Jeremia 16:20 - O Debleskro Drom 2021 (Sinte)

²⁰ Kek mensho nai krell peske deblen. Hoi lo krell, hi kek dewel.

O Debleskro Lab 2024 (Sinte-Manouche)

²⁰ Kek mensho nay krell peske deblen. Hoy lo krell, hi kek devel.

Jeremia 16:20 ပူးပေါင်းရင်းမြစ်များ

2. Rajengro liil 19:18

Kolengre debla witsran le an i jag. Kolla his kek tchatche debla, wan kerdo i menshengre wastentsa dran kasht un bar. Doleske wan le khetne dino.

Jesaja 36:19

Kai hi kanna kol debla dran i forja Hamat un Arpad? Kai hi kanna i debla dran Sefarwajim? Kai hi kanna i debla dran Samaria? Lan le Samaria win dran miro wast?

Jesaja 37:19

Un kolengre debla witsran le an i jag. Kolla his kek tchatche debla, wan kerdo i menshengre wastentsa dran kasht un bar. Doleske wan le khetne dino.

Jeremia 2:11

Ninna te hi lengre debla kek tchatche debla, lenn jon kek wawar deblen an! Mire menshe, kai miro railepen dikan, jon paran man dren jekeha, kai kek dewel hi, un koles kek soor hi.

Jeremia 5:7

Hoske bistrap i doosh mire menshendar? Jon djan mandar krik, un denn pen sowel pash koleste, kai kek dewel hi. Har me len tchalo krom, phagan le mantsa, un djan an i lubjengro kheer.

Daniel 3:1

O baro rai Nebukadnezar kras i sonakaskri figura, hoi shob-deesh (60) mussja bares un shob mussja buchles his. Un job tchiwas lat pre an o buchlo them Dura. Ko them Dura his an o them Babilonia.

Bičepangre 19:26

Tumer dikan un shunan, kai o Paulo i menshenge penella: I dewel, kai i wastentsa kerdo wella, hi kek dewel. I menshe an o foro Efesus un an o them Asia shunenn ap o Pauleskro rakepen.

Galatarja 1:8

Kowa, kai penell, te dell i wawar drom har ko drom, hoi mer tumende sikram, kowa te well praassedo o Deblestar, ninna te wams mer kowa, ninna te wals i bolepaskro dran o bolepen pash tumende un penals kowa.

Galatarja 4:8

An ko tsiro, kai prindjran tumer o Debles gar, hans wawarenge koi, har te wans le o Dewel.