Jeremia 17:18 - O Debleskro Drom 2021 (Sinte)

¹⁸ Muk ladj pral kolende te well, kai man palla lenn, un gar pral mande! Jon hunte trashenn pen, un gar me! Muk ko diwes te well, kai well koi bibacht ap lende! Un phage len an kotja!

O Debleskro Lab 2024 (Sinte-Manouche)

¹⁸ Mouk ladj pral kolende te vell, kay man palla lenn, oun gar pral mande! Yon hounte trashenn pen, oun gar me! Mouk ko dives te vell, kay vell koy bibarht ap lende! Oun phage len an kotya!

Jeremia 17:18 ပူးပေါင်းရင်းမြစ်များ

Hiob 16:14

Jek dap pal i wawar dell lo an mande dren. Har i kurepaskro nashell lo ap mande.

Debleskri gili 35:4

Mu well ladj un praassepen ap kolende, kai kamenn miro merepen! Mu wenn le pale-tchiddo un ladjenn pen, kolla, kai rodenn miri bibacht!

Debleskri gili 35:8

Muk i bibacht pral lende te well jaake sik har i dap! Mu perenn le an koi netsa, hoi jon tchiwan mange. Mu perenn le an koi cheb, hoi jon hadan mange win!

Debleskri gili 40:14

Baro Dewel, dik latches ap mande, un le man win dran o tchilatchepen! Ab sik ap miri rig!

Debleskri gili 70:2

Kre sik, mo Dewel, te wess ap miri rig! Baro Dewel, le man win dran i tchilatche wasta!

Debleskri gili 71:1

Baro Dewel, me rikrau man ap tute. Muk man gar tchitcheske pash tute te well!

Jeremia 1:17

Ab soreles! Un kre tut ap o drom! Un pen lenge halauter, hoi me tuke penau! Ma traash lendar, te krap me gar, te trashess tu glan lende!

Jeremia 11:20

Koi penom: Baro Dewel, tu rai pral o bolepen un i phub, djineh, hoi an o mensheskro dji un shero glan djala. Tu hal i tchatchepaskro, kai djal pal o tchatchepen. An tire wasta dau miro koowa. Muk man dikell, har tu len ko tchilatchepen pale deh, hoi jon kamenn mange te krell.

Jeremia 12:3

Baro Dewel, tu dikeh un prindjreh man, un djineh, kai miro dji hako tsiro pash tute his. Kol wawaren tserde krik har bakre krik tserdedo wenn, te wenn jon maredo! Un tchip len ap i rig, te wenn jon mulo dino!

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Jeremia 16:18

Jon lenn mandar pengri tseli phagi lengri doshake un ko tchilatchepaske, hoi jon kran. Me mukau lenge tchi. Jon kran miro them pengre mule deblentsa pale-tchiddo. Ko them, hoi mange win rodom, hi pherdo ko koweha, hoi djungelo glan mire jaka hi.

Jeremia 17:13

Tu, baro Dewel, hal kowa, ap koleste i Israelitarja dikenn. Pral halauterende, kai mukan tut, well ladj. Un kolla, kai djan tutar krik, kolengre laba wenn bistedo har te wans le tchinlo an i tchik. Jon mukan tut, o baro Debles, kowa, kai hi har i quella, dran kolate djido pani well.

Jeremia 17:16

Tu djineh, me homs lenge har i bakrengro, un krom hoi mange penal. Me kamom gar, te well bibacht pral lende. Lauter, hoi lenge penom, djineh tu.

Jeremia 17:19

O baro Dewel penas ap mande: Dja pash ko baro wudar o forestar, kai djan i bare raja pral Juda dren un win, un ninna pash kol tsele wawar wudja o forestar Jerusalem,

Jeremia 20:11

O baro Dewel hi pash mande un dell ap mande garda har i sorelo mursh. Doleske perenn kolla, kai man palla lenn un hunte tserdenn pen pale. Kowa, hoi len glan hi, nai krenn jon gar. Un wawar san pral lende. Hako tsiro hi kowa lenge i ladj un well lenge gar bistedo.

5. Mose 33:11

Baro Dewel, kre len sorelo! Un dik latches ap kowa, hoi le krenna! De kolen khetne, kai hadenn pen pral lende, un djan choljah ap lende pre! Muk kolen buder gar pre te stell!

Debleskro tsiro 18:6

Krenn ap late jaake, har joi ap tumende kras! Denn lat dui kope jaake bud tchilatchepen pale, har joi ap tumende kras! Denn lat i pipen te pijell, hoi hi dui kope sorleder har kowa, hoi joi das tumende te pijell!