Jeremia 15:7 - O Debleskro Drom 2021 (Sinte)

⁷ An hako foro an o them Juda krom me i menshentsa jaake har jek, kai witsrell o djob pral, te perell o phuss win. Jaake tradom len kate te kote. Un mire menshe mukan gar pengre tchilatche dromma. Koi marom lengre tchawen, un mukom len tele te djal.

O Debleskro Lab 2024 (Sinte-Manouche)

⁷ An hako foro an o them Youda krom me i menshentsa yaake har yek, kay vitsrell o djob pral, te perell o phouss vin. Yaake tradom len kate te kote. Oun mire menshe moukan gar pengre čilače dromma. Koy marom lengre čaven, oun moukom len tele te djal.

Jeremia 15:7 ပူးပေါင်းရင်းမြစ်များ

Debleskri gili 1:4

Jaake hi i tchilatchentsa gar. Jon hi har tchik, hoi i ducho krik phurdell.

Jesaja 41:16

Tu witsreh len pre, un i ducho hidjrell len krik, un i phurdepen phurdell len kate te kote. Palle weh bachtelo pral tiro baro Debleste, un shareh tut tiro Debleha, kai o Israeleskro tchatcho Dewel hi.

Jesaja 9:12

Un i menshe dran Israel wan gar pale pash koleste, kai len kol dawa dell, un rodan gar o baro Debles, ko rajes pral o bolepen un i phub.

Jesaja 9:13

Ap jek diwes las o baro Dewel lendar i pralstunen krik, ninna kol chochene rakepangren, kai penan, kai lengre laba o Deblestar wan. Kowa hi, har te tchinals jek i matchestar o shero un o pori tele, un i rukestar i patria un i telstuno kotar. I phurende un i an-dikle hi o shero. Kol chochene, kai penenn, lengre laba wans o Deblestar, hi o pori.

Jeremia 18:21

Kanna muk lengre tchawen merell i bokatar, un muk len mulo dino te well o chareha, te atchenn lengre djuwjenge kek tchawe un romma, te wenn lengre mursha tapedo o merepastar, un lengre terne mursha an o kurepen maredo.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Jeremia 51:2

Me bitchrau an o them Babilonia wi-themarja, kai tradenn i Babilonarjen win dran pengro them, har i ducho, hoi phurdell o phuss krik, bis te o them djudjo hi. Ap ko tchilatcho diwes wenn le haki rigjatar pral lende.

Jeremia 9:21

O baro Dewel penell: Kol mule menshe atchenn tchiddo har ful ap i hachetikri phub, har o djob, hoi tchinlo was, un tchiddo atchas pal o tchinepaskro, un kek las les khetne.

Ezekiel 24:21

Kawa penell o baro Dewel, maro rai: Djinau, tumenge hi miro kheer o kamleder koowa. Un tumaro dji nashell pal leste. Tumer han pre-phurdo un patsenn, kolenge, kai kote hi, nai djal kek tchilatchepen. Tchatchepah, me dau miro kheer kolenge an o wast, kai krenn les pale-tchiddo. Un tumare mursh tchawe un tcha, kolen tumer kote an Jerusalem pale mukan, kolla wenn o chareha mulo dino.

Ezekiel 24:25

Un tu mensho, djiness, me krau ko sorelo kheer paash, kolestar jon patsenn, te well i menshenge kote kek tchilatchepen, ko railo kheer, pral koleste jon jaake bachtelo hi. Un hoi jon budeder kamenna har halauter, pal koleste lengre djia nashenn, lengre mursh tchawen un lengre tchen, lau lendar krik.

Ezekiel 36:12

Un me mukau pale mire menshen Israel ap tumende te djiwell. Tumer berge wenn pale lengro them, kai djiwenn le hako tsiro. Un tumer krenn buder gar, te merenn lengre tchawe i bokatar.

Zakarie 1:4

Ma awenn har tumare phure! Glan bud bersha penan lenge mire rakepangre mire laba un penan: Kawa penell o baro Dewel, ko rai pral o bolepen un i phub: Mukenn tumare tchilatche dromma! Ma krenn buder gar tchilatcho koowa! Jon shunan gar ap mande un kran gar, hoi lenge penom.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

5. Mose 28:18

Tumer lenna gar bud tchawe, gar bud djob, gar bud grumja un bakre.

5. Mose 28:32

Tire mursh tchawe un tire tcha wenn i menshenge an i wawar them dino, te budrenn le lenge. Un tire jaka dikenn kowa, un tiro dji nashell pal lende un phagella. Un an tire wasta atchell buder kek soor.

5. Mose 28:41

Tumen wenn mursh tchawe un tcha. Un jon atchenn tumenge gar. Pandles wenn le krik anlo.