Jeremia 15:9 - O Debleskro Drom 2021 (Sinte)

⁹ Koi djuwjat, kai efta tchawe his, lake atchas kek buder djido. Lakro dji phagas. Lakro kham djas tele mashkral ap o diwes. Lakro sharepen un lakri bacht hi buder gar koi. Un hoi kol menshendar pral atchas, dau me an i wasta kolendar, kai denn len mulo o chareha. Kowa penell o baro Dewel.

O Debleskro Lab 2024 (Sinte-Manouche)

⁹ Koy djouvyat, kay efta čave his, lake ačas kek bouder djido. Lakro dji phagas. Lakro kham djas tele mashkral ap o dives. Lakro sharepen oun lakri barht hi bouder gar koy. Oun hoy kol menshendar pral ačas, dau me an i vasta kolendar, kay denn len moulo o rhareha. Kova penell o baro Devel.

Jeremia 15:9 ပူးပေါင်းရင်းမြစ်များ

Jesaja 47:9

Well i diwes, kai well kowa lauter pral tute: Tu nashreh tiro romes, un tire tchawe hi mulo. Kowa well sik un soreles ap jek diwes pral tute, ninna te djineh bud drawepangre laba pre te penell, hoi te rikrenn i bibacht dur tutar, un kral bud bengeskro koowa.

Jeremia 19:7

Hoi kol menshe an o them Juda un an Jerusalem penge glan lenn, mukau me gar te well. Me mukau kolen pral lende te well, kai kamenn len te marell, un krau, te wenn le mulo dino o chareha. Un kol mulen dau i tchirklende un i diwje viechende chapaske.

Jeremia 21:7

Un koi pal dau me o Zedekja, ko baro rajes pral Juda, an kol wasta o baro rajestar pral Babilonia, o Nebukadnezar, ninna leskre pralstunen un kol menshen kate an kau foro, kolla, kai gar meran ap o nasslepen, an o kurepen un i bokatar. Kowa penau me, o baro Dewel. Me dau tumen an i wasta kolendar, kai kamenn tumen te marell. O Nebukadnezar mukell tumen lauteren o chareha mulo te dell, un les khaitell kowa gar, un job krell peskro dji tumenge pandlo.

Jeremia 44:27

Me dau garda, te well bibacht ap lende un kek bacht: Koon dran o them Juda hi, un an o them Egiptia was, kowa merell o chareha un i bokatar, bis te hi kek lendar buder koi.

Jeremia 50:12

o tsiro well, kai hi tumaro themes, kai boldo wan, buder tchi sapaske. Menshe dran wawar themma san pral leste. Mank i tsele natsjone well o them Babilonia o tchorwleder, i mulo tato them, kek panjeha, kai tchi bares well.

Jeremia 6:4

Jon penenna: Stas pre, te kuras men o foreha! Te djas pre jaake rah har mashkral o diwes hi! – Na-a, i rati kamell te well, un sik well tamlo.

Jeremia 7:19

Mange krenn jon koweha kek duka, penell o baro Dewel. Ap pende kokres anenn le ladj.

Ropaskre gilja 1:1

Jerusalem, har muklo hal koi tchiddo, tu, kai hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rajetsa hals pral wawar themma. Kanna hunte budress i wawarenge.

Ropaskre gilja 4:10

I bibacht, hoi was ap mire menshende, was jaake baro, te keran i djuwja pengre tchawen, – kol djuwja, kolengro dji pherdo kamlepen his – te nai was len tchomone te chal.

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

Ezekiel 5:13

Te mukom miri tseli choli ap tumende win, un dom tumen pale, hoi kran, palle djal miri choli krik, un hom buder gar chojedo pral tumende. Un tumer djinenn, te homs me, o baro Dewel, kai das tumen trad o tselo djijeha.

1. Samuel 2:5

Kolla, kai brawelo his, hunte budrenn kanna, te lenn le maro. Un kolla, kai bokan, kolen hi kanna doha te chal. Koja, kai nai las kek tchawe, koja las efta. Un koja, kolat bud tchawe his, kolake atchell gar jek.