Jeremia 18:23 - O Debleskro Drom 2021 (Sinte)

²³ Tu baro Dewel, djineh, hoi len mantsa glan hi, kai kamenn le man mulo te dell. Ma biste lenge lengro tchilatchepen! Ma le lengri doosh lendar krik! Muk len glan tute khetne te phagell, te well tiri choli pral lende!

O Debleskro Lab 2024 (Sinte-Manouche)

²³ Tou baro Devel, djineh, hoy len mantsa glan hi, kay kamenn le man moulo te dell. Ma biste lenge lengro čilačepen! Ma le lengri doosh lendar krik! Mouk len glan toute khetne te phagell, te vell tiri rholi pral lende!

Jeremia 18:23 ပူးပေါင်းရင်းမြစ်များ

Debleskri gili 119:126

Kanna hi o tsiro, kai o baro Dewel hunte krell tchomone. Jon peran tiro dromestar tele.

Debleskri gili 35:4

Mu well ladj un praassepen ap kolende, kai kamenn miro merepen! Mu wenn le pale-tchiddo un ladjenn pen, kolla, kai rodenn miri bibacht!

Debleskri gili 56:8

Miro Dewel, kameh len kek phagi te dell lengro tchilatchepaske? De kal menshen an tiri choli khetne!

Debleskri gili 59:5

Ninna te krom me kek tchilatchepen, nashenn le kai, te denn le man mulo. Ste pre! Ab un dik les tuke kokres an!

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Jesaja 2:9

Doleske well hakeno tiknes kerdo, un hakeno hunte ladjell pes. Ma biste koi doosh, hoi le ap pende anan!

Jeremia 11:23

An ko bersh, kai dau i menshende an Anatot i phagi, un anau i bibacht pral lende, atchell kek lendar djido.

Jeremia 15:15

Baro Dewel, tu djineh halauter! Ma biste man, un ab ap miri rig! De kolen lengro tchilatchepen pale, kai man palla lenna! Rike tiri choli ap lende gar jaake rah pale, te wap gar maredo! Tu djineh, me hom tuke koi. Doleske tchingrenn le ap mande.

Jeremia 17:18

Muk ladj pral kolende te well, kai man palla lenn, un gar pral mande! Jon hunte trashenn pen, un gar me! Muk ko diwes te well, kai well koi bibacht ap lende! Un phage len an kotja!

Jeremia 17:4

Un tumer hunte djan dran kau them, hoi dom tumen hako tsireske. Un me krau, te wenn tumer budepangre kolenge, kai rikrenn tumen tele an i them, kai prindjrenn gar. Miri choli hi har i jag, hoi gar buder win djala.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 26:11

Un i rashaja un i chochene rakepangre penan ap i pralstunende un i wawar menshende, kai hi koi: “Kau mursh hunte merell; job rakras djungeles pral kau foro, har shunan tumer tumare kandentsa.”

Jeremia 37:15

I pralstune wan chojedo ap o Jeremia, un mukan les dawa te dell, un witsran les an o stilepen an o kheer o murshestar Jonatan. Kowa his i mursh, kai haiwas lila te tchinell; dran koleskro kheer kran le i stilepen.

Jeremia 38:4

Kote rakran kol pralstune o baro rajeha un penan: Muk kau murshes, o Jeremia te marell; jaake har job rakrella, lell lo i soor kol lurdendar krik, kai kate pash mende pral atchan an kau foro. Un jaake djal ninna i tsele menshenge an kau foro. Kau mursh rodell gar, hoi i menshenge mishto hi. Na-a, job anell len an i bibacht.

Jeremia 6:15

Jon hunte ladjans pen ko djungelo koweha, hoi jon kran. Kowa krenn le gar. Jon ladjenn gar. Jon djinenn gar, hoi ladj hi. Doleske wenn jon maredo khetne kol wawarentsa. Te wau me, un dau len i phagi, atchell kek lendar djido, penell o baro Dewel.

Jeremia 6:21

Doleske penell o baro Dewel: Me kamau kal menshenge bud barra an o drom te tchiwell, te perenn i mursha un lengre tchawe koi pral. Un ninna kolla, kai djiwenn pash lende, un lengre mala wenn maredo.

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Jeremia 8:12

Jon hunte ladjans koleske hoi jon kran, koweha man choiran. Kowa krenn le gar. Jon ladjenn gar. Hoi ladj hi, djinenn le gar. Doleske wenn jon maredo khetne kol wawarentsa. Te wau me, un dau len i phagi, hunte perenn le, penell o baro Dewel.

Ropaskre gilja 3:60

Tu dikeh, har jon kamenn man tchilatchepen pale te dell, un tu prindjreh, hoi an lengro shero trujel djala, un hoi kamenn le mantsa te krell.

Ropaskre gilja 3:61

Baro Dewel, tu shuneh lengro praassepen, un halauter, hoi le khetne rakrenna, te krenn le mantsa.

Louka 21:22

An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi.

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.