Jeremia 17:5 - O Debleskro Drom 2021 (Sinte)

⁵ O baro Dewel penell: Praassedo well ko mursh, kai mukell man, o baro Debles, un rikrell pes ap i menshende, un putchell lendar, te wenn le ap leskri rig.

O Debleskro Lab 2024 (Sinte-Manouche)

⁵ O baro Devel penell: Praasedo vell ko morsh, kay moukell man, o baro Debles, oun rikrell pes ap i menshende, oun poučell lendar, te venn le ap leskri rig.

Jeremia 17:5 ပူးပေါင်းရင်းမြစ်များ

2. Familjakro liil 16:12

Har lo an o 39. (trijanda-te-enjato) bersh o baro rai pral Juda his, wan leskre pire nasselo. Ninna te was leskro nasslepen djungleder un djungleder, rodas lo gar o baro Debles. Job djas pash i dramangre.

2. Familjakro liil 32:8

O baro rai dran Assur rikrell pes ap i menshengri soor. Pash mende hi o baro Dewel, kai maro Dewel hi. Job well menge ap i rig un kurell pes menge.” Un i menshe rikran pen ap kol laba, hoi lengro baro rai, o Hiskija, lenge penas.

Debleskri gili 18:21

O baro Dewel djinas, te homs an o tchatchepen tardo. Doleske kras lo mange latchepen. Kek doosh his ap mande. Doleske his lo mange latcho.

Debleskri gili 62:9

Dikenn ap leste hako tsiro, tumer, leskre menshe! Tchorenn tumare djia win glan leste! Pash o Debleste nai khatrah men.

Jesaja 2:22

Mukenn tele i menshendar! Lengro djipen hi jaake tikno har i ducho. Hoi hi le moldo?

Jesaja 20:5

Palle lenn kolla bari daar un traash, kai patsan, te wenn i lurde dran Etiopia lenge ap i rig, un kai sharan pen, te denn i Egiptarja jak ap lende.

Jesaja 36:6

Patseh, te well o them Egiptia tuke ap i rig? Kowa wals, har te lals tu i shilftikro khass an o wast, te rikress tut soreles ap leste. Ko shilftikro khass phagals un dals tut an o wast tchurje. Jaake hi o Farao, ko rai pral o them Egiptia, lauterenge, kai leske patsenna.

Jesaja 59:15

Jaake meras o tchatchepen, un ko mensho, kai kamell tchi o tchilatchepastar te djinell, well win randedo. O baro Dewel dikas kowa lauter, un leske his djungeles, te dell kek tchatchepen buder.

Jeremia 11:3

Pen lenge: O baro Dewel, kai hi o Israeleskro Dewel, penell: Bibacht well pral hakeneste tumendar, kai rikrell gar kol laba, hoi me tumentsa win krom.

Ezekiel 6:9

Kote, kai le pandle hi, wau me lenge an o shero. Un jon dikenn dren, te dom len i phagi koleske, hoi jon kran: Jon phagan mantsa un nashan chochene deblen palla. Palle rissrell lenge halauter an pende pral ko tselo djungelo koowa, hoi jon kran.

Hosea 1:2

Har rakras o baro Dewel o ersto kopo ap o Hosea, te penell job leskre laba i menshenge, penas lo ap leste: Rode tuke i lubni un romedine lat! Tut hunte well tchawe, kai i lubjatar ap i phub anlo wenn. Jaake sikreh: I menshe an kau them hi har i lubni: Jon mukan man un nashenn wawar deblenge palla.