Jeremia 17:10 - O Debleskro Drom 2021 (Sinte)

¹⁰ Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

O Debleskro Lab 2024 (Sinte-Manouche)

¹⁰ Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Jeremia 17:10 ပူးပေါင်းရင်းမြစ်များ

1. Rajengro liil 8:39

palle shun tu, kai djiweh an o bolepen. Biste leskri doosh un ab ap leskri rig! De hakeneste pal kowa, har job djiwas. Tu prindjreh hakeneskre dromma, un tu kokres dikeh hakeneske an o dji.

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

2. Familjakro liil 6:30

palle shun tu, kai djiweh an o bolepen! Biste leskri doosh un ab ap leskri rig! De hakeneste pal kowa, har job djiwas. Tu prindjreh hakeneskre dromma, un tu kokres dikeh hakeneske an o dji.

Hiob 34:11

Job dell o menshes ap o shero pale, hoi job kras, un jaake, har djiwas lo, well kowa ap leste.

Debleskri gili 44:21

Bistrams mer tut, maro Debles, un mangams i wawar debles an,

Debleskri gili 44:22

palle djinals tu kowa. Tu dikeh, hoi pash hakeneste an o dji khatemen hi, un hoi kek wawar djinell.

Debleskri gili 62:12

Budeder har jek kopo shunom: O Dewel kokres hi sorelo,

Debleskri gili 7:10

Tu hal i Dewel, kai an o tchatchepen tardo hi, un dikeh an hakeneskro dji un shero. Kanna kre, te nai krenn i tchilatche kek tchilatchepen buder! Kre kolen sorelo, kai an o tchatchepen tardo hi!

Debleskri gili 7:9

Baro Dewel, tu hal o baro tchatchepaskro rai pral i menshende dran i tsele themma. De man miro tchatchepen! Tu djineh, me hom tardo an o tchatchepen un kek doosh hi ap mande.

Gosewe laba 12:14

Koon latchepen rakrella, djiwell ninna latches. I mensho lell pale, hoi lo peskre wastentsa krell.

Gosewe laba 17:3

Jaake har o rup an i jag tchiddo well, un o sonakai an i bob, jaake lell o baro Dewel i menshengre djia an o jak.

Sikepaskro 9:3

Kowa hi koi bibacht pash halauter, hoi djal ap kai phub, te djal ko jekeske har ko wawareske djala. Un koi pashel hi o dji o menshendar pherdo tchilatchepen un pherdo dinlepen, jaake rah har jon djiwenna; pal kowa merenn le!

Jesaja 59:18

Kolen dell lo pale pal kowa, hoi jon kran. Bari choljah djal lo ap lende. Ninna kolen dell job pengri phagi, kai djiwenn dur krik wergel o baro pani.

Jeremia 11:20

Koi penom: Baro Dewel, tu rai pral o bolepen un i phub, djineh, hoi an o mensheskro dji un shero glan djala. Tu hal i tchatchepaskro, kai djal pal o tchatchepen. An tire wasta dau miro koowa. Muk man dikell, har tu len ko tchilatchepen pale deh, hoi jon kamenn mange te krell.

Jeremia 12:13

Mire menshe tchiwan djob an i phub, un subjengro senlepen lan le khetne. Jon maran pen tele, un lan tchi dran lengri phari budi. Lauter his tchitcheske! His koi bari choli o baro Deblestar, hoi kras lauter paash.

Jeremia 20:12

Baro Dewel, tu rai pral o bolepen un i phub, tu prindjreh lauteren, kai ap tute rikrenn. Tu dikeh, hoi an lende hi, prindjreh lengre djia. Muk man te dikell, har tu kolen i phagi deh, kai man palla lan. Me dom miro koowa an tire wasta.

Jeremia 21:14

Me hom kowa, kai wau pash tumende, un dau tumen i tchatchi phagi koleske, hoi kran, penell o baro Dewel. Me tchiwau i jag an tumaro weesh, te chatchrell lauter tele.

Jeremia 23:2

Doleske penell o baro Dewel, ko Dewel pral o Israel, ap i pralstunende, kai hunte dans garda ap leskre menshende: Tumer rikran mire menshen gar khetne. Jon hi har bakre, kai wan kate te kote tradedo. Tumer dan gar garda ap lende. Kanna dau me garda, te lenn tumer tumari phagi ko tchilatchepaske, hoi kran.

Jeremia 32:19

Tu leh tuke baro koowa glan, un hoi kreh, hi sorelo. Un tire jakentsa dikeh i tsele dromma i menshendar, te dess hakenes pal kowa, har job djiwas un hoi lo kras.

Ezekiel 11:5

Un o ducho o baro Deblestar was ap mande, un penas ap mande: Pen i menshenge an Israel: Kawa penell o baro Dewel: Djinau tumaro rakepen. Un kowa, hoi an tumaro shero trujel djal, prindjrau me ninna.

Ezekiel 14:5

Jaake krau, te krenn i Israelitarja pengre djia pale mange pre, jon, kai mukan miro drom un mangenn wawar deblen an.

Micha 7:13

An ko tsiro hi i phub i mulo them dran kowa, hoi i menshe ap late kran.

Mateo 16:27

Me hom o Mensheskro Tchawo. Un me wau pale ap i phub an o railepen, hoi das man miro dad an o bolepen. Un mantsa wenna mire bolepangre. Un palle dikau ap hakeneste, hoi job kras. Un me dau latcho koowa kolen, kai latcho koowa kran. Un me dau i phagi kolen, kai tchilatcho koowa kran.

Johanni 2:25

Job djinas, har i menshe hi. Leske hunte penell kek, hoi an o mensheskro dji hi.

Bičepangre 1:24

Palle mangan jon o Debles un penan: “Rai, tu prindjreh i tsele menshengre djia. Sike mende, kones tu kol dujendar win rodal,

Remarja 6:21

Kowa, hoi kran, his tchi moldo. Tumer kran sawo koowa, koleske kai diwes ladjenn tumen. Sawo koowa anell an o merepen dren.

Remarja 8:27

Un o Dewel, kai djinell, hoi an o menshengro dji hi, djinell ninna, hoi o Debleskro Ducho lestar menge mangella.

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.

Debleskro tsiro 22:12

Dik, me wau sik, un dau hakenes pal kowa, hoi job kras.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”