Jeremia 15:13 - O Debleskro Drom 2021 (Sinte)

¹³ [O baro Dewel penas:] Juda, me kamau te well tiro tselo brawlepen tuke tchoredo, jaake plaissreh tu ko tchilatchepaske, hoi kral an tiro tselo them.

O Debleskro Lab 2024 (Sinte-Manouche)

¹³ [O baro Devel penas:] Youda, me kamau te vell tiro tselo bravlepen touke čoredo, yaake playsreh tou ko čilačepaske, hoy kral an tiro tselo them.

Jeremia 15:13 ပူးပေါင်းရင်းမြစ်များ

Debleskri gili 44:12

Har vieche, hoi wenn maredo, dal tu men pre. Un an i tsele themma trujel tradal tu men, jaake te atcham gar khetne.

Jesaja 52:3

Kawa penell o baro Dewel: Tchitcheske wan tumer bikedo, un gar lowenge wenn tumer pale win ginlo.

Jesaja 52:5

Hoi krap me kate? penell o baro Dewel. Mire menshe wan tchitcheske pandles krik lino. Kolla, kai kran pen rai pral lende, sanenn un phurdenn pen pre, penell o baro Dewel. Un o tselo diwes rikrenn le man dineleske.

Jeremia 15:8

Koi hi budeder djuwja, kolengre romma meran, har barra pash o baro pani. I daja shunan, kai meran lengre tchawe mashkral o diwes. Koi was i bari traash un daar pral lende.

Jeremia 20:5

Ko tselo brawlepen an kau foro dau me kolen, kai len win randenn. I tsele lowe, hoi i menshe an Jerusalem dran pengri budi khetne anan un lengro kutch koowa un o tsele brawlepen kol rajendar pral o them Juda lenn le pentsa un anenn les an o them Babilonia.

Ezekiel 38:13

I menshe dran i forja Saba un Dedan un kol tsele parepangre dran o foro Tarsis un leskre pralstune penenn palle ap tute: Dikah, tu wal, te randess! Un mukal tire tsele lurden khetne te well, te tchorenn le penge rup un sonakai, un lenn penge viechen un halauter, hoi tchomone moldo hi. Awa, koi hi bud, hoi nai randeh tuke khetne!

Zefanja 1:13

Lengro brawlepen well randedo, un lengre khera khetne dino. Jon krenn penge khera un djiwenn gar koi dren, un tchiwenn drakengre ruka an i phub, un pijenn kek mool kolendar.