Jeremia 17:25 - O Debleskro Drom 2021 (Sinte)

²⁵ palle nai djan ninna bare raja dran o Davideskri familja dren an kau foreskre wudja, kai beshenn ap graja un wurdja, jon un wawar pralstune, un lauter, kai an Juda un Jerusalem djiwenna. Un an kau foro djiwenn hako tsiro menshe.

O Debleskro Lab 2024 (Sinte-Manouche)

²⁵ palle nay djan ninna bare raya dran o Davideskri familya dren an kava foreskre voudya, kay beshenn ap graya oun vourdya, yon oun vavar pralstoune, oun lauter, kay an Youda oun Yerusalem djivenna. Oun an kava foro djivenn hako tsiro menshe.

Jeremia 17:25 ပူးပေါင်းရင်းမြစ်များ

2. Samuel 7:16

Hako tsiro hi tut tchawe, kai pal tute wenna, un jek lendar hi baro rai glan mande. Un tiro rajengri beshepaskri atchell hako tsiro.”

2. Samuel 8:4

Un pandas 1.700 (jek-sero-efta-sheel) klissepangre, un 20.000 (biish-serja) lurden, un kras i tsele grajen bango. Kokres sheel lendar mukas lo pral.

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 13:13

Palle pen lenge: Kowa penell o baro Dewel: Me kamau lauteren mato te krell, kai djiwenn an kau them: kol bare rajen, kai ap o Davideskri beshepaskri beshdo hi, i rashajen un o Debleskre rakepangren un i tsele menshen, kai djiwenn an o foro Jerusalem.

Jeremia 22:2

Un pen: Tu baro rai pral Juda, kai hal ap o Davideskri beshepaskri beshdo, shun, hoi penell o baro Dewel tuke un tire pralstunenge un kol menshenge, kai wenn pash tute an tiro railo kheer!

Jeremia 22:30

Kowa penell o baro Dewel: An ko liil, kai o bare rajengre laba dren tchinlo wenna, tchinenn kau mursheskro lab jaake, har te wals job kek tchawentsa, un koleske tchi mishto djas an peskro tselo djipen. Kek leskre tchawendar well baro rai pral o them Juda un beshdo ap o Davideskri beshepaskri.

Jeremia 22:4

Te rikrenn tumen ap kowa, palle djan bare raja dran o Davideskri familja ap graja un wurdja dren an kol bare wudja, an ko railo kheer, jon un lengre pralstune. Un ninna i menshe dran o them nai djan an ko railo kheer dren.

Jeremia 25:5

Job mukas tumenge te penell: “Djan tele, hakeno leskro tchilatcho dromestar! Mukenn tumaro tchilatcho koowa! Te wenn pale ap o tchatcho drom, nai atchenn an ko them, hoi dom me tumende un tumare phurende, kanna un hako tsireske.

Jeremia 33:15

An kol diwessa mukau i baro rai dran o Davideskri familja pre te stell, kai hi an o tchatchepen tardo. Kowa krell hoi mishto un tchatcho hi an o tselo them.

Jeremia 33:17

O baro Dewel penell: Hako tsiro hi jek o Davideskre tchawendar o baro rai pral o them Israel.

Jeremia 33:21

jaake nai lell kek ko lab pale, hoi dom Davideske, kai mange koi his. Leske penom, te hi hako tsiro jek leskre tchawendar o baro rai pral Juda. Witar gar nai lell jek ko lab pale, hoi dom i Levitarenge, kol rashajenge, kai mange budrenn.

Jeremia 7:3

Kowa penell o baro Dewel, ko rai pral o bolepen un i phub, – job hi o Israeleskro Dewel: Mukenn tumaro phuro drom un tumaro phuro djipen, palle mukau tumen an kau them te djiwell.

Jeremia 7:7

Palle kamau me hako tsiro pash tumende djiwell ap kai platsa, an kau them, hoi me tumare phurende dom.

5. Mose 17:16

Tumaro rajes hunte well gar bud graja un hunte bitchrell gar i Israelitarjen pale an o them Egiptia, te ginenn le leske graja. O baro Dewel penas tumenge, te djan tumer kau drom gar buder pale.

Hebrearja 12:22

Kowa lauter dikan tumer gar. Na-a. Tumaro tsillo, kai wenn khetne o Debleha, hi ap i berga Zion an o bolepen. Kote hi o foro o djido Deblestar tardo, o newo foro Jerusalem. Kote hi bud bud serja bolepangre, kai sharenn o Debles.

1. Samuel 8:11

“Kowa hi, hoi tumaro baro rai tumentsa krella”, penas o Samuel: “Tumare mursh tchawen lell lo tumendar, te wenn le leskre lurde, kai beshenn ap leskro wurdin un ap leskre graja, un te nashenn le glan leskro wurdin.