Jeremia 16:19 - O Debleskro Drom 2021 (Sinte)

¹⁹ Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

O Debleskro Lab 2024 (Sinte-Manouche)

¹⁹ Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Jeremia 16:19 ပူးပေါင်းရင်းမြစ်များ

1. Rajengro liil 20:23

Un i bare mursha o baro rajestar dran Syria penan ap pengro rajeste: “O Israeleskro Dewel hi i dewel, kai djiwell ap i berge. Doleske his jon sorleder har mer. Te kurah men mer lentsa ap i telstuni phub, tchatchepah, palle ham mer sorleder har jon!

Debleskri gili 18:3

Baro Dewel, tu hal mange har i baro sorelo bar, kai nai khatrau man, har i sorelo kheer, kai nai krell kek mange tchilatchepen. Miro Dewel, tu hal kowa, pash koleste nai wau un man khatrau. Tire wasta rikreh tu pral mande. Tu hal ko sorelo ap miri rig, un hal mange har i sorelo kheer pral ap i berga.

Debleskri gili 19:14

Muk man gar khetne kolentsa te djal, kai hi pre-phurde, te tserdenn le man gar ap lengri rig. Jaake well kek doosh ap mande, un me krau kek baro tchilatcho koowa.

Debleskri gili 27:5

An o tchilatcho tsiro lell lo man an peskro kheer. Awa, an peskro kheer khatrell lo man, pral ap i baro bar hidjrell lo man.

Debleskri gili 46:1

I gili jekestar, kai hi dran i familja Korach. Kai gili hi o rajeske pral i gipangre, te giwell lo lat har koi gili ‘terne tcha’.

Debleskri gili 46:11

“Mukenn tele”, dell lo gole, “un haiwenn, te hom me o Dewel. Me hom o pralstuno pral i menshende an i tsele themma, awa, o pralstuno pral i tseli phub.”

Debleskri gili 46:7

Job te dell gole, darenna i menshe an i wawar themma, un bare rajenge well i soor krik lino pral pengre themma. I tseli phub trissella i darjatar.

Debleskri gili 62:2

Pash o Debleste kokres hi miro djijes kek daar, Job well ap miri rig.

Debleskri gili 62:7

Job hi har i baro sorelo kheer ap i barreskri berga, kai man khatrau, un job ap mande jak della, jaake te perap gar.

Debleskri gili 65:3

Tu shuneh, hoi tutar mangah. Doleske wenn i tsele menshe pash tute.

Debleskri gili 68:31

de ko themes Egiptia trad, ko diwjo vieches pash o pani. Tchinge kol sorelentsa un rajentsa pral bud menshende! Tchip tut kolenge an o drom, kai pal o rup nashenna. Trade kol natsjone, kolenge o marepen shukar hi.

Debleskri gili 86:9

I tsele natsjone, kolen tu kral, kolla wenna un mangenn tut an, maro rajes, un sharenn tiro railepen.

Gosewe laba 18:10

O baro Dewel hi har i baro sorelo kheer. Kowa, kai an o tchatchepen tardo hi, nashell pash leste un khatrell pes pash leste.

Jesaja 25:4

Tchatchepah, tu wal o tchorweleske har i sorelo kheer, kai job pes nai khatrell. Te krenn le leske o djipen phares, nai well lo pash tute. Tu hal har i kheer, kai nai khatrell jek pes, te dell baro brishin, un te chatchell o kham tele. Kol pralstune, kai sorjah ap mende djan, hi har i baro phurdepen, hoi phurdell an o wend,

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Jesaja 44:10

Koon krals i debles un tchinals i figura, hoi tchi moldo hi?

Jesaja 44:20

Kowa hi jaake, har te mangals lo i jagakri tchik an. Leskro dinelo dji anas les an o chochepen. Kote hatsell lo kek drom win, te penals lo peske: “Rikrau me man gar ap o chochepen?”

Jesaja 45:14

Kawa penell o baro Dewel: O brawlepen dran o them Egiptia, un kowa, hoi i menshe dran Etiopia dren lan, well pash tute, te well lo tiro. Un kol bare sorele mursha dran Seba wenn tire budepangre. Pandles shellentsa wenn le pash tute, un witsrenn pen glan tute ap i phub, un penenn: Kokres pash tute hi o Dewel, un dell kek wawar dewel.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Jesaja 62:2

Palle dikenn i menshe an wawar themma tiro tchatchepen, un i tsele bare raja dikenn tiro railepen. Un tu weh pash i newo lab kharedo, kowa, hoi o baro Dewel tut dell.

