Jeremia 16:4 - O Debleskro Drom 2021 (Sinte)

⁴ Lendar hunte merenn ap pharo nasslepen, un kek rowell pral lende un paskrell len. Jon atchenn tchiddo ap i hachetikri phub har viechengro ful. Wawar merenn an o kurepen. Un ninna wawar merenn i bokatar. Un i tchirkle un i diwje vieche chan len pre.

O Debleskro Lab 2024 (Sinte-Manouche)

⁴ Lendar hounte merenn ap pharo nasslepen, oun kek rovell pral lende oun paskrell len. Yon ačenn čiddo ap i harhetikri phoub har firhengro foul. Vavar merenn an o kourepen. Oun ninna vavar merenn i bokatar. Oun i čirkle oun i divye firhe rhan len pre.

Jeremia 16:4 ပူးပေါင်းရင်းမြစ်များ

2. Rajengro liil 9:10

Un i Isebel, i djukle chan lat pre ap ko kotar them pash Jesreel un kek hunte paskrell lat.” Un har job kowa penas, kras lo o wudar pre un nashas peske.

Debleskri gili 78:64

I rashaja wan maredo o chareha, un lengre romja nai rowan gar pral pengre mule romende.

Debleskri gili 83:10

Miro Dewel, kre lenge, har kral ap i Midianarja, ap o Sisera, un ap o Jabin pash ko tikno pani Kishon.

Jesaja 18:6

Un kolla lauter mukell lo tchiddo i tchirklenge, kai mass chan ap i berge, un i diwje viechenge ap i phub. Un kol tchirkle chan kolendar o tselo nijal un kol diwje vieche o tselo wend.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jeremia 19:7

Hoi kol menshe an o them Juda un an Jerusalem penge glan lenn, mukau me gar te well. Me mukau kolen pral lende te well, kai kamenn len te marell, un krau, te wenn le mulo dino o chareha. Un kol mulen dau i tchirklende un i diwje viechende chapaske.

Jeremia 21:6

Un me kamau lauteren an kau foro te marell, menshen un viechen. Jon hunte merenn ap i pharo nasslepen.

Jeremia 25:33

Ap ko diwes marell o baro Dewel menshen ap i tseli phub jek rigjatar ap i wawar. Un i mule menshe hi koi tchiddo, un kek rowell pral lende, hadell len pre un paskrell len. Jon atchenn tchiddo har ful ap i phub.

Jeremia 34:17

Doleske penell o baro Dewel: Tumer shunan gar ap mande un mukan tumare phralen un phenjen gar win te djal, kai ninna Israelitarja hi har tumer, doleske mukau me, o baro Dewel tumen te djal, te wenn maredo o chareha, merenn ap o djungelo nasslepen un i bokatar. Te dikenn i menshe an tsele themma ap i phub, hoi tumentsa djal, denn le i wasta pral o shero khetne.

Jeremia 34:20

Un me dau len an i wasta kolendar, kai kamenn len te marell, un lenge ap o djipen djan. Un lengro mulo mass well o chapen i tchirklenge un i diwje viechenge.

Jeremia 36:30

Doleske penau pral tute, Jojakim, rai pral Juda: Kek tire tchawendar well pal tute o rai pral o Davideskro them. Tu mereh un weh win witsedo un atcheh tchiddo an o kham ap o diwes un an o shilapen an i rati.

Jeremia 44:12

Me mukau kekes te djiwell kolendar, kai atchan djido an o them Juda, un kai djan an o them Egiptia, te djiwenn le kote. Jon halauter hunte merenn kote an o them Egiptia. O chareha wenn le maredo, un i bokatar merenn le: i tikne un i bare. Te dikenn wawar menshe, har lenge djal, hi le lenge har praassede menshe, kolendar darenn le. Jon san pral lende. Un te kamenn le jekes te praassell, penenn le: Mu djal tuke har i Israelenge an o them Egiptia!

Jeremia 44:27

Me dau garda, te well bibacht ap lende un kek bacht: Koon dran o them Juda hi, un an o them Egiptia was, kowa merell o chareha un i bokatar, bis te hi kek lendar buder koi.

Jeremia 7:33

Tchirkle un diwje vieche chan kol mule menshen pre, un kek tradell len krik.

Jeremia 9:22

I gosewo te sharell pes gar, kai job gosewo hi. I sorelo te sharell pes gar, kai job sorelo hi. I brawelo te sharell pes gar, kai job brawelo hi.

Ropaskre gilja 4:9

Kolenge, kai o chareha maredo wan, djas feteder har kolenge, kai meran i bokatar. Har kek djob buder bares was, phagan le khetne i bokatar, bis te meran le.

Ezekiel 24:21

Kawa penell o baro Dewel, maro rai: Djinau, tumenge hi miro kheer o kamleder koowa. Un tumaro dji nashell pal leste. Tumer han pre-phurdo un patsenn, kolenge, kai kote hi, nai djal kek tchilatchepen. Tchatchepah, me dau miro kheer kolenge an o wast, kai krenn les pale-tchiddo. Un tumare mursh tchawe un tcha, kolen tumer kote an Jerusalem pale mukan, kolla wenn o chareha mulo dino.

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

Zefanja 1:17

I menshe kran tchilatchepen ap mande. Doleske krau len darenes, te nashenn le trujel har korele menshe. Lengro rat te nashell ap i phub har tchik, hoi krik witsedo well. Un lengre buke wenn krik witsedo har te wans le ful.

5. Mose 28:22

Job bitchrell tumen sawo nasslepen, hoi chal tumen pre, tumaro mass well lolo un tato, un i fibro chatchell an tumende. Un job rikrell o brishin pale an tumaro them. Un i tato ducho krell, te well o djob nasselo un merell tele. Un kowa halauter well pral tumende bis te mulo han.

5. Mose 28:26

Un te han mulo koi tchiddo, palle wenn i tchirkle un i diwje vieche, te chan le tumaro mass. Un kek tradell len krik.