Jeremia 14:7 - O Debleskro Drom 2021 (Sinte)

⁷ Baro Dewel, mari doosh hi glan mare jaka tardo. Bud kope djam tutar krik, un shunam gar ap tute. Ab pale ap mari rig, te dikell hakeno, har kamlo hal!

O Debleskro Lab 2024 (Sinte-Manouche)

⁷ Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jeremia 14:7 ပူးပေါင်းရင်းမြစ်များ

Esra 9:15

Baro Dewel, tu o Israeleskro Dewel, hal an o tchatchepen tardo un lal men, kai pral atcham, win dran o merepen, jaake har kau diwes hi. Dik, kate ham glan tute an mari doosh, un djinah, mer nai atchah gar tardo glan tute!”

Debleskri gili 115:1

Tu kokres, baro Dewel, wess sharedo! Tu hunte wess sharedo, gar mer! Tu hal kowa, kai latcho hi un hako tsiro peskro lab rikrell.

Debleskri gili 25:11

Baro Dewel, kre tiro lab baro, un le miri doosh mandar krik, hoi jaake bares hi!

Debleskri gili 79:9

Ab ap mari rig, maro Dewel! un le men win! Le men win dran lengre wasta, te well tiro lab hadedo! Un le mari doosh mendar krik, te well tiro lab pale baro!

Jesaja 48:11

Te rikrau man kanna pale, te dap tumen budeder dawa, palle krau les mange, awa miro labeske. Kamau gar, te well miro lab praassedo. Kamau gar, te lell i wawar o sharepen, hoi mange hi.

Jesaja 59:12

Baro Dewel, bud kope peram tutar tele. Mari doosh, hoi mer ap mende lam, sikrell har tchilatcho ham. Ko tchilatchepen, hoi kram, hi glan mare jaka, un mer djinah, hawo djunglepen ap tute kram:

Jeremia 10:19

Ach, har dukell man miro dji! Miro dukepen kamell gar sasto te well. Patsom, kowa hi har i nasslepen un me rikrap kowa win.

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Jeremia 3:25

Mer hunte ladjams men, un mari ladj hunte tchakrals men har i plachta! Maro tselo djipen djiwam jaake, har o baro Dewel, maro rai, gar kamas. Mer un mare phure djiwam jaake, un shunam gar ap kowa, hoi job menge penas, te kras mer.

Jeremia 3:6

An ko tsiro, kai o Josia o baro rai his, penas o baro Dewel ap mande: Dikal tu, hoi i Israelitarja kran? Jon hi har i djuwel, kai mukas peskro romes, un djas ap kol tsele berge un tel hake senele ruka un das pes trujel wawar murshentsa.

Jeremia 5:25

Tumari doosh, hoi ap tumende anan, un ko tchilatchepen, hoi krenna, rikras ko latchepen tumendar pale, jaake te wan phare tsirja ap tumende.

Jeremia 5:6

Doleske wenna lewe dran o weesh un marenn len; diwje djukle dran o diwjo un truk them dandrenn len an kotja, un bare diwje margodje lurenn glan lengre forja. Hakeno, koon win wella, wella an kotja dandedo. Lengri doosh hi bud un phari. Bud kope djan le mandar krik.

Jeremia 8:14

Hoske ham mer kai trujel beshdo? [putchenn i menshe dran Juda.] Mer was khetne, te djas mer an kol sorele forja, te was koi maredo! Mer mukam o baro Debles, maro rajes. Doleske kamell lo maro merepen, un dell men sawo pani te pijell, hoi marell men.

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Ezekiel 20:14

Palle krom kowa gar, te nai rakrenn kol wawar menshe gar djungeles pral mande, glan kolengre jaka mire menshen win anom dran o them Egiptia.

Ezekiel 20:22

Un pale rikrom man pale un krom lenge tchi, te nai rakrenn kol wawar menshe gar djungeles pral mande, glan kolengre jaka mire menshen win anom dran o them Egiptia.

Ezekiel 20:9

Palle krom kowa gar, te nai rakrenn kol wawar menshe gar djungeles pral mande, mank kolende jon his, un glan kolende me penom, te hom o Israeleskro Dewel, un te anap len win dran o them Egiptia.

Hosea 5:5

Lengre pre-phurde djia sikrenn, har bud doosh ap lende hi. Dran lengri doosh perenn i Israelitarja an i bibacht. Ninna i menshe dran o them Juda perenn lentsa khetne.

Hosea 7:10

I Israelengre pre-phurde djia sikrenn, har bud doosh ap lende hi. Ninna te hi kowa jaake, wenn le gar pale pash mande, lengro baro Debleste, un rodenn man gar.

Amos 7:2

An miro dikepen dikom, har kaman i stepangre o tselo senlepen te chal an o them. Koi penom: “Baro Dewel, maro rai, ma dik ap mari doosh! Har nai well o Jakobeskro kheer pale ap i herja, kai jaake tikno hi.”

Micha 7:9

Djinau, me mukom o baro Debleskro drom. Doleske was leskri choli ap mande. Me hidjrau lat, bis te lell job miro koowa an leskro wast, un dell man miro tchatchepen. Job sikrell man peskri momeli, te dikap, har latcho job ap mande hi.

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rajeste, kolestar o Dewel penas, te well job. Un kanna hi lo kai.

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

Josua 7:9

I Kanaanitarja un halauter, kai an kau them djiwenn, kolenge penenn le kowa. Un hakeno shunell kowa! Un palle wenn le un denn men mulo. Hoi kameh tu palle te krell, te atchell tiro lab baro?”