Bičrenn morshen an o them Kedar oun lenn i menshen kote ninna an o yak! Krenn yon savo koova har t'mer kran?

Jeremia 2:10 ပူးပေါင်းရင်းမြစ်များ

1. Mose 25:13

Un kolla hi i laba o Ismaeleskre tchawendar jaake har jon boldo wan: O phureder his o Nebajot. Palle was o Kedar, o Adbeel, o Mibsam,

1. Rajengro liil 9:9

Palle well lenge penlo: ‘Jon mukan pengro baro Debles, koles kai lengre phuren dran o them Egiptia win anas. Jon rikran pen ap o wawar debla. Glan lende djan le ap pengre tchanga un mangan len an. Doleske anas o baro Dewel kai tseli bibacht pral lende.’

1. Familjakro liil 1:7

O Jawan: leskre tchawe his: o Elisha, o Tarsis, i Kitarja un i Rodanarja.

1. Familjakro liil 23:1

O Davides his i lengsto djipen, un his phuro, har kras lo peskro tchawes, o Salomo, o rai pral Israel.

1. Familjakro liil 23:12

O Kohat, les his star tchawe: o Amram, o Jizhar, o Hebron, un o Usijel.

Debleskri gili 120:5

Hawi bibacht hi mange, te hunte djiwap mank i wi-themarja, pash i menshende, kai prindjrenn gar miro Debles.

Jesaja 21:16

Jaake rakras o baro Dewel, maro rai, ap mande: An jek bersh – kek diwes sikeder un kek diwes palla – well o tselo railepen dran o them Kedar krik lino.

Jesaja 23:1

Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

Jesaja 23:12

Un job penas ap i menshende an Sidon: Tumenge djal har i terni tchake, hoi sorjah an-tapedo was. Tumer giwenn un stenn buder gar i bachtjatar. Ninna te krenn tumen ap o drom un djan an o them Kittim, well tumen kote kek bacht.

Jeremia 49:28

Laba pral i menshende an Kedar un pral o them Hazor, hoi o Nebukadnezar, ko rai pral o them Babilonia, peskre lurdentsa dren las. Kawa penell o baro Dewel ap i Babilonarja: Djan an o kurepen i menshentsa an Kedar! Un marenn kolen, kai djiwenn kote, kai o kham pre djal!

Ezekiel 16:16

Un tu lal tire raile ripjendar, un tchiwal len kote ap i phub, kai i chochene debla an-mangedo wan. Un jaake har i lubni dal tut hakeneske, kai kamas. Sawo koowa das an kek tsiro, un well buder gar.

Ezekiel 27:21

I menshe dran Arabia un i raja dran o them Kedar paran tuha un dan tut bakre un busja.

Ezekiel 27:6

Tire lengste tchinle kashta his dran zipresstikro kasht, hoi dran o them Kittim lino was. Dren tchiddo an kol kashta his elefantikro dand. Dran o them Bashan was eichtikro kasht. Kolestar tchinan le kol kashta, kolentsa o shiffo tserdedo well.

Ezekiel 5:7

Doleske penau me, o baro Dewel, lengro rai, ap lende: Tumer hans tchilatcheder har i menshe an i themma trul tumende, un djiwan gar jaake har tumendar kamom, un rikran gar mire tchatchepaskre laba dren. Awa, tumer han jaake tchilatcho, te rikran tumen witar gar ap o tchatchepen kol wawar menshendar, kai trul tumende djiwenn.

Daniel 11:18

Palle djal lo pash i panjeskre themma, un lell lendar bud dren. Un i pralstuno dran i wawar them tchiwell pes leske an o drom un krell, te hunte rikrell lo peskro baro mui. Un leskro pre-phurdepen well ap leste pale.

Daniel 11:30

Kotar, kai o panjeskro them Kittim hi, wenna shiffe un djan jaake khatar leste, te taprell les i daar. Un job djal pale. Palle well lo chojedo ap o Debleskre menshende un lengro patsepen un krell lenge tchilatchepen, un tchiwell pes kolentsa khetne, kai o Debleskro drom mukan.

4. Mose 24:24

Un shiffe wenna dran o them Kittim un anenn lurden, kai perenn an i themma Assur un Eber. Pal halauter djal ninna Kittim paash.”

1. Korintarja 5:1

Me shunom, te hi pash tumende i mursh, kai peskri dadeskri romjah sowella. Sawo tchilatcho koowa shunom me gomme gar pash kolende, kai gar patslo hi.

Čačepangre 19:30

Un hakeno, kai kowa dikas, penas: “Sawo koowa har kawa was gomme gar kerdo jaake rah har o Israel dran Egiptia djas bis kanna. Kanna mukenn kowa an tumare sherja trujel te djal, rakrenn khetne, un penenn, hoi kanna kerdo hunte well!”