Jeremia 10:3

Lengro patsepen ap i mule deblende hi tchi moldo. Jon denn i ruk tele an o weesh, te krenn le i figura. Un kowa, kai haiwell o kashteha te budrell, lell peskri tchuri, un krell dran o kasht i figura peskre wastentsa.

Jeremia 10:5

Sawe debla hi tchi wawar har kol figure, hoi i hache ap pengro kotar phub tchiwenn, kai senlepen bares well, te tradenn le i tchirklen krik. Jon nai rakrenn gar, witar gar nai djan le, jaake hunte wenn jon hidjedo. Doleske hunte trashenn tumer lendar gar. Jon nai krenn kekeske tchilatchepen, witar kek latchepen.

Jeremia 12:16

Jon sikran mire menshende, har te denn le pen sowel ap o debleste Baal. Kanna well jaake: Te mukenn jon pen mire menshendar te sikrell, har te denn jon pen ap miro lab sowel, un penenn: Pash o djido Debleste … palle mukau len mashkral mire menshende te djiwell.

Jeremia 14:8

Ap tute dikenn i Israelitarja, te wess ap lengri rig, un leh len win dran kai bibacht. Hoske kreh tu, har te wals i wi-themari an maro them, un har jek, kai atchell jek rati un djal palle dureder?

Jeremia 17:17

Kameh tu man traashnes te krell? Pash tute wau me un khatrau man ap o tchilatcho diwes.

Jeremia 2:11

Ninna te hi lengre debla kek tchatche debla, lenn jon kek wawar deblen an! Mire menshe, kai miro railepen dikan, jon paran man dren jekeha, kai kek dewel hi, un koles kek soor hi.

Jeremia 2:8

Tumare rashaja putchan gar: ‘Kai hi o baro Dewel?’ Har penan le i menshenge, hoi te krenn le, rikran le pen gar ap mire laba. Un kol pralstune pral mire menshende hadan pen pral mande, un shunan buder gar ap mande. Un mire rakepangre, kai hunte penans mire laba dureder, rakran an o lab ko chocheno deblestar Baal, un mangan figuren an, kai kek dewel hi.

Jeremia 3:23

Tchatchepah, har dam gole pal kol deblende ap kol berge, wan le gar ap mari rig. Kokres tu, maro baro Dewel, nai leh men tchatchepah win dran mari bibacht.

Jeremia 33:9

Palle well o foro Jerusalem mange i foro, pral koleste bachtelo hom. I menshe an i tsele themma sharenn man, un hadenn man, te shunenn le ko tselo latcho koowa, hoi me o foreske Jerusalem krau. Lenge atchell o rakepen krik, un jon krenn bare jaka, te dikenn le ko tselo latchepen un koi tseli bacht, hoi dau kau foreske.

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Ezekiel 11:16

Doleske pen: Kawa penell o baro Dewel, maro rai: Awa, me tradom len dur krik an wawar themma, un mank wawar menshende. Ninna te djiwenn le kate te kote an bud themma, un hi buder gar khetne, hom me pash lende, te nai mangenn le man an, an kol themma, kai le anlo wan.

Amos 2:4

O baro Dewel penell: I menshe an o them Juda kran pale te pale djungelo koowa. Miro drom un mire laba his lenge tchi moldo. Un jon kran gar, hoi lendar kamom. Jon mukan pen o tchatcho dromestar tele te anell un mangan kol chochene deblen an, kolen ninna lengre phure an-mangan. Doleske lenn le pengri phagi, un khaitenn man gar.

Nahum 1:7

Kamles hi o baro Dewel. Job prindjrell kolen, kai ap leste dikenna. Jon nai khatrenn pen pash leste an phare tsirja.

Habakuk 3:19

O baro Dewel krell man soreles. Job krell mire pire har i pire o tserfestar, te nai stap pral i berge un perau gar. Pash kai gili well bashedo ap dorjengre bashepangre.

Zakarie 2:11

Stenn pre, tumer menshe dran Zion, kai djiwenn an o them Babilonia, nashenn tumenge!”

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Remarja 1:25

Jon tchiwan o Debleskro tchatchepen ap i rig, un patsan ap kowa, hoi chochepen hi, un sharan i menshen un i viechen, un mangan len an, har te wans le o Dewel. Un o baro Dewel, kai lauter kras un djipen das, koles sharan le gar, un mangan les gar an. Un job hi kowa, kai moldo hi, te well lo sharedo hako tsiro. Amen.

1. Petro 1:18

Tumer djinenna, o Jesus Kristo plaissras kek sonakai un kek rup, – kowa lauter atchell gar, – te lell lo tumen win dran tumaro phuro djipen, hoi tchi moldo his, har djan ap ko drom, kai tumare phure djan.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”