Jeremia 19:9 - O Debleskro Drom 2021 (Sinte)

⁹ Kol lurde, kai kamenn len te marell, tchiwenn pen trul o foro un pandenn les dren. Koi well sawo tchilatcho tsiro, kai kol menshe an ko foro jek i wawares pre chan, ninna pengre tchawen chan jon pre.

O Debleskro Lab 2024 (Sinte-Manouche)

⁹ Kol lourde, kay kamenn len te marell, čivenn pen troul o foro oun pandenn les dren. Koy vell savo čilačo tsiro, kay kol menshe an ko foro yek i vavares pre rhan, ninna pengre čaven rhan yon pre.

Jeremia 19:9 ပူးပေါင်းရင်းမြစ်များ

2. Rajengro liil 25:3

Ap o enjato diwes an o starto tchon was i bok bares an o foro, un i menshen his buder tchi te chal.

Jesaja 9:20

I menshe dran o kheer Manasse perenn ap kolende dran o kheer Efrajim, un kolla dran Efrajim ap kolende dran Manasse. Un kol dui khetne djan ap i menshende dran Juda. Un pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Jeremia 13:14

Jaake har kol khore phagenn, te wenn le khetne dino, jaake krau, te phagell jek ap o wawareste, ninna i dada ap lengre tchawende. Jon khaitenn man gar, un i dji hi man witar gar lenge, un rikrau man gar pale, te marap len lauter. Kowa penell o baro Dewel.

Jeremia 38:9

Miro baro rai, kowa hoi kal mursha ko mursheha Jeremia kran, hi i baro tchilatcho koowa. Jon witsran o Debleskro rakepaskres an koi brunna. Kote hunte merell lo i bokatar. Kate an i foro hi buder kek maro.

Ropaskre gilja 2:20

Baro Dewel, muk tire jaka ap mende te dikell! Dik, koneha jaake trujel djal! Hunte chan i djuwja pengre tchawe, kolen jon ap i mussja hidjrenn? Hunte wenn i rashaja un tire rakepangre an tiro kheer mulo dino?

Ropaskre gilja 4:10

I bibacht, hoi was ap mire menshende, was jaake baro, te keran i djuwja pengre tchawen, – kol djuwja, kolengro dji pherdo kamlepen his – te nai was len tchomone te chal.

Ezekiel 5:10

I tsiro well, kai chan dada pengre tchawen mashkral an Jerusalem, un tchawe chan pengre daden. Jaake pharo well miri phagi, hoi dau tumende. Un halauter, kai tumendar pral atchenn, wenn win tradedo ap hake rigja.

3. Mose 26:29

I bokatar chan tumer o mass tumare tchawendar un tchendar.