Jeremia 17:12 - O Debleskro Drom 2021 (Sinte)

¹² Maro Debleskro kheer hi har i rajeskri beshepaskri, pherdo o Debleskro railepen, un tardo ap i bari berga, jaake rah har lo koi hi.

O Debleskro Lab 2024 (Sinte-Manouche)

¹² Maro Debleskro kheer hi har i rayeskri beshepaskri, pherdo o Debleskro raylepen, oun tardo ap i bari berga, yaake rah har lo koy hi.

Jeremia 17:12 ပူးပေါင်းရင်းမြစ်များ

Debleskri gili 103:19

O baro Dewel tchiwas peskri raili beshepaskri an o bolepen. Un job hi o rai pral halauter.

Debleskri gili 96:6

Job hi bareder har hako wawar. Shukapen hi trul leste, Leskri soor un leskro railepen wenn diklo an leskro kheer.

Jesaja 6:1

An ko bersh. kai o baro rai Usija meras, kote dikom me o Debles, maro rajes, beshdo ap i bari raili beshepaskri. Un o Debleskro kheer his pherdo ko telstuno kotar leskri plaashka.

Jesaja 66:1

O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

Jeremia 14:21

Bitche men gar tutar krik, te well gar djungeles rakedo pral tute! Muk kek te sal pral Jerusalem, kai tiri raili beshepaskri tardo hi! Ma biste, hoi tu mentsa win kral, un le tire laba gar pale!

Jeremia 3:17

An ko tsiro well o foro Jerusalem kharedo: O baro Debleskri beshepaskri. Un i tsele menshe wenn koi khetne. Un jon djan buder gar pal pengro shero un pengro tchilatcho dji.

Ezekiel 1:26

Pral o bolepen, hoi pral lengre sherja his, his tchomone, hoi win dikas har i rajeskri beshepaskri dran kutch blaueto bar. Un ap koleste his jek beshdo, kowa dikas win dikas har i mensho.

Ezekiel 43:7

Job penas ap mande: Tu, mensho, kate hi koi platsa, kai miri beshepaskri tardo hi un ko banko, ap koleste mire pire tchiwau. Kate djiwau hako tsireske mashkral i Israelitarjen. Un i Israelitarja anenn buder gar ladj ap mande, jon gar un lengre bare raja witar gar. Kowa kran le, har mangan le wawar deblen an, un har paskran le pengre bare rajen gar dur miro kherestar.

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

Hebrearja 4:16

Dran kowa was mer glan maro latcho Debleste. Koles hi i baro dji menge, te dell lo men peskri soor ap ko tsiro, kai hunte las mer leskri soor.

Debleskro tsiro 3:21

Kowa, kai soreles an o patsepen atchas, un gar pre das, kowa nai beshell pes mantsa ap miro rajeskro beshepaskro, jaake har me ninna soreles tardo homs, un me beshom man miro dadeha ap leskro rajeskro beshepaskro.