Jeremia 15:8 - O Debleskro Drom 2021 (Sinte)

⁸ Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

O Debleskro Lab 2024 (Sinte-Manouche)

⁸ Koy hi boudeder djouvya, kolengre romma meran, har barra pash o baro pani. I daya shounan, kay meran lengre čave mashkral o dives. Koy vas i bari traash oun daar pral lende.

Jeremia 15:8 ပူးပေါင်းရင်းမြစ်များ

Jesaja 3:25

I murshen an o foro wenn mulo dino o chareha. Ninna i sorleder merenn an o kurepen.

Jesaja 3:26

I menshe an tiro foreskre wudja, Jerusalem, denn palle gole un rowenn. Un o foro hi palle wi-tchoredo un muklo.

Jesaja 4:1

Ap ko tsiro taprenn efta djuwja jek murshes un penenn: Mer kamah kokres maro chapen un mare ripja te ginell. Romedine men, te well i ladj mendar krik lino!

Jeremia 16:3

Me, o baro Dewel penau tuke, hoi djal kol tchawenge, kai wan kate boldo, un lengre dajenge un lengre dadenge an kau them.

Jeremia 18:21

Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

Jeremia 22:7

Me bitchrau lurden pash tute, kai krenn tiro kheer paash; hakenes lendar hi peskro tower an o wast un dell kol wi-rodede pesse kashta an kotja un witsrell len an i jag.

Jeremia 4:16

Denn i menshen trad! Penenn kolenge an o foro Jerusalem: kurepangre wenna dran dur themma, un denn pengro kurepaskri gole win, te lenn le i forja an o them Juda dren.

Jeremia 5:6

Doleske wenna lewe dran o weesh un marenn len; diwje djukle dran o diwjo un truk them dandrenn len an kotja, un bare diwje margodje lurenn glan lengre forja. Hakeno, koon win wella, wella an kotja dandedo. Lengri doosh hi bud un phari. Bud kope djan le mandar krik.

Jeremia 6:26

Tumer, mire menshe, tumenge penau: Riwenn gone ap tumende! Tchiwenn tumen an i jagakri tchik! Rowenn har te merals tumaro tchawo, un tumen kek wawar hi! Giwenn i ropaskri gili! Kol marepangre perenn ap jek kopo pral mende.

Ropaskre gilja 5:3

Muklo ham, mare dada hi buder gar koi. Mare daja hi har djuwja, kolengro rom meras.

Ezekiel 22:25

Tire raja hi mank tute har lewe, kai denn gole, har dandrenn le viechen khetne. Jon marenn menshen, tchorenn penge brawlepen khetne, un krenn, te nashrenn bud romja an o them pengre romen.

Hosea 4:5

Doleske perenn tumer rashaja ap o diwes, un o Debleskro rakepaskro, kai pash tumende hi, perell ratsjake. Un o kheer Israel, tumari dai, krau paash.

Louka 21:35

Djinenn! Ko diwes well pral lauterende, kai djiwenna ap i phub.