Jeremia 18:21 - O Debleskro Drom 2021 (Sinte)

²¹ Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

O Debleskro Lab 2024 (Sinte-Manouche)

²¹ Kanna mouk lengre čaven merell i bokatar, oun mouk len moulo dino te vell o rhareha, te ačenn lengre djouvyenge kek čave oun romma, te venn lengre morsha tapedo o merepastar, oun lengre terne morsha an o kourepen maredo.

Jeremia 18:21 ပူးပေါင်းရင်းမြစ်များ

2. Familjakro liil 36:17

Un o baro Dewel mukas o baro rajes Nebukadnezar dran o them Babilonia pral lende te well. Leskre lurde maran i terne murshen o chareha, ninna an o Debleskro kheer. O baro rajes dran Babilonia khaitas kek, gar i terne mursha, witar gar i terne tcha, gar i phure, ninna te his le nasselo. Halauteren das o baro Dewel an leskro wast.

Debleskri gili 63:10

Kolla, kai kamenn man mulo te dell, mu merenn le, un djan tele an o mulengro them!

Debleskri gili 63:11

Mu dell len o charo mulo, un i diwje djukle te chan len!

2. Mose 22:24

Te patseh lowe i tchorweleske mire menshendar, palle kre tut ap leste gar braweles! Un le lestar gar budeder pale, har les dal.

Jesaja 13:18

I terne murshen denn le karje mulo pengre bogentsa. Un len hi kek dji i tikne tchawenge; i tchawe khaitenn len gar.

Jesaja 9:16

Doleske nai well o Dewel gar bachtelo pral lengre terne murshende, un les nai hi kek dji kol tchawenge, kolen kek dad buder hi, ninna kol djuwjenge, kolengre romma meran. Jon halauter peran o Debleskro dromestar tele, kran tchilatcho koowa, un rakrenn pen dinlepen khetne. Pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Jesaja 9:17

O menshengro tchilatchepen hi har i jag, hoi chal trul peste, un chatchrell subjengre burra un subjengro senlepen, un ninna o tselo weesh. Un pesso kalo jagakro ducho djal kote pre.

Jeremia 12:3

Baro Dewel, tu dikeh un prindjreh man, un djineh, kai miro dji hako tsiro pash tute his. Kol wawaren tserde krik har bakre krik tserdedo wenn, te wenn jon maredo! Un tchip len ap i rig, te wenn jon mulo dino!

Jeremia 14:16

Jaake djal ninna kol menshenge, kai shunenn ap lende. Jon hi mulo tchiddo ap i dromma an Jerusalem. I bok un o charo maras len. Un kek paskrell len, lengre romjen un lengre tchawen. Me anau tchilatchepen pral lende, jaake har jon tchilatchepen kran.

Jeremia 15:7

An hako foro an o them Juda krom me i menshentsa jaake har jek, kai witsrell o djob pral, te perell o phuss win. Jaake tradom len kate te kote. Un mire menshe mukan gar pengre tchilatche dromma. Koi marom lengre tchawen, un mukom len tele te djal.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jeremia 50:30

Leskre terne mursha wenn maredo ap leskre dromma. Ap ko diwes nashrenn leskre tsele kurepangre pengro djipen, penell o baro Dewel.

Jeremia 9:21

O baro Dewel penell: Kol mule menshe atchenn tchiddo har ful ap i hachetikri phub, har o djob, hoi tchinlo was, un tchiddo atchas pal o tchinepaskro, un kek las les khetne.

Ropaskre gilja 1:15

O baro Dewel stakras mire sorele kurepangren khetne, kai pash mande his; Job mukas i marepaskro chapen win te kharell, te nai wenn mare terne mursha maredo. Jaake har drake khetne stakedo wenn, te well i mool win, stakras lo i menshen dran Juda khetne.

Ropaskre gilja 5:3

Muklo ham, mare dada hi buder gar koi. Mare daja hi har djuwja, kolengro rom meras.

Ezekiel 16:38

Un me dau tut sawi phagi, har kol djuwja lenna, kai chochran pengro romes un maran i menshes. Un me mukau miri soreli choli pral tute te well.

Ezekiel 22:25

Tire raja hi mank tute har lewe, kai denn gole, har dandrenn le viechen khetne. Jon marenn menshen, tchorenn penge brawlepen khetne, un krenn, te nashrenn bud romja an o them pengre romen.

Amos 4:10

Me bitchrom sawo pharo nasslepen ap tumende, har bitchrom ap o them Egiptia. Me marom tumare terne murshen an o kurepen, un mukom tumare grajen pandles krik te anell. O khand kol mule lurdendar ap lengri platsa mukom an tumare naka te djal. Ninna palle wan tumer gar pale pash mande, penell o baro Dewel.

5. Mose 32:25

Ap i dromma marell len o charo, un an i khera i traash. Hakenes taprell o merepen: o terno murshes un i terni tchat, o ternepen un kolen parne ballentsa.

2. Timoteo 4:14

O Alexandro, kowa, kai budrell i sasteha, kras mange bud tchilatchepen. O rai Jesus rakrell i phagi pral leste win pal kowa, hoi job kras.

1. Samuel 15:33

O Samuel penas: “Har tiro charo i djuwjenge lengre tchawen maras, jaake well kowa, te hi tiri dat gomme kek tchawo buder.” Un o Samuel das o Agag an kotja, glan o baro Debleste an o foro Gilgal.