Jeremia 15:19 - O Debleskro Drom 2021 (Sinte)

¹⁹ Doleske penell o baro Dewel: Te rikreh tu tut ap mande, rikrau me man ap tute, un tu atcheh miro rakepaskro. Te rakreh tu, hoi mishto hi, un rakreh gar, hoi tchi-moldo hi, hal tu miro mui. Jon hunte wenn pash tute, tu djas gar pash lende!

O Debleskro Lab 2024 (Sinte-Manouche)

¹⁹ Doleske penell o baro Devel: Te rikreh tou tout ap mande, rikrau me man ap toute, oun tou ačeh miro rakepaskro. Te rakreh tou, hoy mishto hi, oun rakreh gar, hoy či-moldo hi, hal tou miro mouy. Yon hounte venn pash toute, tou djas gar pash lende!

Jeremia 15:19 ပူးပေါင်းရင်းမြစ်များ

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

2. Mose 4:12

Un kanna dja pash lende! Me kamau tiro mui te well, un kamau tuke lauter sikrell, hoi tu lenge te peness!”

Gosewe laba 22:29

Dikeh i mursh, kai peskri budi haiwella, palle djiness, kowa nai budrell bare rajenge. Sawenge, kai gar an-diklo hi, budrell lo gar.

Jeremia 1:9

Un o baro Dewel tchiwas peskro wast ap miro mui, un penas ap mande: Dik, me tchiwau mire laba an tiro mui.

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

Jeremia 20:9

Awa, te penau mange, me kamau o Debles te bistrell, un rakrau buder gar an leskro lab, palle chatchell leskro lab an mande har i jag. Me lau miri tseli soor khetne, te rikrap kowa win. Un kowa djal gar.

Jeremia 35:19

doleske penau tumenge: Hako tsiro hi menshe koi o Jonadabeskre tchawendar, kai mange budrenn. Kowa penell o baro Dewel, ko rai pral o bolepen un i phub, kai o Israeleskro Dewel hi.

Jeremia 4:1

O baro Dewel penell: Tumer Israelitarja, te kamenn tumaro tchilatcho drom te mukell, palle awenn pash mande! Te lenn tumer kol djungele deblen glan mire jaka krik, hunte nashenn buder gar jek rigjatar ap i wawar.

Jeremia 6:29

Mire menshe hi har tchiklo rup. O bob chatchas soreles, kai o rup djudjo kerdo hunte wals. Ko tchik was gar win. Djudjo rup atchas gar pral. Lauter his tchitcheske. Mire menshe hi jaake tchilatcho, te well nai o tchilatchepen gar dran lende win.

Ropaskre gilja 1:11

I menshe an Jerusalem rowenna un rodenn pal maro. Lengro kutch koowa denn le koi, te well len chapaske, te hunte merenn le gar. Jerusalem rowell: “Ach baro Dewel, kre tire jaka pre, un dik, har i menshe tele dikenn ap mande!”

Ezekiel 2:7

Pen lenge mire laba! Nai well, te shunenn le, nai well, te shunenn le gar. Jon hi menshe, kai mukenn pen tchi te penell.

Ezekiel 22:26

Tire rashaja rissrenn mire laba trujel. Un krenn kowa pale-tchiddo, hoi mange hi. Kowa, hoi mange dino was, hi lenge gar budeder moldo har hako wawar koowa. I wawar menshenge sikrenn le gar, hoi pale-tchiddo un hoi gar pale-tchiddo hi. Un jon pandenn pengre jaka, te wenn o Debleskre diwessa gar dren rikedo. Jaake krenn le, te wap me buder gar sharedo.

Ezekiel 44:23

I rashaja hunte sikrenn mire menshende, hoi mange, o Debleske hi, un kowa, hoi i menshenge hi. Un jon hunte djinenn, hoi pale-tchiddo glan mande hi, un hoi gar pale-tchiddo glan mande hi.

3. Mose 10:10

Tumer hunte dikenn dren, hoi o baro Debleske hi, un hoi gar o baro Debleske hi, un hoi erligo hi un hoi pale-tchiddo hi glan leste.

3. Mose 14:57

Jaake nai well win hatslo, hi i mensho oder i koowa pale-tchiddo oder gar.

Jona 3:2

“Dja sik an ko baro foro, hoi kharell Ninive, un de kote wi-gole, hoi me tuke penau!”

Zakarie 3:7

Kowa penell o baro Dewel, ko rai pral o bolepen un i phub: Te djah tu ap mire dromma, un kreh koi budi mishto, hoi dom tute, palle wess o pralstuno pral miro kheer un kol glanstune platse. Un tu nai weh glan mande khetne kolentsa, kai kate tardo hi.

Louka 1:19

O bolepaskro penas ap leste: “Me hom o Gabrijel, un me hom glan o Debleste tardo. O Dewel bitchras man pash tute, te penap tuke kowa.

Louka 10:16

Pale penas o Jesus ap peskre malende: “Koon ap tumende shunella, kowa shunella ap mande. Un koon shunell gar ap tumende, kowa shunell witar gar ap mande. Kowa, kai shunell gar ap mande, kowa shunell ninna gar ap koleste, kai bitchras man.”

Louka 12:12

O Debleskro Ducho sikrell tumen ap ko tsiro, hoi tumer hunte penenna.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Louka 21:36

Denn jak hako tsiro! Mangenn o Deblestar, te wenn tumer sorelo an o patsepen tardo, un wenn mishto win dran ko tchilatcho tsiro, hoi wella! Jaake hunte trashenn tumer gar o Menshengro Tchawestar, te well lo pale.”

Bičepangre 20:27

Me mukom gar tele, te penap tumenge halauter, hoi o Dewel tumenge kras.

2. Korintarja 5:16

Doleske dikah kanna buder gar jaake ap i mensheste har an o tsiro, har hams gomme gar patslo. Ninna prindjrah mer o Jesus Kristes kanna wawartchandes har an ko tsiro, har djiwas lo ap i phub.

Galatarja 1:10

Penenn mange, rakrau me kanna jaake, har kamenn i menshe kowa te shunell? Na-a! Me rakrau jaake, har o Dewel kowa kamella. Me kamau gar, te sharenn man i menshe. Te wals kowa jaake, woms gar o Jesus Kristeskro budepaskro.

Galatarja 2:5

Mer kram kowa gar, hoi jon kaman. Mer kamam, te djinenn tumer soreles: O Jesuseskro drom, hoi mer tumende sikram, kowa hi o tchatcho drom.

Hebrearja 5:14

O mursheskro chapen hi kolenge, kai djiwenna pal o Debleskro lab un haiwenn bud un budeder, hoi latcho un tchilatcho hi.

Judas 1:24

Maro Debles hi i soor, te rikrell lo tumen ap leskro drom, te hatsell lo kek doosh ap tumende ap ko diwes, kai han glan leste tardo, un dikenn leskro railepen, un han bachteles.