Jeremia 18:20 - O Debleskro Drom 2021 (Sinte)

²⁰ Jon lurenn koi pre, te taprenn le man. Hi kowa mishto, te krenn le mange tchilatchepen, ninna te krom lenge latchepen? Ma biste, har me glan tute tardo homs, te rakrap lenge mishto, te less tiri choli lendar krik!

O Debleskro Lab 2024 (Sinte-Manouche)

²⁰ Yon lourenn koy pre, te taprenn le man. Hi kova mishto, te krenn le mange čilačepen, ninna te krom lenge lačepen? Ma biste, har me glan toute tardo homs, te rakrap lenge mishto, te less tiri rholi lendar krik!

Jeremia 18:20 ပူးပေါင်းရင်းမြစ်များ

Hiob 6:27

Tumer han sawe, kai khelans trul i tchaweste, koles kek dad buder hi, un bikrans tumaro males lowenge.

Debleskri gili 106:23

Doleske kamas lo len mulo te dell, te wals kote gar o Mose, koles job peske wi-rodas. Kowa stas pre, te rikrell lo o Debles leskri choljatar tele, jaake te dell lo len gar mulo.

Debleskri gili 119:95

I tchilatche lenn man an i jak, te denn le man mulo. Me dau jak ap tire laba, hoi menge sikrenn, har te djiwas mer.

Debleskri gili 35:12

Me homs ap lende latches. Jon denn man tchilatchepen pale, un krenn, te wap kokres.

Debleskri gili 35:7

Jon tchiwan mange i netsa win, te perap dren, ninna te krom me lenge tchi. Tchitcheske hadan le mange i cheb win, te perap dren.

Debleskri gili 38:20

Kolla, kai mange tchilatchepen kamenna, hi soreles un hi bud. Bud choirenn pen ap mande, ninna te krom len tchi.

Debleskri gili 57:6

Sike tiro barepen, hoi bareder hi har o bolepen, miro Dewel! Tiro railepen mu well pral i tseli phub!

Debleskri gili 7:15

Les hi tchilatchepen an o shero, un midjak koowa an o dji. Un dran leste well chochepen.

Gosewe laba 17:13

Koleske latchepen kerdo was, un job tchilatchepen pale das, dran koleskro kheer djal i bibacht buder gar krik.

Gosewe laba 26:27

Kowa, kai i wawareske i gruba win hadas, kowa perell kokres dren. Un jek, kai witsrell i bar, ap koleste perell lo pale tele.

Sikepaskro 10:8

Koon i cheb win hadella, nai perell koi dren. Un koon i massuri khetne phagella, koles nai dandrell i sap.

Jeremia 11:14

Tu Jeremia, mangess gar kal menshenge, un rowess gar kolenge glan mande! Te denn jon gole pal mande an koi pharo tsiro, kamau me len gar te shunell.

Jeremia 14:20

Baro Dewel, mer dikah dren, kai djiwam gar tuha, un mare phure tchilatchepen kran. Mer lam doosh ap mende glan tute.

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Jeremia 17:18

Muk ladj pral kolende te well, kai man palla lenn, un gar pral mande! Jon hunte trashenn pen, un gar me! Muk ko diwes te well, kai well koi bibacht ap lende! Un phage len an kotja!

Jeremia 18:19

Baro Dewel, de garda ap mande, un shun, hoi kolla rakrenna, kai ap mande tchingrenna!

Jeremia 18:22

Bitche lurden, kai wenn ap jek kopo pral lende un lengre khera, te denn le gole i trashatar! Jon lurenn koi pre te taprenn le man, un tchiwan dorja, te taprenn mire herja koi dren.

Jeremia 27:18

Te hi le tchatchepah Debleskre rakepangre, kolengre laba o baro Deblestar wenna, palle hunte mangenn le lestar, ko rajestar pral o bolepen un i phub, te mukell lo gar ko kutch koowa, hoi gomme kate hi, an o them Babilonia te anell – ko kutch koowa, hoi hi kanna an leskro kheer, un an o kheer o baro rajestar pral o them Juda, un an o foro Jerusalem.

Jeremia 5:26

O baro Dewel penella: Mashkral mire menshende hi tchilatche menshe, kai lurenn ap wawarende, te taprenn le len, har kolla, kai tapenn i tchirklen dren,

Jeremia 7:16

Tu, Jeremia, mangess gar un rowess gar glan mande kal menshenge, witar gar peness mange, hoi len ap o dji hi, un hoi len hunte well, un stakress lenge pash mande witar gar dren. Me kamau tumen gar an-shunell.

Ropaskre gilja 3:59

Baro Dewel, tu dikeh, har mange tchilatchepen kerdo wella! De tu mange miro tchatchepen!

Johanni 10:32

O Jesus penas lenge: “Me krom bud latcho koowa. Miro dad penas mange, te krap kowa. Hoi hi ko latcho koowa, koleske kamenn man mulo te dell?”

Johanni 15:25

Jaake was kowa tchatcho, hoi an o Debleskro lab tchinlo hi: Jon hi tchilatcho ap mande, ninna te krom kek tchilatchepen ap lende.

1. Samuel 19:4

Un o Jonatan rakras peskro dadeha un rakras latches pral o Davideste un penas: “Miro baro rai, an kek doosh ap tute un kre o Davideske tchi! Job hi tiro budepaskro un kras tuke kek tchilatchepen. Un lauter, hoi job kras, his tuke mishto.