Jeremia 15:16 - O Debleskro Drom 2021 (Sinte)

¹⁶ Baro Dewel, tu rai pral o bolepen un i phub, me hom tiro. Jaake was tiro lab miro chapen hako kopo, kai me kowa shunau. Te shunau tiro lab, giwell miro dji, un well pale sorelo.

O Debleskro Lab 2024 (Sinte-Manouche)

¹⁶ Baro Devel, tou ray pral o bolepen oun i phoub, me hom tiro. Yaake vas tiro lab miro rhapen hako kopo, kay me kova shounau. Te shounau tiro lab, givell miro dji, oun vell pale zorelo.

Jeremia 15:16 ပူးပေါင်းရင်းမြစ်များ

Nehemia 8:12

Kote djan i tsele menshe koi, te chan le un pijenn le. Un jon bitchran pengro chapastar kolenge, kai len tchi his, un giwan un khelan i bachtjatar. Jon haiwan kol laba, hoi lenge penlo wan.

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Debleskri gili 119:111

Tire laba, hoi menge sikrenn, har te djiwas, hi mange kutch un atchenna mange hako tsiro. Awa, jon hi kolla, hoi miro dji bachteles krenn.

Debleskri gili 119:16

Mange hi shukar, te krap, hoi tu mandar kameh, un bistrau tire laba gar.

Debleskri gili 119:72

Tiro drom kamau me budeder har bud serja kotja sonakai un rup.

Debleskri gili 119:97

O djijestar kamau tiro drom te djal. O tselo diwes hi tire laba an miro shero.

Debleskri gili 19:10

Te hadau o baro Debles pre, hi kowa mishto. Hako tsiro well lo hadedo. O tchatchepen, hoi o baro Dewel win rakrella, hi lauter latcho un tchatcho.

Jeremia 14:9

Hoske kreh tu, har te djinals gar, hoi te kress, har te wals i kurepaskro kek sorjah? Tchatchepah, baro Dewel, tu hal pash mende. Mer ham tire menshe. Ma muk men!

Ezekiel 2:8

Un tu mensho, shun, hoi me tuke penau! Ab tu gar har kolla, kai kamenn lauter feteder te djinell! Kre tiro mui pre un cha kowa, hoi me tuke dau!

Micha 2:7

Hi o Jakobeskro kheer praassedo? Patseh, o baro Dewel hi sik chojedo? Sau koowa anell lo gar pral mende! Awa, mire laba hi latches ap kolende, kai djan o tchatcho drom!