Jeremia 15:20 - O Debleskro Drom 2021 (Sinte)

²⁰ Me krau tut kal menshenge har i soreli massuri. Ninna te djan le ap tute, nai witsrenn le tut gar trujel. Me, o baro Dewel, hom pash tute, te wap ap tiri rig, un te lap tut win dran lengre wasta, –

O Debleskro Lab 2024 (Sinte-Manouche)

²⁰ Me krau tout kal menshenge har i zoreli massouri. Ninna te djan le ap toute, nay vitsrenn le tout gar trouyel. Me, o baro Devel, hom pash toute, te vap ap tiri rig, oun te lap tout vin dran lengre vasta, –

Jeremia 15:20 ပူးပေါင်းရင်းမြစ်များ

Debleskri gili 37:39

O baro Dewel well ap i rig kolendar, kai ap leste rikrenna. An i pharo tsiro dell lo len soor.

Debleskri gili 46:11

“Mukenn tele”, dell lo gole, “un haiwenn, te hom me o Dewel. Me hom o pralstuno pral i menshende an i tsele themma, awa, o pralstuno pral i tseli phub.”

Debleskri gili 46:7

Job te dell gole, darenna i menshe an i wawar themma, un bare rajenge well i soor krik lino pral pengre themma. I tseli phub trissella i darjatar.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

Jeremia 1:8

Ma traash lendar. Me hom pash tute, un rikrau mire wasta pral tute. Ko penau me, o baro Dewel.

Jeremia 15:10

Me bibachtelo, hoske das miri dai mande o djipen? Hakeno dikell tchilatches ap mande. An o tselo them tchingrenn le ap mande. Ninna te patsom kekestar lowe, un kek patsas man lowe, praassell man hakeno.

Jeremia 15:15

Baro Dewel, tu djineh halauter! Ma biste man, un ab ap miri rig! De kolen lengro tchilatchepen pale, kai man palla lenna! Rike tiri choli ap lende gar jaake rah pale, te wap gar maredo! Tu djineh, me hom tuke koi. Doleske tchingrenn le ap mande.

Jeremia 38:28

Un o Jeremia atchas ap koi lurdengri platsa bis ap ko diwes, kai o foro Jerusalem dren lino was.

Jeremia 39:11

Un o Nebukadnezar, ko rai dran o them Babilonia, rakras o pralstuneha i lurdendar, o Nebusaradan, un penas leske, hoi te krell lo o Jeremijeha:

Jeremia 42:11

Ma trashenn o baro rajestar dran o them Babilonia, glan koleste tumen traash hi, penell o baro Dewel; me hom pash tumende, te wap tumenge ap i rig, un lap tumen dran leskro wast win. Doleske ma trashenn lestar!

Jeremia 6:27

O baro Dewel penas ap mande: Me kamau, te djas tu pash mire menshende, un dikess, hoi jon krenna, un har jon djiwenna.

Ezekiel 3:8

Dik, me dau tut i soor, te dikess lenge an o mui, un krau te well tiro shero har saster, jaake har lengre sherja ninna hi.

Ezekiel 3:9

Awa, krau tut sorelo har i bar, awa jaake sorelo har i diamanto. Ma dare lendar, muk tuke kek traash te krell lendar. Jon hi menshe, kai mukenn pen tchi te penell.

Daniel 3:17

Maro Dewel, koles mer an-mangah, te kamell job, palle nai lell lo men win dran i bobeskri jag un dran tiro wast.

2. Timoteo 4:22

Maro rai Jesus hi tuha! Leskro latchepen djal tumentsa!